شرايكم بمسألة التصحيح داخل المدرسة وعدم حمل الاختبارات للمنازل !

[سلطانة القحطاني]

طلب منا توجيه اللغة العربية في منطقة الاحمدي
احنا كرئيسات اقسام
انه التصحيح لاختبار الفترة الاولى يكون في المدارس فقط
ويحرم حمله للمنازل لاي غرض
والنشرة وصلت بخصوص ورقة اسئلة الدروس
لما سالنا الموجه عن السر
سكت
الى الان ماني فاهمه الحكمة من جعل التصحيح مدرسيا فقط
وبما اني رئيسة قسم جديدة على المنطقة والتوجيه
ما حبيت اخالف التوجيه او موجهي
والتزمت بذلك مع انه فيه تعسير على معلماتي اللي مع 5 منهم
18 حصة دراسية كاملة
واضطريت اقعد مع المعلمات الى الساعه 3 ونص العصر
عشان نصحح في المدرسة ونخلص
افيدونا افادكم الله​

 

[كيفي قدساوية]

رد : شرايكم بمسألة التصحيح داخل المدرسة وعدم حمل الاختبارات للمنازل !

برايي والله أحسن لكم علشان ما ناخذون شغلكم معاكم بالبيت و تريحون بالبيت و أتوقع علشان ما يصير تغيير بالإجابات لأن بصراحة بعض المدرسات علشان تعرف فلانة و من أهلها تغير إجابتها عادي والله أريح لكم

 

[Un-6be3iya]

احسن والله اولا ً لما تردون البيت يكون وقتكم كله لـ بيوتكم وهالشي اريح لكم
ثانيـًا كلها جم يوم ويعدون على خير ان شالله
ثالثـًـا .. في ناس لا ذمة ولا ضمير

 

[منال القلب]

رد : شرايكم بمسألة التصحيح داخل المدرسة وعدم حمل الاختبارات للمنازل !

أنا الصراحة أول شي عارضت لأن ابدا ما يمدي نصلح داخل المدرسة. لكن بعدها فكرت فيها اني ما ودي انقل شغلي للبيت. لأن البيت مكان راحتي وابي أفصل مكان الشغل عن الراحة. قيطعة شنو اهو صبح وليل ماعندي شي غير تصليح وسيرة المدرسة!
ف القرار حاليا مو هامني

 

[ريفيل]

رد : شرايكم بمسألة التصحيح داخل المدرسة وعدم حمل الاختبارات للمنازل !

لا والله الفتره الدراسيه الاولي والثالثه مالها داعي عادي المدرسه تصححهم برحها بس هذي سياسه تطفيش مو اكثر حتي الوافدين صاروا يفكرون بالاستقاله ويروحون دول الخليج الثانيه يقولون اسهل

 

[قفشـه]

رد : شرايكم بمسألة التصحيح داخل المدرسة وعدم حمل الاختبارات للمنازل !

احسن حل

احنا بالمدرسة تصحيح جماعي

مثلا انا وفلانه نخلص جزء الموضوعي كله

وفلانه وفلانه يخلصون المقالي

وهكذا

وخلصنا كل الامتحانات

ارد البيت والله ماعندي شي اسويه

التحضير احضر بالمدرسة وكل شغلي بالمدرسه وهذا الصح

بس موضروري بيوم واحد تخلصون التصحيح حرام ينضغطون الابلات

 

[رضاهم جنه]

حتى احنا تصحيح جماعي وفيه كنترول وتدبيس اسماء >>> شدعوه ابتدائي وعقدوها

 

[اخت فروحه]

حرااااااااااااااااااااااااااااام علييييييييييييييييييييييييييييييييييييهم والله استأثموا فينا

كنترول كااااااااااامل للفترة الاولى مع الحصص ومراقبة الامتحان غير الانشطة والمسابقات اللي يبونها ويبون ابداع بعد وتصحيح الدفاتر والله تعبنا زهقنا والادارة ماترحم وكل هذا ولا عندنا اوفر تايم مثل باجي الوزارات والادراة شارطه علينا ما نطلع قبل الساعة 5 المغرب

