شرايكم بهالنوعيه من البشر

[أحـلام * ورديـة]

قوه بنوتات

شلونكم شخباركم

بقولكم هالموضوع واعذروني واذا في كلمات والفاظ غير لايقه راح اقولها

بس اسمحولي من لوعة الجبد والمغثه اللي تشوووفها

تكفوووووووووووووووون اذا كنتي قاعده في مكان وقاعده تسولفين عن اي شي

مثل بيتج عيالج ريلج السوق وتنط لج وحده ببلعومج وتقعد تعلق على كل كلمه تقولينها

وتقولج انتي تسوين جذي ؟؟ !!

او انتي تقولين جذي ؟؟ !!

وعلى راسها الف علامه تعجب وتحسين انها حتى اهي تسوي نفس الشي بس جدام الناس تسوي

روحها غير عن الخلق

ولا تييلج وحده بتتكلم عن اي موقف تحطج

يعني مثلا قاعدين نسولف عن غرفة النوم تيي تحط اسمج انج انتي مثلا تسوين جذي وجذي

حق زوجج جنه اهي اسم الله عليها ما تنام مع زوجها ولا تسوي حق زوجها حركات

مسكينه داقه الشرف حتى على زوجها

شلون تتعاملون مع مثل هالبشر والله شي يلوع الجبد

 

[جـــواهر]

شحقه تسولفين عن بيتج وعيالج عندها ؟
اذا هي ملقوفه انتي شتسوين بعد !!

 

[أحـلام * ورديـة]

رد : رد: شرايكم بهالنوعيه من البشر

شحقه تسولفين عن بيتج وعيالج عندها ؟
اذا هي ملقوفه انتي شتسوين بعد !!

نسولف على اساس انه خوات ووحده تنصح الثانيه وتاخذ افكار الثانيه

ما ندري انه في ناس تبي الزله وقاعدين بس حق الشماته

 

[الفدنه]

ويييييييييييه اشكثر هالنوعيه
وع المزاج احيانا احقر واحيانا ادقرهم اخليهم يتحسفون ع اللي قالوه

 

[أحـلام * ورديـة]

رد : رد: شرايكم بهالنوعيه من البشر

ويييييييييييه اشكثر هالنوعيه
وع المزاج احيانا احقر واحيانا ادقرهم اخليهم يتحسفون ع اللي قالوه

والله زين تسوين لانهم صج لووووعه

يخلونج تلعنين الساعه اللي تكلمتي فيها

 

[DooLy88]

طبيعتي اسكت عنهم لان موضوعهم تافه - بس ساعات لما انقهر او اطفح
اكيد ارد واعطيها شي عدل اخليها لي النهاية ساكتة لوول << سويتها جم مرة

اللي ينرفزني اوقفه عند حده - ماحب اسكت لهم وايد ويتمادون
او اقلب السالفة عليها ونضحك عليها

تكتيك لووووول

 

[جـــواهر]

رد: رد : رد: شرايكم بهالنوعيه من البشر

نسولف على اساس انه خوات ووحده تنصح الثانيه وتاخذ افكار الثانيه

ما ندري انه في ناس تبي الزله وقاعدين بس حق الشماته

هالنوعيه ماودج تاخذين منهم نصايح وافكار

تجنبيها نصيحه

 

[الغاليه نونو]

اللي تسوينه يااقلبي انج تكتمين اسرار بيتج واللي يصير بينج وبين ريلج مايطلع بره لا حق عدو ولا حبيب والنقاشات ياكثرها ناقشيهم بلون طوفه بجدر شريتيه بكرفايه حق بنتج نفنوف زاهي خاطرج فيه يعني بكل شي تناقشي واخذى واعطي بالكلام علي راحة راحتج الا سوالفج مع ريلج طيعيييييني اولا مايجوز وثانيا عيون الناس ماتعطي خير اش لج بعوار الراس
هالنماين من الناس فرقاهم عيد وسعيد ولي شفتهم يتليقفون اتصدد عنهم واغير السالفه اعومسهااااااا فوق تحت واخليها تناقز من القهر لاني ماعطيتها مجال تسوي وتقول اللي براسها

