شرايكم ؟؟

[بطة رشيقة]

مرحبا بنات ودى اسأل شنو أحلى تايلند والا ماليزيا ؟؟؟ يعنى وين اقدر فيهم وشنو الاحلى منهم من ناحيه السوق والمشترى والتمشى ؟؟؟ ممكن تفيدونى وابى اعرف يعنى تقعدون اذا رحتوا حق هالدول يارب ما تخذلونى
:ggdw:

 

[Hello_kitty]

والله حبيبتي انه مارحت تايلند بس مثل ما سمعت وايد انها وصخة وريحة ولوعة جبد وماكو مطاعم واكل تعانين بالاكل هناك حيــــــــل

رحت ماليزيا مدينة كوالالمبورو جزيرة بينج وجزيرة لنقاوي>>>شويه عليها كلمة عجيبة وحلوووه

كل اللي تبينه واللي ما تبينه موجود بماليزيا والله استانست فيها اكثر من امريكا روحي وماراح تتحسفين

 

[fat]

أنا رحت تايلند وماليزيا

شوفي تايلند ونيسة مثل بوكت روحيلها 4 أيام بس حدها تروحين السفاري تركبين الفيل يخوف بس بعدين تتعودين

والرحلة الثانية تروحون جزيرة بي بي روعة وتروحين مسرح عجيب فانتازيا والرابع تمشي في سوقهم سوق بوكت نفس سوق بانكوك بصراحة وصخة بس هل أماكن رووووووعة وأول ما توصلين في جمعية فيها جبن بوك مكتوب بالعربي وتوستهم لذيذ والبيتزا حلوة لان موكلشي حلال
وبعدين تسافرين بانكوك ساعة بالطيارة بانكوك رحلاتها نفس رحلات ماليزيا مارحنا رحنا سوقتها رخيصة بس في حديقة الحب شفتها في المنتدى

في بانكوك لاتطوفج حلوة أما بلنسبة لماليزيا دولة راقية ومسلمة كل مكان تشوفين مصلى ويحليلهم متحجبات ولابسين نص جم

ونيسة سن واي لاجون حديقة الورود والطيور والفراشات يم بعض لاتطوفينهم عجيبين وجنتج منطقة فوق الجبل باردة

ومجمعاتهم كبيرة وحلوة المجمع في صالة تزحلق تحت وفوق العاب اليهال وايد كبيرة 6 أو 7 أدوار ومتفرعة وفي مجمع وندر لاند فيبحيرة تركبين طراد ويتمشى فيكم بصراحة ماليزيا شي وبانكوك شي والأثنين حلوين وشوفي شنو تضلين ورحلة موفقة وأنا حاضر أي استفسار حاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااضر

 

[بطة رشيقة]

مشكورين وماقصرتوا ,,,,, والله ما ادرى محتاره ريلى يقول يالله شنو قررتى اقوله اصبر خل يردون على البنات بالمنتدى
ممممممممممم ...... ما ادرى بس مثل ما قلتوا النظافه والاكل الحلال اهم من الوناسه بالوصخ
خل افكر بعد

 

[fat]

أنا عندي تايلاند أونس ونسيت أقولج لا تنسين توحين الاكواريوم أنا مارحت بس بصراحة شفتة في المنتدى جم يوم سفرتج

4أيام في بوكت وسكني فندق كاتا بيج واخذي الغرف الي تطل على البحر بصراحة حلو وايد ورخيص وبعدين سافري بانكوك

 

[fat]

وفي بانكوك عندهم سوق عجيب يفتح 7بالليل ويسكر 11بالليل لا تطوفينة اذا تحبين اكسسوارات البيت عندهم اكسسوارات غريبة ورخيصة

نيت أقولج لاتخمين أشياء وايدة من السوق لان الشحن غالي في الطيارة اذا بتشحنين أغراضج بعدين توصل أحسن ولاتحاتين ولاتترددين أنا حماي مايسافر الا تايلاند وبس وكل سنة يروح أماكن غير

 

[fat]

وفي بانكوك عندهم سوق عجيب يفتح 7بالليل ويسكر 11بالليل لا تطوفينة اذا تحبين اكسسوارات البيت عندهم اكسسوارات غريبة ورخيصة

نيت أقولج لاتخمين أشياء وايدة من السوق لان الشحن غالي في الطيارة اذا بتشحنين أغراضج بعدين توصل أحسن ولاتحاتين ولاتترددين أنا حماي مايسافر الا تايلاند وبس وكل سنة يروح أماكن غير نسيت أقولج اسم السوق بلازا

 

[fat]

وفي بانكوك عندهم سوق عجيب يفتح 7بالليل ويسكر 11بالليل لا تطوفينة اذا تحبين اكسسوارات البيت عندهم اكسسوارات غريبة ورخيصة

نيت أقولج لاتخمين أشياء وايدة من السوق لان الشحن غالي في الطيارة اذا بتشحنين أغراضج بعدين توصل أحسن ولاتحاتين ولاتترددين أنا حماي مايسافر الا تايلاند وبس وكل سنة يروح أماكن غير نسيت أقولج اسم السوق بلازا

 

[بطة رشيقة]

مشكوره حبيبتى فات بس سمعت انها وصخه صج هالحجى ويقولج ان الاكل صعب عندهم تحصلينه حلال

 

[fat]

بصراحة كنت آكل بيتزا وتوست وجبن ومعجناتهم لذيذة والحلو لذيذ

 

[rawona]

رد

السلام ..

شوفي حبوبه انا مارحت ماليزيا بس حماي ومرته راحولها في شهر العسل ويمدحونها حيل بس عانوا من الاكل اهناك وتسمموا مرتين !! ورفيجتي بعد راحت ماليزيا وتقول انها انظف من تايلند وونيسه وخصوصا حق اليهال ..

انا عن نفسي رحت تايلند مرتين مره مع اهلي و مره مع زوجي اول مارحتلها مع اهلي صار فيني حساسيه بعيني من جوهم الملوث وكرهة عمري بس مع ريلي رحنا بوكيت واااو ونيسه حق اللي يحبون البحر والسباحه وفوق هذا لا تقعدين في اماكن cheap على بو انج بتوفرين قعدي بفنادق معروفه و 5 نجوم ..

انا عن نفسي ما صادفتني اي مشكله مع الاكل ليش كله ناكل sea food ووايد ناكل من مطعم الفندق كان وايد حلو ولذيذ ومو غالي والله مع انه فندق 5 نجوم يعني الفاتوره ما تتعدى ال 1000 باهت يعني تقريبا 8 دنانير بس ام الربيان عندهم غاليه بالكيلو يحاسبونج ..

الفندق اللي قعدت فيه في بوكيت Le meredien phuket yacht club

واللي في بانكوك Sheraton Grand

وموفقه ​