شرايكم بالمفجأه

[اكسبلانكا]

السلام عليكم ياحلويييييييييييين
شلووونكم ان شاءالله كلكم زينين..
عساكم كلكم بخير وصحه وعافيه
ومبارك عليكم الشهر مقدما ....
​

:gathering: بنات حابه آخذ رايكم بمفاجأتي حق ريلي ..لأن عيد ميلاده يوم اليمعه :happybday: يعني مابقى شي وانا حدي مبطبطه على آخر الثامن وصايره ثقيله ومالي خلق فراره وحوسه بالسوق:s141: فقلت بسوي اللي اقدر عليه وانا بمكاني ​

:gr4uu: اللي وصلتله اني بييب تفافيخ اللي لونهم بيجي وصدفي وذهبي وبتفخهم وبحط داخلهم فلوس 100 _03BA: موزعين بالبالونات يعني بالونه فيها دينار وبالونه نص وبالونه خمس وبترس الصاله والممر وغرفه النوم بالونات وشرايط عشان يقدر يسحبهم ويبطهم بعد تدرون الطول مشكله هههههههههههههههه ( حشى عيد البالون ههههه )
و بلبس نفنوف ناعم :balo: وبيب كيكه وعصير وخفايف شرايكم :080402ask_prv:
بس ابي احد يتفخلي البلونات هليوم منو تعرف محل يقدر يساعدني بهالشغله :hjy5jewf:
وشرايكم بالفكره حلوه ولا بايخه والله عيزت افكر :eh_s(16): ​

 

[غلاي عزوزي]

شنو الهدف من الفلوس يثبتون التفافيخ يعني والله يخلي البوم عرفتيه نفس مال تواير القواري الله عالوصف


الي ينفخهم خلي الخدامه بغرفه تتفخعم

 

[ريماس21]

والله حلوووه فكرتج

واما اللي يتفخ البالووناات انا اعرف اللي باسوواق القررين وحتى شغلهم رووعه خق عيد ميلاد وميلاده وغيرره

والله يهنيكم ويسهل عليج ولادتج

 

[صفاءء]

حلوه الفكره وناسه لووووول

على فكره لوتحبين مدفع الورد عندي يالغاليه الكبير

وولوتحبين اسوي لج كاكو احط لج صورته عليه واكتب لج كل عام وانت بخير

طبعا الصوره عى الكاكوه نفسها مو على القرطاس يعني قابل للاكل

لاي استفسار ممكن من رسايل الخاصه او ايميلي او اتصال 99533496 واييلي موجود في التوقيع

 

[~~soso~~]

حلوو بس خووفج يزهق واهوو يبطط البلوونات

 

[So0oKaRa]

لوووووووووول اتوقع بيصير شكله يضحك واهو ايمع التفافيخ ويبطهم عشان يطلع الفلوس
فكره حلوه وفرفوشيه وتونس

 

[اكسبلانكا]

ماقصرتوا وتسلمين صفاء عجبتني فكره الكاكاو
والله يا سوسو خوفج يبط راسي وراهم ههههههه
مرسي سكره وانا قصدي انغير جو ونضحك شوي

 

[روحي ابوي]

اختي بقولة شغلة بس لاتزعلين.. الفلوس نعمة ومايلعب فيهااا ..حرااام الله يسخط عليج

والله يهنيكم ان شاء الله .. تقبلي مروري

 

[سر الأنوثه]

انا اعرف الشناكل اللي بالجابريه يتفخ 25 بلونه ب5
والله يوفقكم

 

[هيبة ملك]

الله يهنيييييييييييييج ويسعدكم

 

[[[ عيون جابر ]]]

والله فكرتج حلللللوه

 

[miss-winter]

حلو الفكره تيننن بس الفلوس حده ماله داعي والله يهنيكم وحدها توننسسس

 

[اكسبلانكا]

مشكورين حبايبي
بس المقصد اني بعطيه فلوس بدال لا ايب له هديه لقيت هالطريقه حلوه لاني موحابه اعطيه بيده او بظرف
مشكورين اللي شجعوني ماقصرتوا

 

[@البتووول@]

ما أيد فكرة الفلوس داخل البالون أحسها كلش ماتصلح وليش تعطينه فلوس؟؟ عرفي شنو خاطره فيه ويبيه له

 

[Sarooii]

فكرتج وايد حلووه و اكييد يتعجبه
بس سامحيني حبيبتي سالفه الفلوس احسها شوي غلط و راح ينذل على ما يبط البالونات و ياخذ ال١٠٠
انا اقول ،، دامج يعني بتختارين الوان مختلفه للبالونات
تقدرين مثلاً تخلين البالونات اللي لونهم ذهبي (تاخذين ١٠ منهم) و تحطينهم بصوب بروحهم يم بعض و كل وحده يكون فيها ١٠
لين يكمل المبلغ ،، اسهل من انج تحطيينله بكل بالونه دينار ولا نص

و اتمنى اكون فدتج بشي .. و تقبلي رايي

 

[~~soso~~]

انا اقوول لو تحطينهم الفلووس كلهم ابلوونه وحده احسن

وخلي البااجي فااضين او حطي داخلهم حلاو او شرايط ترتر من هالسووالف >> طبعاا الله يعينج ع التنظيف بعدين لوول

يعني لما يدوور هديتيته بالبلوونات لاتخلينه يدوور وايد علشان مايزهق

 

[miss mama]

الله يهنيييييج ويسعدكم خووووش فكرررررررررة ..بس اشتريله هديه احسن من تعطينه فلووس داخل بالونات خخخ بس مبين عليج فرفوووشية وافكاارج وناسه

شوفي طبع زوجج والي يناسبكم ........وعقبااااااال ما تقومين بالسلامه من ولادتج وتفرحينه

 

["اسطورة العشق"]

لا اهو مو ياهل يقعد ييمع الفلوس من البالونات شنو نص و دينار

انا اقول حطيهم في وحده بس و تكون مميزه و الباجي فاضين

او تشترين له شي و تغلفينها تغليف حلوو و تحطينها بين البالونات ترى احسن من لفلوس ( لا تعودينه على لفلوس )

 

[cat^q8]

عطي الفلوس كلها في بالونه وحده وقوليلها بط البالونات كلهم لحد ما تحصل هديتك داخل في وحده منهم

جذي تصير احلى من انج تنثرينهم مني ومناك

والله يهون عليج ان شالله ويخليكم لبعض

 

[*ريما*]

رد : شرايكم بالمفجأه

حلو الفكرة وخفيفة
بس برايي تشترين لة هدية بتكون احلى
ولو تحطين اوراق صغار في البالونات
وتكتبين عليهم كلمات حلوة هم فكرة حلوة
انا سويت كذا وعجت زوجي