 

[أحـلام * ورديـة]

رد : رد: شرايكم بهالنوعيه من البشر

طبيعتي اسكت عنهم لان موضوعهم تافه - بس ساعات لما انقهر او اطفح
اكيد ارد واعطيها شي عدل اخليها لي النهاية ساكتة لوول << سويتها جم مرة

اللي ينرفزني اوقفه عند حده - ماحب اسكت لهم وايد ويتمادون
او اقلب السالفة عليها ونضحك عليها

تكتيك لووووول

والله زين تسوين فيهم تعجبيني

 

[أحـلام * ورديـة]

رد : رد: رد : رد: شرايكم بهالنوعيه من البشر

هالنوعيه ماودج تاخذين منهم نصايح وافكار

تجنبيها نصيحه

نصيحتج على راسي حبوبه وانشالله باخذ فيها

 

[أحـلام * ورديـة]

رد : رد: شرايكم بهالنوعيه من البشر

اللي تسوينه يااقلبي انج تكتمين اسرار بيتج واللي يصير بينج وبين ريلج مايطلع بره لا حق عدو ولا حبيب والنقاشات ياكثرها ناقشيهم بلون طوفه بجدر شريتيه بكرفايه حق بنتج نفنوف زاهي خاطرج فيه يعني بكل شي تناقشي واخذى واعطي بالكلام علي راحة راحتج الا سوالفج مع ريلج طيعيييييني اولا مايجوز وثانيا عيون الناس ماتعطي خير اش لج بعوار الراس
هالنماين من الناس فرقاهم عيد وسعيد ولي شفتهم يتليقفون اتصدد عنهم واغير السالفه اعومسهااااااا فوق تحت واخليها تناقز من القهر لاني ماعطيتها مجال تسوي وتقول اللي براسها

لوووووووووووول تعجبيني

 

[جروح خالده]

رد : شرايكم بهالنوعيه من البشر

لما تقاطعج او تنقد عليج او تستهزاء بكلامج
ردي عليه رد محترررررم تخلينها تنقد علي نفسها وتكره اليووم اللي سوت معاج هالحركه

مثلا تقولج انتي تسوين جذي ؟؟ ناقده ؟؟<< قوليله اسملي عليج اسوي هالشي بالحلال ماسويت شي غلط ولايغضب ربي وعطيها نظره تعدلها

 

[أحـلام * ورديـة]

رد : شرايكم بهالنوعيه من البشر

لما تقاطعج او تنقد عليج او تستهزاء بكلامج
ردي عليه رد محترررررم تخلينها تنقد علي نفسها وتكره اليووم اللي سوت معاج هالحركه

مثلا تقولج انتي تسوين جذي ؟؟ ناقده ؟؟<< قوليله اسملي عليج اسوي هالشي بالحلال ماسويت شي غلط ولايغضب ربي وعطيها نظره تعدلها

صح كلامج وانشالله راح يتطبق

 

[Tom ♥ Jerry]

.

ويييع هاذي لا تسولفين معآهآ عن ريلج و عيالج
و اذا اهيه فتحت الموضوع قوليلها هاذي خصوصيه و ابتسمي لها و خلاص
يعني خليها تسكر على الموضوع (=

 

[برونزيه شقرا]

رد : شرايكم بهالنوعيه من البشر

ويع ويع ويع
ذكرتيني وحده معاي بالدوام
كل ماقلت كلمه نطططططططططططت مثل الكنغر وأخذي أسأله أجوبتها معروفه
حتى عن فاتورة المطعم تسأل انتي دفعتيها والا ريلج؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قمت أقثها وأزيد بالحجي واحسها بتنبططططططططططططططططططططططططططططططططططططط لين قامت تسكت
اعوذ بالله

