شرايكم بالزواج الثاني او الثالث ؟

[kim-kardashian]

بنات شرايكم بالمطلقة الي لديها ابناء وتتزوج من رجل لم يسبق له الزواج فهالحالة شلون تكون طريقة التعامل ما بين ابنائه وابنائها وشنو افضل الطرق لتجنب اي مشاكل مستقبلية تحدث بين الاخوان من آباء مختلفين ؟؟ اتمنى ااتفيدوني

 

[دلوعة مااامتي]

اب اب اب اب

 

[ناتشوو]

اذا الام وحدة
عادة يكونون الابناء ع قلب واحد
خاصة اذا بتاخذ العيال معاها

 

[شلة بنات وبس]

ما انصح اللى سبق لها الزواج وعندها عيال بحضانتها انها تتزوج من شخص ثانى بعد طلاقها لأن صعب زوج الأم يحن ويحب ويعطف على عيال غيره هذا غير المعاير والأذيه والجروح والعذاب اللى بتعيشه معاه عقب وقت

 

[kim-kardashian]

طيب انا اعرف وحدة عندها ولد من طليقها الاولي وتزوجت الثاني بس عشان اتخاوي ولدها وطقت زوجها الثاني بالطوفة عقب ما حصلت مرادها وهو حس بهالشي انها ما تبيه .. هني شنو تقدر اتسوي اهي لانه قام يهددها بحضانة العيال وغيره من امور كلكم عارفين فيها

 

[ناتشوو]

خل تخاف ربها
وتتقي الله بزوجها
يعني هالعيال مو محتاجين ابو
هي مو محتاجة احد يساعدها بتربيتهم

اذا فعلا جذي تفكر
تبيه يطلقها
من حقه يلجأ للقانون

واللي تفكر جذي مو كفو تربي
عيال
مع اني للحين مو مصدقة ان وحدة تفكر جدي
الا اذا في اسباب ثانية بالزوج
تخليها تفكر بالطلاق

 

[el-fd3a]

طيب انا اعرف وحدة عندها ولد من طليقها الاولي وتزوجت الثاني بس عشان اتخاوي ولدها وطقت زوجها الثاني بالطوفة عقب ما حصلت مرادها وهو حس بهالشي انها ما تبيه .. هني شنو تقدر اتسوي اهي لانه قام يهددها بحضانة العيال وغيره من امور كلكم عارفين فيها

مومن صجها انزين والعيال بعدين شنو بيصير فيهم يبيلهم ابو يخاف عليهم يربيهم يصرف عليهم تفكيرها كلهـ غلط وانا مع العضوهـ الي قبلي بكلامها :rerrerek:

 

[ElN00R]

خل تتزوج يعني اذا مطلقه وعندها عيال خلاص ما عندها احساس ولا رغبات؟ ولا لازم تكون زوجه ثانيه ولا ثالثه؟
عادي حبيبتي خل تتتزوج ان شاءالله واحد عمره ٢٠ سنه ويحطها بعيونه وعيالها كلهم سوا هذي امهم شلون بتفرقبينهم؟
الانسانه الناجحه تعرف تنظم حياتها ووقتها وترضي زوجها وتهتم بعيالها مافي اي مشكله والانسانه اللي ماتعرف تخطط فوق حدر هذي مشكلتها تخسره

 

[kim-kardashian]

مشكورين عالردود

 

[الحللللوه]

مووفقه

 

[شلة بنات وبس]

موعيب ولاجريمه لما الزوجه تفكر تخاوى ولدها بالحلال الكل يحب ان يكبر عايلته هذا موعذر يبرر للزوج ان يهددها بحضانة اليهال عناد وانتقام لأمهم الزوجه ماتطلب الطلاق الا اذا شافت شي وشي كبير بعد سألى مجرب ولاتسأل طبيب والزوج اللى يحرق قلب ام على عيالها لمجرد العناد والانتقام ويتسبب بضياع مستقبلهم وتربيتهم وسوء اخلاقهم الله بينتقم منه وياخذ حق امهم منه ياما زوجات حبو ازواجهم من كل قلبهم لاكن شخذو منهم غير المعاير بالعشيقه وبمواصفات ومميزات العشيقه اللى تذبح اى زوجه واى ام اعرف وحده تموت على ابوعيالها الزوج الثانى بس من كثر مايطري عشيقته القديمه ويتكلم عن جسمها وحركاتها معاه انذبحت من داخل كزوجه وفضلت الطلاق عن الأستمرار شي يعور ويذبح بس اللى صعب ان تعيش مع زوجها وماتقدر تلمسه ولاتسوى شي معاه والسبه من كثر كلامه عن اللى كان يعشقها ويزنى معاها اثر بعقل زوجته وقامت تحس ان اهي ولاشي بحياته وان الحب للعشيقه مولها واللى كلوها العيال بسبة عشيقة الزوج الحمدلله على كل حال الله يعوض صبرها بعيالها ويمحي حب زوجها اللى صار طليقها من قلبها وروحها خل تفيده حبيبته اللى بسبتها هدم بيته وشتت اسرته بالكامل ودمر كل شي حلو

 

[حروره الحلوه]

تعيش معاها بروحها بدون اي مشاكل

 

[kim-kardashian]

روح براحتك عادي ... وانسى ايامنا الحلوة .. لا تخاف اذا تتركني .. محد ورى واحد ماات


علوها عالآخر