شرايكم بخطتي او اسكت

[عاشقهH]

السلام عليكم

شخباركم بنات اغلبكم قرا موضوع هذا

http://www.q8yat.com/t1133486.html





انا ساكنه مع حمولتي ناويه اسوي هالخطه بنات هو مايدري اني ادري انه يكلم المهم ناويه ع يوم بنزل عند حمولتي وقبلها اكون عطيت رفيجتي رقم بيتنا المهم بس انزل واقعد بعدها بجم ساعه بقول لرفيجتي وتدق وتقول ابي فلانه وواذا عطوني الفون بكلمها وبنفس الوقت باخذ فوني ع اني اسجل ارقام عطتنياهم المتصله واذا سالت خالتي بقول وحده تقول جايج عرض علي المكياج المهم بحاول اسوي نفسي منصدمه واصعد بشيل شويه من اغراضي شكل (اصلا لو اروح لاهلي بيردوني تهديد. عادي) المهم اذا جى بطلب منه فونه وبقوله دقت علي وحده وقالت انت خبله وعميه ومقصه ماتدرين وين راسج من ريولج زوجج يلعب ويستانس ويخلص لها مشاويرها ويطلع معاها وحتى حق تجارته ساعدته وانتي عميه معطيج ع جوج وماشكيتي ويصرفها عليها واذا مو مصدقه هذي ارقامها هي زوجها مسافر وانت زوجج بمكانه وان البنت اللي دقت عطتني ارقامها (انا ناسختهم من فونه ) وببجي وبهدده واهم شي بدق عليها ببرد جبدي وبحاول اجيب رقم زوجها عشان تصير مصداقيه الموضوع وبدق عليها<<< ماراح اخليها وبقول لها لو اشتهبت انج مع علاقه بزوجي لاخلي سيرتج ع كل لسان بعالم كافي بعلم زوجج هو تهديد شفتها ماشيه بنااات زوجي يكلم صح كذا وحده ويتركهم شهر ويغير الا هاذي من سنين لازقه لزقه او اسكت انتم يمكن تقولون السكوت اني غبيه ولازم مواجهه ترى انا انصدمت وصج ثرت اول جم شهر وجاني انهيار بس سبحان الله ربي نزل البرود ع قلبي ماعاد يهمني شي وانا عارفه شقصدكم لان مريت مثلكم بس مع الايام صار عادي

 

[سيلينا]

صراحه في جزئيات ما عجبتني في الموضوع هذا والي قبله,, ومادري بشنو تحسين بالضبط !

اشلون تشوفين صور لزوجج وتشوفينه يكلمها ويروح لها وكل هذا عادي عندج؟ لا ويصرف عليها وياخذ رايها !!

لو بمكانج اموت ! وصدمني اكثر ان عندج قناعه ان الكل يخون!

عقب كل الي صار وشفتيه بعينج اعتقد انج تعرفين الي يناسب وضعج وتعرفين شخصية زوجج

الله يمسح على قلبج ويبعد عن زوجج هالبنات

 

[Pinky -cat]

انتي اكثر وحدة تقدرين تقيمين وضعج ونصيحة لا تطلعين نهائيا من بيتج اذا ما تدرين بغلاتج بقلبه ، لان هالشي بيعطيه فرصه
يروح لها ويتشكا واهي ما رح تصدق طبعا وتستفيد من الوضع ، اذا فكرتي تسوين هالخطة طبعا لازم ما تطلعين نهائيا
يعني مجرد كلام وتهديد ولو حسيتي انه بطنش وعادي تمشين سوي روحج تعبتي ونمتي.


وعلى فكرة بنت ابليس هاذي فعلا مارح توخر الا بمصيبة والموضوع ما رح ينحل الا بحط حده له ، بس اقولج شي
انتي ليش تدخلين ريلج الموضوع وتسوين ازعاج ومشاكل ببيتج عندج رقمها خلاص خلصت ، دقي لعني خيرها
وقلبي الدنيا فوق راسها ولو تكلم ريلج بتكون ييتج الفرصة لي عندج بدال خطة وعوار قلب

 

[iLLuMinaTion]

يعين الله

 

[جهراويه مزيونه~]

تدرين شنو المشكله المشكله انج ضضعيفه. ومهروزه لدرجة ان للحينج متردده انفذ الخطه او اسكت!!!! انا بعرف ليش حاطه السكوت من ظمن خياراتج انتي اساسا مالح خيار
اعذريني عل كلام الي بقوله بس شنو ماكو كرامه تدرين يخونج وساكته ليش ان شالله
انا ما اقول لج اطلبي الطلاق بس ضروري ضروري جدا تتصرفين وتحطين حد حق مسخرة زوجج والضايعه هذييج
الله يعين عيالها ويستر علينا وعلى عيال الاوادم