 

[FeShinGoOo]

رد : شرايكم بهالنوعيه من البشر

قطيعه اكره هالنوعيه اصلا انا ماسولف شنو اسوي حق زوجي
بس مره كنت مجهزه الغرفه ريلي كان راد من السفر
جان حماتي تصعد فوق وتدرعم الغرفه وتشوف طبعا انا استحيت لان كنا تونا متزوجين ..وكنت حياويه
جان تروح تسولف لانه شمسويه والغرفه اتهبل احرجتني جدام حمواتي الباجين حسسوني اني فصعه واعرف سوالف
حتى حريم حمواني قامو يقولونلي يالعياره طلعتي مو هينه ..
والله انحرجت حدي ..
الحين ساده حلجي ماقول شي واذا سألوني اقولهم من زمان ريلي مو مقرب صوبي عشان يسدون حلوجهم

 

[فاقده ابوهاااا]

رد : شرايكم بهالنوعيه من البشر

صدقتي انا بعض المرات رفيجاتي يقولولي انتي من صجج تسوين هالشغلات حق ريلج مو شرط تكون جنسيه لا حتى بعيد ميلاده او بين فتره والثانيه اسوي اكشن بحياتنا عاااد ينقدووون علي ويقولون يا حليلج يا ....... من صجج يعني رومانسيه انتي ولا شنو والمشكله اهم ما يسوون هالشغله مع رياييلهم بس للاسف اعرف وحده تسوي كل الشغلات الرومانسيه مع اعوذ بالله رفيجها يعني يا بنت اللذين تمنعين ريلج من كل هاللشغلات الحلوه وبالصوب الثاني تعطينها حق شخص ثاني والقهر لما تتكلم مع البنات بثقه وعلى قولتج داقه الشرف على الريل .. الله يستر عليها بس

 

[أحـلام * ورديـة]

رد : رد: شرايكم بهالنوعيه من البشر

.

ويييع هاذي لا تسولفين معآهآ عن ريلج و عيالج
و اذا اهيه فتحت الموضوع قوليلها هاذي خصوصيه و ابتسمي لها و خلاص
يعني خليها تسكر على الموضوع (=

صح كلامج والله صح حدها ويع مو شويه

 

[أحـلام * ورديـة]

رد : شرايكم بهالنوعيه من البشر

ويع ويع ويع
ذكرتيني وحده معاي بالدوام
كل ماقلت كلمه نطططططططططططت مثل الكنغر وأخذي أسأله أجوبتها معروفه
حتى عن فاتورة المطعم تسأل انتي دفعتيها والا ريلج؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قمت أقثها وأزيد بالحجي واحسها بتنبططططططططططططططططططططططططططططططططططططط لين قامت تسكت
اعوذ بالله

اي اي من هالنوعيه قطيعه تقطعهم ما ادري شيبون

 

[أحـلام * ورديـة]

رد : شرايكم بهالنوعيه من البشر

قطيعه اكره هالنوعيه اصلا انا ماسولف شنو اسوي حق زوجي
بس مره كنت مجهزه الغرفه ريلي كان راد من السفر
جان حماتي تصعد فوق وتدرعم الغرفه وتشوف طبعا انا استحيت لان كنا تونا متزوجين ..وكنت حياويه
جان تروح تسولف لانه شمسويه والغرفه اتهبل احرجتني جدام حمواتي الباجين حسسوني اني فصعه واعرف سوالف
حتى حريم حمواني قامو يقولونلي يالعياره طلعتي مو هينه ..
والله انحرجت حدي ..
الحين ساده حلجي ماقول شي واذا سألوني اقولهم من زمان ريلي مو مقرب صوبي عشان يسدون حلوجهم

والله المفروض بس نكون مستمعين وما نتكلم

لانه الناس بس تطالع اللي عند غيرها وتعلق

جنهم ما يسوون ولا يعرفون بس احنا