شرايكم بهالاسم !

[كنـده]

بنااات شلونكم
رفيجتي واصل بشهرها وفيها بنوته وريها مصر الا يسمي على امه اسمها ( وسمية ) واهي مو راضيه وصلت فيهم للزعل
انا قتلها عادي مو قديم حيل مافي شي بس اهي معنده

 

[ناتشوو]

انا اقول
البيبي يجي اسمه معاه
لا تكبر السالفة
لان ماتدرين
شنو ممكن يتغير
يمكن الام تقول له مايسمي
واذا بالغت بالرفض
يمكن بيربط رفضها للاسم
بمحبتها لامه

وبالنهاية
الشرع والعادات كلها بصفه
بتسمية المولود


اعرف وحدة كانت
تتحلطم ماتبي تسمي ع ابوزوجها
اسمه( سعد)
يعني صج مو حلو
بس مولدرجة التحلطم
اللي صار
انها بالاخير
سمت ع ابوها
ليش؟
لان الله يرحمه توفى قبل ولادتها بايام
الف رحمة عليه
الزبدة
من هالسالفة
خل تؤمن
ان الاسم يجي مع المولود
ولا تضيع وقت وطاقة ومشاعر ع الفاضي
بوقت هي محتاجة لراحة وحنان
والاسم مو حيل فاشل
خاصة اذا زوجها مصر ومصمم
ماراح تحصل الا بعد وتجافي منه اذا عندت
وكله مو لصالحها

 

[مذهلة2013]

كل شيء بوقته حلو

 

[عـيّــآره]

يحق لها تزعل الصراحه


مو حلو كلش ان شاءالله تقدر تغير رايه بس بدون مشاكل تقنعه باي طريقه

وسميه !! لالالا غلط ماحبيته ​

 

[أسرار الجمال]

بصراحة مؤ حلو ومن حقها ترفض لان هي تتعب وتحمل وتولد وما يحق لها تسمي شنو هذا انا احب اسم البنت الام تسمي والولد الاب يسمي

 

[سلاسل ذهبيه]

ممكن تقنع ام زوجها بطريقه حلوه انه مايسمي عليها

 

[روح امها]

مافيه شي الاسم

يبي يسمي على امه لان يحبها بالعكس لازم تفرح

 

[مناير ...!]

عادي تحمد ربها مو عمشاء

 

[رنيم الروح]

حبيبتي ماتدري وش راح يصير بكرا دام الحال من المحال والاسم عادي مافيه شي ولا شين ينتفشل منه وسميه يعتبرعادي و ارحم مليون مره من غيره
تعالي شوفي صديقتي لما جابت بنت الا يسميها على اسم امه وكان شين وقديم بعد
اتقول بعد 3 شهور كلمته عن الاسم وبينت ان امه غاليه ومثل امي بس الزمن اتغير وانت اذا تبي تبر في امك في اشياء ثانيه غير الاسم وبعدين في الدين الاسلامي حق المولود علينا نختار اسم حلوو ولا بتتحاسب عليه وقتنع وغيره باسم جديد وقال انه مايبيها تتعقد لما تكبر
الموضوع يبي هداوه واقناع مو غصب وزعل لانه اذا ماقتنع وحط الموضوع براسه ماراح يغيره حتى لو بعدين

 

[حبيبه جاسم]

شفيه الاسم عآآدي جدآآ
بعدين آلشخص آللي يحلي آلآسم .
شخصيآت غريبه صرآحه , آسمي آلآسم آللي يبيه ريلي وآنآ سآكته
ولو عندي أعترأض جآن من زمآآن معترضه مب الحين ..عقب مآطآح آلفأس بألرآس

يآأم وسميه خن آدربج ع هآلآسم من آلحين

 

[شــــــــــــــوقــــه]

شفيه الاسم عآآدي جدآآ
بعدين آلشخص آللي يحلي آلآسم .
شخصيآت غريبه صرآحه , آسمي آلآسم آللي يبيه ريلي وآنآ سآكته
ولو عندي أعترأض جآن من زمآآن معترضه مب الحين ..عقب مآطآح آلفأس بألرآس

يآأم وسميه خن آدربج ع هآلآسم من آلحين

:dddds::dddds:

 

[Nonono83]