عندج رقم البنت! حطيه ببرنامج الي بالايفون يطلع لج اسمه وحاولي توصلين لاسمها الكامل دقي عليها جدام زوج هدديها راح تفضحينها ذكريها عندها عيال ووراهم مستقبل لاتدمر سمعتها وسمعتهم وبنفس الوقت هددي زوجج وحطيله حد

 

[~Jana]

والله مادري شقولج انتي ابخص بزوجج وشنو ممكن تسوين عساس تنحل المشكله
بس اللي اعرفه ان السكوت ابداً مو حل لأنج اذا سكتي واستمريتي عادي بدون اي تصرف
راح اتنازلين وايد واتهينين نفسج .. لكن الحل بالتصرف الحكيم للمشكلة اللي انتي فيها
وشغله ثانية انا مو فاهمه ليش بالبداية بتكون السالفة جدام حمولتج .. ما فهمت هالنقطه

وبنات ترا مو دايماً مواجهة البنت او الزوج علطول اهي الحل
تعتمد على شخصية الزوج وعلاقة الأزواج ببعض ومدى تمسكه فيها
بالعكس انا اشوفها من الحكمه انها تهدى وتصبر وتاخذ وقت تفكر شلون اتصرف
عشان لا تندم بعدين .. وهذي الصراحه اشوفها قوة مو ضعف بالشخصية ابداً
وبرايي استشيري حكيم من اهلج ومو اي احد

واهم من هذا كله تقربي من ربج ولا حول ولا قوة الا بالله
الله يكون بعونج

 

[ضــمــاد]

كتبة لج رد طويل بعدين مسحته .. قلت بسألج بالاول


سؤال : أنتي ولا صاحبة النك اللي شافة صور زوجها مع رفيجه ؟

 

[اقماري]

انتي قوووووويه ماشاءالله ادرسي الخطه عدل عشان مايكون فيها ولا ثغره.

الخطه حلوه وواصلي حبيبتي اهم شيء انفجري اخر شيء وسفلي فيهم عدل طلعي الحره حسبي الله ونعم الوكيل بس.

هذي مو ام هذي شيطان رجيم والا عندي عيال شاالله حادني ع الردا ودروبه !

الله يصلح عيالنا وايبلغنا فيهم.

 

[مناير ...!]

غللللللللللللللللط
مشكلتج مع ريلج مو مع البنت
طلعيها من السالفه
لان لو قطع علاقتها معاه فيه غيرها 33
لازم تنهين المشكله من ريلج

 

[حبيبي مالكني]

التمثيلية هاذي ماراح تفيدج
انا اقول واجهيه بالادلة الي عندج
وخلي الموضوع بينج وبينه وشوفيه شنو يرد عليج اذا يبي يتسنع خير وبركة اذا لا
دخلي اهلج بالموضوع
بس انج تسكتين واهو يتمادى لا

 

[M!SS.LOBY]

الله يكون بعونج

 

[اللّہ معي ، ♡]

احس قديمه وحركات افلام مصريه

انا اقول اثقلي وشوفي لك حل افضل

خيرررررر وحده دقت وقالت ؟؟ ترى شي مايدش المخ


الله يفرج همج يارب

 

[al-musk]

المشكلة الأساسية فيج إنتي لأنج متقبلة ان ريلج كل يوم مع وحده بس اهم شي مو وحده ثابته ..

الله يعينج ..وانا أقول شوفي إستشارية أسرية أحسن وعليج بدكتورة فوزية الدريع راح تعطيج حل نهائي ومناسب لشخصيتج إنتي وزوجج ..

وان شاء الله تلقين حل نهائي لانج بالنهاية راح تدمرين نفسج من الارهاق العصبي الي انتي فيه حتى لو تهيالج انج قوية وباردة لان اخر شي البشر طاااقه ولاتكلفين نفسج فوق طاقتها وحياتج شلون بتستمتعين فيها وتعيشين فيها بدون راحه باااال .. ريلج المفروض يحبج ويغليج وانتي أم عياله .. يبيله هزة وان بيحس ان بيفقد هالأمان الي انتي موفرته له وساعتها راح يصحى ..

العمر مرة ولاتعيشينه بدون راحه بال ..

 

[برنسس كاتي]

قريت موضوعج الأولاني وممدام هي الي لاصقة فيه انا من رايي أولا جمعي كل شي تقدرينه عنها !! جيبي رقمها وجمعي صورها كلها من تلفون ريلج حتى لو يمديج صور للمحادثات وطلعي أسم زوجها ورقم جواله حاولي بعد لو تجيبين عنوان بيتهم أو شغلها بعدين واجهيها هي ودقي عليها وقوليلها كل هذا وهدديها لو ما وخرت عن ريلج انج الحين بتدقين على ريلها وتقوليييين له كللللشي وعشان تخاف قوليلها رقم ريلها عشان تصدق أنج جادة !! واذا جربت انها تروح لريلج وتقوله انج دقيتي عليها قوليلها أبسط شي انشر صورج في كل مكااان وافضحج عند الي يسوى والي ما يسوي صدقيني هل اشكال ما ينفع معاهم أي شي .. ريلج كما جميع الرياييل أكييد اننه بيقلب السالفة عليج فهددي البنت اول ...

