شرايكم بالدكتوره هدى الناصر

[jam3yaa]

قوه بنات شلونكم
بغيت اسالكم شرايكم بدكتوره هدى الناصر بالمراجعات والولاده
انا انصحتني فيها مرت خالي بس ياربي مواعديها تبط الجبد
لان كل ما اجيها تطول على مادخل تقريبا ساعتين او ساعتين ونص

 

[x.Lina.x]

للرفع .. مااعرفهاا

 

[Fa6Fo6A]

حبيبتي انا تقريبا سنه راجعت عندها ماشالله دكتوره شاطره وفعلا مواعيدها مو مظبوطه بس اهم شي النتيجه مو مهم الوقت ..

 

[zain-alq8]

اهي شاطره بس مواعيدها تلوع الجبد غيرتها رحت عند خالده ...بس د.هدى لما ادشين السابع ادخلج وتعطييج موعد وتدخليين بالموعد بالضبط

 

[_Pure_]

يمدحونها

بس ما يمدحون مواعيدها

انا نوعي اذا بدش العياده ادخل اول وحدة قبل لا توصل الدكتوره عشان محد يدش قبلي بس انا ما اراجع عند الدكتوره هدى

 

[ام حمني@@]

شوفي حبيبتي انا بولادتي الاولى كنت عندها اهي خوش دكتوره بس الله يهداها وايد غاليه وتبط الجبد تاخذ فلوس المراجعه ختى لو بس مسويه سونار يعني لوب س كلمتيها كلمتين عند باب مكتبها تاخذ 12 دينار فلوس مراجعه
وطبعا غير النطرة الي تذبحج بدون اي داعي يعني ماعندها ولاده او شي
وهالشي نحش وايد مراجعات منها وانا منهم هالحمله راجعت عندها اول حمالي مرتين بس وكل مره اكون اول وحده ومادش الا بعد ساعتين من النطره لين مليت واخذت اوراقي ووتحاليلي ورحت عند دكتورة امل الراشد مشالله عليها تينن وتفتح النفس وماتطول من الساعه 8 تلقينها بالمستشفى تحوس على مرضاها وبالكثير الساعه 9.30 اهي عندج بالعياده والعياده اساسا ماتفتح الابال9 بس برمضان من 8
عموما مشالله ولامره تاخرت عندها اكثر نص ساعه وطبعا الله يبارك لها بهالنفس تينن مشالله حدها حبوبه وتعمالج جنها امج بس للحين ماجربت ولادتها ادعولي الله يسهل علي وتكون ولادتي سهله معاها يارب

 

[حنون المزيون]

رد : شرايكم بالدكتوره هدى الناصر

لو يحصلج غيرها ترى بيكون أفضل


يكفي يوم ولادتي تخانقت مع ريلي وقالت له أنا مالي شغل فيها وأرفع إيدي عنها وأنا من الصبح بالمستشفى ولا شفت رقعة ويها إلا الساعه 12 بالليل.. بس حركتها والله جدامي ترفع إيدها وتقوله انا مالي شغل فيها وايد حزت بخاطري وعقب ولدتني قيصري ولمن رحت لها عقب الولاده بعشر ايام علشان بس تشيل الخيط جان يدفعوني 37 دينار قلت للسكرتيره ماكفاكم فلوس مراجعاتي وهالأدويه اللي أشتريهم منها وفلوس الولاده المفروض ه>ا دعايه لو ادري جان رحت المستوصف ولا منتكم على سحبت الخيط