شرآيكم باللي يقول ﻵ تآخذين من برآ ؟؟!

[خـورآفيــه]

السلآم عليكم ورحمته الله وبركآته .. ~

شلونكم شخبآركم شمسوين يآ حلوآت

بسم الله ابدي بالموضوع على طوول .....

كذا مره هني بالمنتدى قريت ردود تقول لآ تآخذين من برا قبيلتج او برا عآيلتج لأن رآح تتحسفين مو ألحين بعدين ... !!

جد إستغربت يعني هل هالكلآم صحيح يا خواتي ؟؟ يعني هل ممكن قصدهم إنها ما توآلمت معآهم ؟ << عشتو

اللي تآخذ من برا قبيلتها او عايلتها مو مرتآحه ورآح تتحسف ؟؟

انزين انتوا يا بنآت قولولي اللي خذت منكم من برا قبيلتها أو عايلتها هل حست بفرق وتحسفت مع الأيآم ؟ نبي تجآربكم لآ تبخلون على خوآتكم

اتمنى يآ بنآت تجآوبوني حده محيرتني هالسآلفه ومستغربه لأنه حتى بين القبيله والقبيله نفسها او العآيله والعايله نفسها تتغير بعض السلوكيآت أو العآدات مو ؟

وشكرآ فديتكم وحده وحده

 

[MiSS B.K]

للرفع

 

[اميره1980]

الحين وايد ناس صارت عقليتهم احسن و صارو يطلعون بره العايلة و احسن لهم
انا شايفة انها ميزة
و انا وحدة خذيت واحد بعيد عن عايلتنا و مو منا و فينا و الحمدلله مرتاحة ربي يتمم علي

 

[* ملكني الخوف *]

الحين برا العايله احسن بمليون مره النفوس تغيرت شكثر اعرف بنات تزوجو من اهلهم وتطلقو والحين الاخوان والخوات تفارقو والسبه الطلاق وانا عن نفسي ماخذه من برا ومرتاحه لان حتى لو في اسرار مايقعد يعايرني فيها وعلاقتنا رسميه ابعد اللحم عن اللحم لايخيس

 

[G!RLooNa]

لاماله شغل وايد ياخذون من الاهل و يتطلقون و مشاكل و محاكم

انا ماحب زواج الاهل

 

[خـورآفيــه]

للرفع

رفع الله قدرج ومقآمج

 

[انا لحبيبي .]

كل شي قسمة ونصيب حبيبتي ،،

 

[واصله]

حبيبتي اهو زواج برة العايله افضل
بس مو شرط كل شي قسمه ونصيب وعلى حسب الريال والمرة
يمكن ولد عمها يكون واااايد زين اكيد بيكون احسن من برة

 

[خـورآفيــه]

أميره 1980

تصدقين حتى أنا أحس إنها ميزه , حتى ممكن تكون البنت مميزه هنآك عندهم ! إلا اللي يعتبرونها غريبه

فديتج الله يخليكم لبعض ولآ يغير عليكم إلا للأحسن

 

[توام قلبه]

اشدعوه من قاااال زواج الاهل فاااشل الحمدالله انا ماخذه من اهلي
ولله الحمد مرتااحه ومستانسه وحتى اخواني وخواتي كلهم من الاهل وعاايشين
اشدعوه هاذي العقليه التعبانه اللي تفرق بين الاهل مو الزواج​

 

[Aisha..]

انا ضد انا الوحده تاخذ من قبيلتها ..الواحد وده يغير وجوه يشوف ناس جدد و بعدين اذا خذيتي واحد منج بيحط اباله اي شي بيسير بتصبرين غصبن عنج لانه ولد عمج او من اهلج و لي صارت مشاكل تتفرق العايله و الاهم من كل هذا ان الجينات حيل قريبه و جارتنا ماخذه ولد عمها عيالها نصهم مرضى و توحد اللهم ياكافي الشر الله يعينها ...

 

[عيون عبدالرحمن]

انا ماخذه من برا العايله والحمداللللللللللللله مرتاااااااااااحه

 

[كويتية نايس]

لاموشرط اذا انتي متفاهمه مع زوجج نشاءالله مايصير شيء ياما ناس اخذو من بره وعايشين احلى عيشه انا عن نفسي اقول موشرط

يسلموو على طرح الموضوع:eh_s(7):

 

[خـورآفيــه]

ملكني الخوف .. ~

تفكيرج عجبني جدآ وآقعي
الله يخليكم لبعض ..

يسلملي مرورج

 

[الوردة المكنونة]

احنا كلنا ماخذين من برا العايله عادي
بالعكس الحين زواج الاهل ما وراه الا الامراض

 

[غضـب]

كل شي قسمه ونصيب يالغلااا ..

 

[_Pure_]

اهو على حسب نوع العايلة يعني احنا حضر بس اهلي ماخذين من برا العايله و هم ماخذين اجانب عادي
بس اهل زوجي ياخذون من بعض الا زوجي عاند و خذا من برا بس يعني مو متعصبين لا بس يميلون الى بعض

و انا اشوف نجاح الزواج ماله شغل بهالشي
نجاح الزواح يتعلق باشياء اكبر و اهم من جذي

 

[noo7a]

انا وريلي مانصير لبعض بس اصلنا واحد والحمدلله ماحس فرق نهائي
بس يقولج تاخذين غريب احسن
عشان ان لاسمح الله صارت مشاكل و صار انفصال
الانفصال يكون بين الاثنين بس
مو العايله كلها تتفتت و تصير بينهم مشاكل بسبه الانفصال

 

[خـورآفيــه]

G¡Rloona & أنا لحبيبي

فديت مروركم تسلموون

 

[خـورآفيــه]

وآصله ..~

صآجه بس نادرا مايكون ولد العم نعمه

شرفني ردج والله