شرايكم بكبوس تخرجي

[بنت الكويتيه]

Ops! I think I'm late

Sorry!

 

[ابوس ترابج ياكويت]

البنات ما قصوا .. و جني جيت متأخره .. الله يوفقج يااارب

 

[<<لمار>>]

مبروك التخرج وعقبال الجامعة

 

[ريحانة_14]

عادي بنات إللي ياين متأخر باركولها بالتخرج

راح تستانس يحليلها

طالباتي إللي كنت أدرسهم بالمسائي ياحلااااااااااااتهم ياربي .. ذكرتني فيهم

شكثر كنت أشاخيلهم وأخليهم يغشون بعد ساعات لووووووووول

بس للأسف كان في وايد حساد من جنسيات ثانيه مايبونهم ينجحون ويروحون داااااااااايركت الإداره يفتنون لووووووول

بس الحمدلله رب العالمين كلللللللللهم نجحوا وخذوا شهادات

الله يوفقهم ويوفقج بعد يا صاحبى الموضوع

 

[كوكا كولا]

الله يعطيكم العافية على ردودكم الحلوة
وأبشركم شريت الدانتيل الأسود بس مو من البلوكات لأن ما اقدر اروح هناك
وشريت شوارفسكي ذهبي
وراح تشوفون النتيجة الحلوة قريب

 

[كوكا كولا]

ريحانه_14

تسلمين ياقلبي على الرد الحلو
والمفروض يساعدونا لأننا مسائي زين منا متزوجين وبيت وعيال وتعب واجتهاد مننا قاعدين نكمل دراستنا

عاد معانا وايد مدرسات يساعدوننا بس من الجنسيات الثانية في مدرستين مسوين تحالف ضدنا ويفتنون بالإدارة عن اي شي
والله الامتحانات صعبه وماكوا وقت ندرس اكثر لأن مسئولياتنا كثيرة بالبيت
وفوق هذا الحاسوب منهجنا فااااااااشل ندرس على برنامج الفيجوال بيسك او البيسك المرئي
احنا وييييييييين والبيسك وييييييييييين
على الأقل انا امشي فيه بس حرام وايد بنات مستصعبينه حيل لانه برنامج اضافي ماله علاقة ببرامج الويندوز نفسها

بس يالله :ggdw: هانت خلصت السنة وقرب التخرج
والله يكثر من أمثالج الي يساعدون بنات المسائي

 

[ريحانة_14]

لا توصين حريص حبيبتي كوكاكولا .. حبيباتي بنات المسائي

بصراحه أنا والمدرسات رفيجاتي وقت التصحيح بس نشوف على الظرف مسائي .. نعطييييييييهم درجات لأنهم عصاميات والله من طقتج وشرواج

وبعضهم الله يسلمج الأم تدرس مسائي 11 وبنتها تدرس صباحي عاشر والا 11 متخيله ؟

يعني الله يرحم والديها ويعطيها ألف عافيه هالأم إللي الحين يايه بتكمل بعد مانساعدهم ؟ لا والله نساعدهم ونص .. وفوق هذا بنياتنا

وإللي بيفتن خيفتن بالطقاق

السنة إللي طافت وحده مدرسة سوتلي النوووووووووووووووون ومايعلمووووووووووووووون مدرسة لغة عربية .. واي واي واي واي منهااااااا من أتذكرها جبدي تقلب والله ..

دشوا بنات المسائي اللجنه وطبعا الأدراج مقلوبه .. ووحده منهم حامل بالتاسع فقيره
والمكيف كان حاااار حده وإمتحان إنجليزي .. وأشوف البنت تعاااااااني موقادره تقعد الدرج طاق فبطنها مسكينه .. وأواخر الأشهر بعد الوحده تحس بالحر من الله وشلون لو المكيف خربان وبشهر 6 ؟؟؟

المهم

قمت وقلبت لها الدرج وسحبت درجها شوي جدام . قامت تدعيلي فقيره وتتشكر مني .. مدرسه اللغه العربيه طار عقلها .. وقومي نادي رفيجتج الثانيه والوكيله وقوليلهم إن أبله ريحانه قاعده تعفس الأدراج وتساعد البنات عالغش وفاتحتلهم المجال ...

الوكيله طبعا تموت علي الله يذكرها بالخير

وماصدقتها .. بس قامت غيرت صف البنات لأن صج كان حر

شوي والا المدرسه بعد اللجان قايمه رايحه عند الناظرة وتشكيلها مني .. إني مشجعه البنات على طولة اللسان وأدافع عنهم بالباطل لووووووووووووووووووووووول

عقبها عاد شالوني من لجان المسائي حسافه

بس ماعليه هم سويت شي بحياتي نياهاهااههاي

=============

وراوينا كبوسج تره ناطرينه

 

[ام محمد3]

حلو

 

[*&* المميزهـ *&*]

ناطريييييييييييييييييينج يا حلووووه

 

[Al Atwan]

الكريستال احلي شي عليه
مبرووووووووووووووووووووووك التخرج

 

[اميرة قلبه]

مبروك حبيبتي

 

[الشيخه شيخه]

مبرووووووووووووك التخرج
وليتني شايفه الموضوع من زمان
علشان ابارك لج واعطيج رايي
اذكر في وحده حاطه صورتها وهي صغيره
مكان الكابوس
وحلووه الفكره
وبعد حلوووه فكره الدانتيل
عقبال الجامعه

 

[~ عز ~]

ريحانه .. الله يكثر من امثالج ..



يلا حبيبتي كوكا كولا .. ننتظر الصوره

 

[miss 3yamoo]

حبيييييييييبتي شسويتي بكبوووسج ؟؟ لانه انا يوم اليمعه حفلتي التخرج ومادري شسوي بكبوووسي

حطي لنا صووور نبي نشوووووووووووووووووف ويعطيكم الف عافيه :eh_s(6):

 

[ضيعت إسمي]

مبروووووووووك
وين الكاااااااب؟؟
بليز راوينا كاب التخرج

 

[المصممه توته]

الف مبروووك
وقوليلنا شسويتي .؟؟