شرايكم بردة فعل امي؟؟؟؟؟؟؟!!!!!!!!!!!!!!!

[كويتيه=)]

فتحت هالموضوع عن التطورات اللي صارت عقب هاللينك

http://www.q8yat.com/t1018132.html

طبعا انا رفضت اللي تقدم لي و مو موافقه خير شر

بس للحين مقهووورة من الشخصية اللي دزت رقم بيتنا حق امي

وهم مو مصدقة ردة فعل امي ان فرحانه ان في احد تقدم لي وبنفس الوقت عندها عادي اخذ مطلق 3 مرات!!!

تخيلوو امي الحين تقول لي ترا انتي في سن ما راح ايي لج الا اذا واحد مطلق

فرصة احد يتقدم لج ومو متزوج من قبل نادر

ومو حسبالج انج جامعيه ومتوظفه وتتكشخين ان الناس مو قاعده تشوف عمرج وتسأل للحين ما تزوجت

فلا تخلين العمر يمشي وانتي ما تبين واحد مطلق

واعيد بنات واكرر عمري 24 سنه وصار لي 5 شهور متوظفه

هل ردة فعل امي ونظريتها صحيحه

حسيت اني خلاص بطيح بجبدهم ومافي احد يبيني

الحين صج تحطمت من قلب

والله المستعان

 

[DaShTeYa_Q8]

توج صغيرة !!!!!

 

[اديم]

توووووووووج صغيييييييييره

ليش مطلق!!!!!!!!

 

[عسل سل]

صغييره حيل والله استخييري اكثر من مره وبعد ااالاستخاره اامشي ورا احسااسج

 

[الأميرة جوري]

لا توج صغيره شفيها امج الله يهداها علبالها انتي كبيره ولا مطلق 3 مرات من صجها!!!!

 

[عذبة السجآيآ]

الله يكتب لج اللي فيه الخير

بس صغيره علي متقدم توج صغيره استانسي بعمرج

 

[ريومه ..!!]

لا شدعوه مو كبيره
ومطلق ٣ مرات ، لا والله لاتقطين نفسج على واحد ماتضمنين نفسج معاه
واللي جابه يجيب غيره

والله يوفقج

 

[لمى الهاجري]

شوفي الرجال تقدرين تعرفين طبعه سالي عنه سالي الناس عنه سالوا الي معاه بالدوام سالوا ربعه سالوا الناس ومن حقج تسالينه ليش مطلق نصيب

 

[كويتية كيووت]

توج بسم الله
شفيها امج الله يهديها
لاتستعجلين ولاتقدمين على
اي خطوه الا باستخاره
والله يوفقج يارب

 

[نثيـه]

اول شي لا تتحبطين ولا شي ترى عادي كل أمهاتنا جذي يبون بناتهم يتزوجون
وبعدين انتي توج صغيره بس هم ما يمنع انج تعرفين شنو السبب انه مطلق !!

يمكن العيب مو فيه
و بالنهايه أقولج موضوع الزواج محد يتخذ فيه القرار الا انني لانج انتي الي بتعيشين
والله يكتب لج اللي فيه الخير

 

[خطاابه]

الله يكتب لج اللي فيه الخير

 

[البتولً]

من ناحية العمر توج صغيرة اما من ناحية الي متقدم لا تشاورين نفسج ولا امج شاوري رب العالمين
استخيري وادعي (اللهم اختار لي ولا تخيرني ) ،

واذا مطلق 3 مرات مو شرط انة سيء ومنبوذ ولا هو شرط انه انسان ذربَ حكمي عقلج وخلي اهلج يسألون
وأسلوه شخصيا عن سبب الطلاق مو عيب اذا سئلتوه ولا تنسين هذا بتعيشين معاه مستقبلج على خير

ولله يكتب لج الي فية الخيرَ ويرزقجَ


،

 

[يا ليتني طفلة]

مو شرط الي مطلق 3 مرات يكون فيه عيوب ليش ما تقولين ما ناسبوه الي قبل و ما ارتاح لهم و ما جته الي تناسبة و يمكن تكونين انتي الي تناسبينة و من نصيبة وتعشين معاه طوووووول العمر خلي اهلج يسالون عن الرجال و قوليلهم انا خوفي شي طبيعي اي بنت يتقدم لها مطلق 3 مرات بتخاف اسالو عن سمعته و استشيري ربج ابرك من استشارت الناس

و امج ودها تفرح فيج انتي موكبيرة بس تبي تطمن عليج اول شي اسالو عن الرجال بعدين استخيري و توكلي على ربج

و عسسسسسسسسسسسسسسسسى ربي يكتب لج الي فيه الخييييييييير و يرزق كل بنت تبي الستر يا كرييييييييييييم


و لا تنسين تقولين لنا اذا وافقتي او لا
مووووووووووووووووووووووووووووووووووووووووفقة

 

[الحياة فرص]

حبوبة تراج توج بنوتة وصغيرووونه والعمر جدااامج بسمالله عليييج
واستخيري احسلج الواحد مايدري وين الخيره فيه

 

[نواتل]

الله يكتبلج اللي فيه خير ياارب

 

[مآبي غيـرك]

حبيبتي توج صغيره والطريق قدامك ,, بس صدقيني مافي احلى من الاستخاره
اذا استخرتي وماكتب ربي لج لو قلتي لم أمج ماراح تزعل بالعكس
بس اذا ارتحتي خلاص انتي من نفسج تبين تاخذينه

 

[معزوفة عشق&]

حبيبتي لا تاخذين بخاطرك ع امك .. كل ام وتتمنى تشوف بنتهآ عروووس كلمه واعتبريها كلمه كانت بحلقها وقالتها لووول

وبعدين انتي توووك صغيره عيشي حياتك بااللي يرضي ربك وادعي ربك بالزوج الصالح ودربك خضر ^_^

 

[كويتيه=)]

يا بنات أنا مو موافقه
بس ردة فعل أمي حيل فاسيه واجرحتني وايد
يعني شنو أنا بعمر ما راح أييني الا واحد مطلق!

 

[طموحه بزياده]

امج الله يهديها


وانا انصحج لا تتاثرين بتفكير وعقلية امج خلي لج تفكير مستقل بحيث ما تتاثرين بكلام احد

وامج ترا حالها حال الحريم فيها هوس تزويج البنات


لا تزعلين منها بس خليج قويه مثل هالمواقف

 

[فرفورهـ]

شكوووو نضريه امج غلط بغلط انا عمري 22 ولاناويه اتزوج
هذا الريال مو مناسب لج مطلق 3 مرات الا اذا انتي استخرتي وارتحتي له خلاص وافقي لا تدوخين راسج بردود البنات لان كل وحده وضعها مختلف عرفتي