شرايكم بلاب توب .....

[الخيال المتلاعب]

هلا بنات
شلونكم ان شاء الله بخير
بنات انا ان شاء الله بشتري لاب توب يديد
والصراحه محتاره بلاب توب سوني ودل وش بي
بس مادري بنت خالي تقول سوني حساس وصديقتي الثانيه تقول لا بالعكس روعه والصراحه احترت
ممكن تفيدوني ؟؟؟
انا ادري لاب توب ماك احسن شي بس غااااااالي 700 وفوق هع
ناطرتكم حبايبي

 

[من حقي أغير]

هلا حبيبتي انا توني ماخذة لاب ابل روعه حيل ٥٠٠ اكترون الوزان

 

[الخيال المتلاعب]

ادري بس هم بعد >_< اممممم يعني الابل اسعاره غاليه وبعد يبيله مده على ما اتعود عليه انتي عادي معاج بسرعه تعودين عليه

 

[من حقي أغير]

والله انصحج فيه شي روعه

 

[Whisper ~]

من رايي انا dell من أفضل ماركه للابتوبات
مو عشاني استخدمه :$
بس جربت غيره اتش بي وتوشيبا وايسر ولاحظت مشاكلهم واجد ومايطولون
بس للأمانه سوني ماجربته ،
أهم شي شوفي مواصفات الجهاز لا بغيتي تشترينه من ذاكره وسرعه

 

[زامليه وافتخر]

حبيبتى فيه انواع ثانيه
ديل
ايسر
اج بى

اسعارهم حلوه ومناسبه

 

[الخيال المتلاعب]

تسلمون حبايبي
بس هم مادري انا اذا ان شاء الله بشتري ابيه غالي عشان يدوم معاي ان شاء الله
مابي رخيص وبعد سنه تبدا مشاكل اوك فشنو تنصحوني انا بنت عمليه احب النت وايد

 

[الخيال المتلاعب]

حبيبتي من حقي أغير
ممكن تقولين لي شنو اسم جهازج او مواصفاته

 

[dandooosh]

حبيبتي انا عندي توشيبا صار له 5 سنين ماشالله تمام

 

[الخيال المتلاعب]

يقولون توشيبا يعلق

 

[نسيتك يازمن]

انا عندي hb
ماشاءالله واييييييد زين

بس نصحيه لا تااخذين سووني اختي ماخذه سوني مسكينه كل يوم موديته الشركه يغيرون لها المروحه وعذرهم داخله غباار :/

توشيبا اج بي ديل احسن شي

والله يوفقج

 

[الخيال المتلاعب]

تسلمين حبيبتي :/ حسافه باخطري سوني يمكن انتم شارينه صيني مو ياباني او امريكي

 

[سارهـ ..]

والله اللي اعرفه ان اتش بي افضل شي

خالي عنده محل للأجهزة الاب توب واختي يوم جات تشتري من عنده قالها ان اتش بي او توشيبا ولا تفكرين بغيرها هي اللي تعمــر خخخ

 

[•••MiSs ElliOtt«]

أنآ لآبي أتش بي

كله يعلق كله يعلق غثني :/

صآرله سنتين معي بس خلآص غثني خخخخ

تدرين إن آلمآك أحسسن شيء ويطول فوق إلـ 5 سنين

وآلسسرعه رهيبه ومآيحتآج تحطين له حمآيه إنسسي شيء إسسمه فآيروسآت

يستآهل كل فلس تدفعينه فيه وإسستخدآمه سسهل بس سآلفه آلتعود يبيلج أسبوع أو أقل إذ1 أنتي فلته 3>

أنآ أنططر آللآبآت آلجديده إللي رآح تنزل ششهر 9 :$

وسسعرهـ زوين رخص عن قبل

أو تشترينه من آلسسعوديه لآني مره قريت أسسعآرهم أرخص من آلكويت

يجيج آللآب بحدود 4 آلآف وشي

وبس

موفقه حيآتي

 

[الخيال المتلاعب]

هلا حياتي
ادري انه الماك احسن شي بس الصراحه الميزانيه ماتسمح لي
الماك غالي 700 وفوق واذا لقيتي اقل يعني مواصفاته مو هذاك الزود حلات تشترين الشي ومواصفاته عاليه

 

[jod.q8]

انا جربت تقريبا كل الاب توبات و حاليا استخدم لاب توشيبا

و ما جربت ماك بس قريب ان شاء الله بس خل يخرب هذا لوول ,

ايسر : مو شي تبينه لشغل دقيقه ولا دقيقتين اخذيه بس كل شوي لازم فورمات

hp : يعلق شكثر و اذا طولتي بالاستخدام من تحت يصير حار حيل و المروحه صوتها مزعج

توشيبا : زين بس يبيله من فتره لـ فتره فورمات و مرات الويندوز من نفسه يخرب و يروح عليج كل شي

dell : هم زين بس انا ما حيبته لانه الاحجام كبيره و شوي غثيث و لازم تنطرين و اذا سويتي شغلتين مع بعض يعلق دقايق

msi : يمشي و حاله من حال ايسر

بس اذا مو حابه تاخذين ماك اخذي dell او توشيبا ... ,

 

[الخيال المتلاعب]

ما شاء الله عليج افدتيني والله
مشكوره يالغاليه
زين ماجربتي السوني

 

[لليميـــن در .!]

سوني حبيبتي حلوووووو

بس اذا تبين جوده توشيبآآآ وبس

 

[jod.q8]

ما شاء الله عليج افدتيني والله
مشكوره يالغاليه
زين ماجربتي السوني

العفوو ,

لوول جربته بس نسيت اكتبه

و سوني زين و سعره فيه بس مرات مرات يعلق :eh_s(6):​

 

[الخيال المتلاعب]

اصلا كل اللاب توبات اكس بي لازم فيها تعليق شي طبيعي خخخ مشكوره حياتي