انا الصراحه كان يبي يسمي على امه لكن بجيت بجي لاصار ولا استوى لان اسمها على اسم ممثلة مصرية قديمه يعني اسم امبيه قتله ان الاسامي غير شوف الاسامي ايام الرسول عليه الصلاة والسلام وشوف الاسامي بالزمن اللي بعدها واللي بعدها ومن ثلاثين سنه اسم دانه كان غريب لكل زمن اسامي احنا نشوفها غريبه الحين بس لاكبرو بتكون عاديه لان هذا زمنهم يمكن يقتنع بهالمنطق او هو الحل بايد الام الصراحه انها تقول كيف امه تسميها اللي تبي اما اذا كانت الام قويه ماراح تقول هالشي كلش وماتقدر طبعا تقولها اسمج مو حلو عيب فمالها حل الا ان تقنع ريلها او الله يسخر لها خالتها وتقول كيفها

 

[ناتشوو]

يوووه
تذكرت
واحد تزوج وحدة نفس اسم امه
ولما مرته جابت بنت
اصرت امه تتسمى بنفس اسمها!!!!!

والله الاسامي قصص
تعوذي من ابليس
يا ام وسميه ع قولة حبيبة جاسم
ههههه

 

[hend6363]

يسموها وسيمة مثل وسيم
مو وسمية
و بس

 

[كليـ دلعـ]

خل تعوذ من ابليس وبنات الحمايل اللي متربين ع السنع

ماتناشب الريال ع تسميه ضناه!!

اهو ابوها وله الحق يسمي واللي بيسميها حلوه اللبن

مااافي الامر غراابه ولاا تعجب!!

ولد بيسمي ع امه وين المشكله!؟

خ تقوله اسمها عندك وانت اللي تسميهاا

عشان يرضئ عليهاا ربي وتكبر بعين زوجهها

ويرضى عليهاا

عيييييييييييب تقوله لاتسمي ع امك عيييب

خ تحط ببالهاا ان مرت اخوها تقول لاخوها مابي اسمي ع امك!

جاايزز تحسس بفداحه الامر!

الناس سموو

نوير!

غزوى!

مزنه!

وضحه!!

وسمو الحريم بكل ادب واحترام للزوج ومانالو الا الحشيمه بعين ازواجهم

والتقدير من حمايلهم!!

قوليلها الحياه اكبرر من اسم توقف عنده!

 

[شندوخه]

اختي بالعكس الناس الحين كل مالها وقاعده ترجع عالاسامي القديمه
وسميه اسم مو غريب ودارج حيل

 

[نور المدينة.]

بالعكس حلو الاسم ماتدري شنو يصير يمكن يتغير ويسمي غير

 

[امـ خــزامـى]

انا مع ناتشو ان المولود يجي اسمه معه

بس بعد وسميه ماااعتقد برضى

مثل مااهو ابوها انا امها


ماله دخل السنع والبر بالتسميه

هالسالفه ماتقنعني بتاتا البتتتتتتتته

 

[قصْر شآمخ~]

حلو وسمية
كل وسمية أعرفها عسل وذوووق عشان جذي أحب الاسم

وفعلاً الاسم على صاحبه

يعني لو كان صاحبه زين يصير أحسن اسم وإذا كان شين بيصير الاسم شين

تحاول فيه يغير الاسم إذا مو عاجبها
بس ترى ما يسوى تكبر المشكلة وهوشات عشان اسم

بالاخير ع قولة ناتشو اسمها اللي الله مقدرة لها بتتسمى فيه

 

[روح المرح]

هههههههههههه

طيب يشليووو ( و ) ويصيــــــر ( سميـــة ) احلللللى شوووووي

ياام وسميـــــــه ههههههههههه

الله يقومها بالســــــــلامة وبالتفاهم كل شيء نبــــــــــاه يصيـــــــــــر

شووووفي امي الله يحفظها لما كانت حامل فيني قالت لابوي ابا اسمي بنتي على اسم عمتي ( ام زوجهــــــا ) لانه حلمت فيهااااا قبل مااانولد بفتره طوووووويله هي متوفيه الله يرحمـــــــــــــــــها ابويــــا رفض

قال لاااااااااااااااااااااااااااااا لانه جدتي مررررره قويه خوف اني اصير قووووووويه مثلها ههههههههههههه

ياويل حالي ياهوووووووى انه ضعيفتن حححححيل حيييييييل / تقول قصصصصه حياتها هههه

المهم الله يقومها بالســــــــــلامة وتكون هيا وبنتها بصحــــــــــــــــــــه وعافيـــــــــــــــــــــــــه واخر شيء تفكر فيه الاسسسسسم

تقبلوووووووووووووووو مروري