 

[طريق السعاده]

بنات انا اقولكم ليش هي موقفها ضعيف

اهي تدري محد بيوقف معها من اهلها وبيرجعونها له ويمكن يقولون لها ارجعي لبيتك ولاتتطلقين ويصلحون الي بينهم ويكون موقفها غبي قدامه !

الحل حبيبتي انتي قويه وبطقاق فيه لافلوسه ولا نعيمه ينفعك اذا جاب لك مرض او اذا تعلق في وحده وجابها فوق راسك !
الحل انك تمسكينه وتحطين كل الي مسكتيه عنده ! قدامه اهو مالك شغل بالبنت تكلمي معه وقولي شنو ذا !!

قالك تنبشين ماتنبشين قولي مو مشكلتك ! انت ربي كشفك لي وفضحك قدامي بالغلط شفت وانصدمت وصرت اشوف وانصدم
ي حسافه كل الي راح وياحسافت مشاعري وياحسافه صورتك الي كانت وصورتك بعد ماشفت .!
عموما انا مادري اقدر اسامح وامرر هالموضوع او لا بس لازم هالمهزله تنتهي مو بس مع بنت ابليس ذي مع كل الخمه الي انت تكلمهم وتستغفلني فيهم ي تترك بلاويك وحركات المرااهقين ذي ي اتركني وتتهنى فيهم كفوك ومقدارك بنات الشوارع انا بنت حموله وماحب الردي والي شفته عين الردى وبيت اهلي ماعجز عني وانا صغيره بيعجز عني يوم كبرت وشلت نفسي !

واسكتي وروحي غرفتك دقي عليها والعني جدفها وهدديها انك رح تخبرين زوجها لو ماحشمت نفسها وعيالها الي بتفضحهم وتصير سيرتها ع كل لسان
وازعلي عليه بس لاتطلعين من بيتك !

لكن تعاملك خليه رسمي جدااااا ( اغراضه خليها جاهزه ملابسه وفطوره وكل اشغاله لاتقصرين بشي بس ع الصامت لاتحاكينه )

انتي شوفي ردت فعله ان اعتذر وتعدل وتسنع زين على زين

ان كمل دشرته وقلت ادبه بصراحه مو عيشه وهذي اهانه لك انتي واذا اهلك مايتقبلون جيبيها ع بلاطه وقوليلهم راعي بنات كل يوم بحضنه وحده ! شنو تبوني اسكت ع الردى وشفته بعيني يخسي لايجيني ولا يشرفني ! ومعليك فيهم اذا خايفه من اهلك مافيه الا هالاسلوب انتي قوي قلبك وتصرفي والله محد نافعك لانه اذا ماوقفتي الموضوع عند حده بيجلس طول عمره كذا ! وبتتمين ساكته وبالعه الوجع بلحالك والله محد بيدري ويحس فيك !
(وللعلم ترا اغلب الي يسوون اغلاط وبلاوي يجيك يرقع السالفه ويعوض زوجته بمعامله زينه ويكب عليها فلوس وهدايا وخرابيط عشان ضميره مايئنبه )

الله يعينك صراحه ..

 

[طريق السعاده]

فكرتك قديمه وصايره مكشوفه وماحسها حلوه احس مشوار خليك سيدا وعطيه السالفه بوجهه وقوي قلبك لاتتكلمين بدموع وبكاء ولا يحس بانكسارك لا تكلمي بثقه وقوه وصوتك يكون ثابت وبهدوء خليه يحتقر نفسه ويحس انه حشره ! بدون ماتعصبين وتصارخين تكلمي بهدوء وكلماتك خليها موزونه وكوني واثقه بكلامك وقولي انا كل ارقام هالبنت عندي ورقم زوجها عندي ورب النعمه وعزت ربي لو انا حقيره كان من اول ماعرفت السالفه بلغت زوجها بس فكرت فيها ! قلت العيب بزوجي لو محترم كان حشمني وماعطاها وجه ! مو يكركر ويشاورها وخروف عندها ! انا لو واطيه سحبت زوجها نفس ماتسوي انت وياها بس انا بنت حموله ومتربيه ماعرف هالسوالف القذره ! والعيب مو فيهم فيك انت الي كل شوي متعرف ع وحده من هالقذرات ..

 

[بوح الحنين]

انا مع برنسيس كااااااااات كلامها عين العقل