شرايكم ببنت تبجي .... ؟

[فتون7]

قوه حبايب شلونكم






بصراحه بنات انا متزوجه وعند حمولتي ساكنه بصراحه تمر ظروف وتمر ازمات نوعيتي اطوف واكمل حياتي يعني مايسصغرني شي بس تمر مواقف انتي مظلومه فيها ولما تواجهين الشخص اللي ظلمج وتتاكدين من السالفه عدل اهني بصراحه مااتحمل لو اني موغلطانه بس احس اني ابجي بجي ادري بتقولون شكو بس والله يابنات فيني طبع اني مااتحمل الشغلات هذي احس موعارفه ابجي احس سلاحي البجي لاني موراعية مشاكل ولا راعية سوالف وطبعي اسولف واضحك واتغشمر عادي ولا اشيل بقلبي بس اني مصدومه وموعارفه اواجه وودي اغير طبع البجي اللي ماثر فيني شرايكم فبنت تبجي بهالمواقف تواجهين فيها احد ؟؟؟؟؟؟؟؟؟؟؟؟ ​

 

[ba6bo6a1]

alla y3enig o el nas a6ba3 fe nas qaweya bil mowagaha o fe nas ma tegr tenqeher o tbgy

 

[هنـــــد]

رد : شرايكم ببنت تبجي .... ؟




أمر طبيعي وله علاقه كبيره في شخصيتج
كـ بنت مسالمه بعيدة جداً عن المشاكل وظهور مشكلة في حياتج شيء مو متعوده عليه
فيكون جديد بالنسبه لج وماتعرفين تتصرفين فيه حتى لو امتلكتي الحجه وعرفتي تردين
وكنتي مظلومه واثبتّي برائتج لابد من الدموع أمر طبيعي راح تبجين
لااا وأحياناً البجي يمنعج عن الكلام !!

أما اذا كنتي متعوده ع المشاكل والظلم بيكون عندج مناعه عن الدموع
من كثر ما بجيتي وعاصرتي !


فهمتي الغمنده يا قلب
فديتج

 

[روحي زوجي]

رد : شرايكم ببنت تبجي .... ؟

هل البجي نفعج خلال هالظروف ولا الازمات ؟؟؟

اذا نافعج كملي عالبجي لين تسود عيونج ويقل نظرج

بينفعونج وقتها ؟؟؟

لازم تاخذين لج حل تواجهين اللي يظلمج ويستصغرج بعقلانيه ومن غير طولة لسان

 

[nadoy]

حبيبتي ابجي ليش ماتبجين

بس لاتبجين جدامهم ولاجدام زوجج عشان لايقولون والله ضعفت جدامنا وبخلونها نقطت ضعف عندج

نصيحه انا لو تقط علي خالتي حجي احقرها صج انقهر بس ما ابجي جدامها حتى لو بأقل شي

 

[جذابه بنت ذيابه]

رد : شرايكم ببنت تبجي .... ؟



بالعكس ابجي وفضفضي لنفسسج
بس لا تبجين جدامهم بيحسون انج ضعيفه .. واي شي تشوفينه طوفيه

واذا تكلمو عنج جدامج ردي عليهم .. لا تسكتين


ترا الحموله يموتون على المره العوبه .. اللي تلاسنهم


بس انتي اذا تكلمو عنج ردي عليهم لا تسكتين عن حقج
واذا تكلمو بس من وراج عطيهم طااااف



الحقران يقطع المصران

بس نصيحه لا تبجين جدامهم ..

 

[Tulips]

رد : شرايكم ببنت تبجي .... ؟

حبيبتي انتي طبيعتج جذي حساسه و على طول تبجين

على الاقل احسن من اللي يجذب وعينه قويه ..

 

[روحي تحبه غصب]

انتي انسانه حساسه ومرهفة المشاعر

بس قوي نفسج وحاولي تمسكين نفسك وخلي عندج ثقه بنفسج

 

[$حبيبة عبودي$]

انا كنت نفسج بس ابجي وليومج هذا بس يمكن بديت اتحسن شوي.. اخذيها بنيه صااااااافيه بتعيشين ..

 

[قنــــــــــوت]

رد : شرايكم ببنت تبجي .... ؟

حبيبتي انتي تبجين لان عندج احساس ..
وهالناس اللي تتحجين عنهم احساسهم ميت ..
مااقول لج صيري مثلهم ... بس اقول لج ..لا تبيني لهم انج ضعيفه ..ولا تورينهم دموعج ..
واذا بغيتي تبجين ..ابجي بروحج ..بدارج ..
ولحد يشوف دموعج يالغاليه ...

خلج قويه ... ولا تسكتين عن حقج ..
ادري بتقولين موطبعج .... بس لازم تعودين نفسج على هالشي ... انتي خلاص مو في بيت اهلج والكل يطبطب ويهوّن عليج ..
انتي عند حمولة .. واذا ما اسستي لنفسج مكانه وحجم عندهم ..راح يستضعفونج .. ويزيدون الدوس ..

الله يعينج ...

 

[So0oKaRa]

مبين عليج حساسه ودامج مظلومه اكيد راح تبجين من القهر
بس لا تبجين جدامهم ابجي بروحج او لما تفضفضين لريلج بس جدامهم خلج قويه ولو حسيتي انج تبين تبجين جدامهم ومنتي متحمله طلعي من المكان روحي غرفتج
والله يهديهم ان شاءالله ويوفقج

 

[فوفو22]

رد : شرايكم ببنت تبجي .... ؟

ضعفج بهالمواقف حلو

يزيدج ما ينقصج

ولكن اذا حابة تغيرين من شخصيتج

تقدرين

لانه السلوك قابل للتغيير

دخلي دورات

مهارات التعامل مع الآخرين

<<<وايد حلوه مجربتها مدتها 5 ايام بالمعهد العربي ويحاضرون فيها 3 دكاتره

فوفو

 

[فتون7]

ياحياتي تسلمون عالردود الحلوه اللي تبرد الجبد بصراحه هذي طبيعه فيني يعني مادري احس حساسه حيييييييييل بزمن موزمن فيه تحس الاوادم انا انسانه عندي ثقه بنفسي قويه وعندي طيبه موفي احد وقنوعه بشغلات لدرجه محد يقدر ياثر فيني بس بهالمواقف ماعرف ابجي بجي

 

[نوووور الشمس]

رد : شرايكم ببنت تبجي .... ؟

اللة يسامحج ذكرتيني بمعاناتي نفسي اغير هالطبع فيني وتصير دمعتي عزيزة

بس شسوي من كنت صغيرة وانا جذية ما اعرف اواجة لو كنت على حق وابجي على طول

 

[عادت ذكرياتي]

لا تبجين جدامهم لو شنو
وحاولي تواجهينهم لو بكلمة حلوة عشان ما تكبتين شي بداخلج وهني راح يعرفون إنج إنسانة صريحة ومو حقودة
الله يوفقج