فعلا الكل يفكر بالتحويل والتقاعد حتى الوافدات

صرنا نرجع لبيوتنا نفسيتنا زفت ونحط الحرة بازواجنا وعيالنا

 

[نهايتنا قبر و موت]

الله يعينكم يا المدرسات

وعسسساكم ع القوة ...~

 

[Cool Teacher]

رد : شرايكم بمسألة التصحيح داخل المدرسة وعدم حمل الاختبارات للمنازل !

تو الناس ...

واللي يقولكم ان احنا من اول يوم عقب العيد ليما الحين يعني اسبوعين كل يوم ارد البيت الساعه 7 بالليل والتصحيح في المدرسة واحنا الكنترول احنا اللي نفتح الاوراق ونراجع لا والموضه اليديده احنا التسجيل ناخذ اسامي البنات وندخل الدرجات عالكمبيوتر غير المراقبه في الامتحانات ...ونصاب كل مدرسات القسم 15 و16 حصه لماده الانجليزي

حراااااااااااااااااااااام

ماني شايفه جدامي

لا تحضير ولا اي شي ولا اعرف اركز وانا اشرح للبنات اقولهم معاني الكلمات غلط واشرح القواعد غلط ماني مركزة ...

 

[Miss dreams]

بالنسبه للتصحيح الجماعى احنا بمدرستنا طبقناااه من السنه اللى طافت

لما طبقوا وثيقة المتوسط وغيروا النظام الى 4 فترات دراسيه فصاار عندنا كنترول وتدبيس اسماء يعنى ممنوع اوراق الاختبار تطلع برا

المدرسه مع انى والله سمعت انه بعض المدارس ياخذون الاوراق ويصلحونها بالبيت . بس والله العمليه حييل مرهقه للمعلم يعنى احنا قسم

الانجليزى بلشنا بالتصحيح من قبل عطله العيد لانه كان فى اختبار الورقه الاولى وبعد العيد طبعا كل يوووم تصحيح مافى يوم راااحه هذا

غير المراقبه ويعطونا احتياط بعد !!! والله صرنا ندخل الحصص من غيير نفس ونشرح اى شى من التعب لانه التصحيح يبيله تركيز

ومجهوود ذهبي هذا غير نصاب الحصص الكبير لا وبعد ما يحلى لهم الزيارات الناظره والموجهه الا ايام التصحيح لانه هذا اللى صار

معاى السنه اللى طافت الله لا يوفقهم ما اقول الا حسبي الله عليهم وعلى هالقرار الجائر

 

[ملامح بريئة]

معقولة بالاشهر يقعدونكم للمغرب لالالالالا صراحة جمعيتنا فاشلة و حقوقنا ضايعة و الله حتى الوافدات يبكون من التطفيش و المرض

 

[قفشـه]

رد : شرايكم بمسألة التصحيح داخل المدرسة وعدم حمل الاختبارات للمنازل !

مافي شي يلزمكم تقعدون لي الساعه 5!!!

حيل معطين ناظراتكم ويه

لو تشوفون اللي عندنا والله على طول لسانها الا ان المدرسات طاقينها بالطوفه ههههههههه

 

[مطيريه ماركه]

رد : شرايكم بمسألة التصحيح داخل المدرسة وعدم حمل الاختبارات للمنازل !



يهبون آقعد لهم لي آلعصر

آللي مآسويتهآآ !!

آحنآ مطلوب منّآ نصحح ونرصد في نفس يوم آلآختبآر وولآ شي يرجع آلبيت

صج تعب بس آحسن مآبي آشيل آلشغل لـ آلبيت

 

[اريج الجوري]

رد : شرايكم بمسألة التصحيح داخل المدرسة وعدم حمل الاختبارات للمنازل !

