شرايكم بـ عملية شفط الدهون ؟؟ الله يرضى عليكم ضروري

[ناعمة]

السلام عليكم ورحمة الله وبركاته

بنات شرايكم بعملية شفط الدهون ؟

تكفون رايكم ضروري

و اذا تعرفون ناس مسوينها قولولي شصار معاهم ؟

الله يرضى عليكم تكفووووووووون بنات

 

[ام--صالح]

انا سويت من سنه و اشوي تقريبا النتائج كانت حلوه و نزل وزني 20 كيلو خلال ست شهور بعد العمليه مع الريجيم و الرياضه الجاده. الاسبوع الاولاني بعد العميله صعب وايد كان جسمي يعورني و مزورق او وارم. و حتي الصلاه لمده شهر بعد العمليه كنت اصليها على كرسي و طاوله لاني ما كنت اقدر انزل للسجود. بس قدرت اروح النادي و العب رياضه بعد الشهر بس هم كانت اماكن الغرز اتعور و ظلت تخف لين ست شهور. اذا وايد متينه ما انصح فيها و اذا اتحسين انه عندتش سمنه موضعيه اي تفيدش. حطي فى بالتش النتائج مو سحريه و لا فوريه يبيلتش صبر و تتوقعين المعقول و لازم الريجيم و الرياضه والا تعبتش و العوار يروح بلش هذا غير فلوستش.

 

[ناعمة]

يزاج الله خير اختي ام--صالح. الله يوفقج يا رب

 

[جوجو.]

مشكوره ام صالح

 

[ام--صالح]

الله يسلمتش حبيبتي و متالتش شغل بدكتور أحمد سليم اذا اشفطاو لترات كثيره ماتقدرين تطلعين نفس اليوم تكونين حيل تعبانه و متألمه و تأثير البنج يلوع الكبد. و بعدين الجروخ تظل تخرج ماء بأذيه استبدال الملابس فالاقامه يوم بالمستشفى ضرورى حيث انه الممرضات هناك يساعدونتش.

 

[ناعمة]

يزاج الله خير اختي ام صالح

مشكورة على معلوماتج الطيبة

 

[ام--صالح]

العفو اختي حياتش الله و موفقه انشاءالله.

 

[yam_yam]

افكر اسويها بس مترددة

 

[سواري88]

انا مره قالتلي وحده هنديه تحف كانت جايتني بالبيت وقعدنا نسولف قالت توني جايه من وحده كانت مسويه شفط وعقب الشفط بفتره حملت وعقب الولاده انتفخ بطنها وراحت الدكتور قال هذا مو شحم هذا ماي وهوا بسبب الشفط
واعرف وحده مسويتها من سنه تقريبا ورد نفس الشي بطنها يعني ماكو فايده الا بحاله وحده اذا بتسوينها لازم تسوين رياضه وتستمرين عليها عشان مايرد نفس ماكان مع ان انا عندي اذا تقدرين ع الرجيم والرياضه احسن من الشفط لان الدهون ترد اكثر من قبل اما الرياضه ماترد نفس اول