اهو احسن عشان ترتاحون بالبيت ,,,


بس لا تصلحون بيوم واحد ,,,


قسما باالله ان احنا اللي نجيب الهم والتعب لعمرنا ,,,


احنا مو ملزومين الا بالوقت اللي ناخذ عليه معاش ,,,


واول مايطق جرس الهده طلعوا ليش تقعدون ؟؟؟؟؟؟؟


تسوون كل شي وبعدين تتحلطمون مع انه من حقكم ترفضون ,,,


لااااااااااااا تقعدون ولا تسوون شي مو ملزومين فيه ,,,


سلام ...

 

[طيف الندى]

رد : شرايكم بمسألة التصحيح داخل المدرسة وعدم حمل الاختبارات للمنازل !

والله احنا الموجهه سامحه لنا التصحيح بالبيت
صححنا اوراق الامتحانات واحنا في ابيوتنا بس ترا احسن تصححين بالمدرسه

 

[the white heart]

رد : شرايكم بمسألة التصحيح داخل المدرسة وعدم حمل الاختبارات للمنازل !

شنو اليديد ؟؟!! احنا توجيه الفروانية من زمااان لازم تصحيح جماعي وين قاعدين ناخذ الأوراق للبيت والله ما أدش البيت قبل الخمس وشايلة 18 حصة وأدش وأشرح و أحط حرتي بالبنات ويا حلوهم بس يتبوسمون ويقولون أبلة شفيج معصبة؟؟؟؟
الحمدلله عسى ما فكرت أعترض أقول الله يديم الصحة والعافية اهيه فترة الامتحانات ..
أقول ليش ما يخلون الطالبات يمتحنون ويروحون البيت ويريحونا ونرتاح ونتفرغ للتصحيح !!! أحسن شي
بنفس اليوم نراقب وندرس ونصحح الله كرييم

 

[أبله^زوزو]

بصراحه انتي قاسيه شنو تخلصونهم بيوم واحد حرام عليج !!

اولا التصحيح بالمدرسه وايد احسن تخلين مسؤوليتج من كل شي ضاعت ورقه توصخت ورقه انكت عليها ماي !!

تخلصين شغلج بالمدرسه وتردين البيت ترتاحين !!

بس سالفه تقعدين انتي والمعلمات لي العصر والله حرام

قسمي التصحيح على ثلاث ايام ليش هالتعسف ترى الدنيا ماراح تطير !!

لاتشدين وايد خلج ريلاكس ترى بالنهايه الصحه والعافيه اهم من هالشقى والهم وكلوو يخلص بيوم حاله حال ثلاث ايام

 

[Turquoiseya]

بالنسبة لنا احنا اللغة الانجليزية ابتدائي
هذا القرار قديم 00 من السنة اللي طافت 00ومطبق عندنا من اول صدوره
ولازم انخلص التصليح بنفس اليوم بدون تاخير 00 لان اليوم اللي بعده رصد الدرجات ومراكض المربيات00 واللي بعده اصدار الشهايد وتوزيعها

الظاهر ان احنا سابقينكم بالضيم والكراف :dddds:

فيه ميزة ان الشغل يخلص بالمدرسة بس اللي يقهر ان رئيسة القسم تراجع الاوراق وتنقص البنات في درجاتهم بسبب اخطاء املائية تافهة في اجابات اسئلة الكتاب، يعني البنت غلطت في حرفين من الكلمة 00 والكلمة واضح من قراءتها ان البنت فاهمة السؤال وعارفة اتجاوب عليه00 شنو المغزى من تنقيص الدرجة وخصوصا ان مو في سؤال ال spelling ?! وهذا اللي سوته رئيسة قسمي باوراق طالباتي 00 عشان اتنزل مستواهم

 

[Turquoiseya]

نهايتنا قبر و موت

نكج المفروض استلفه منج الين اطلع من وزارة التربية :dddds: