شد الصدر - دكتور عمرو ثابت لك كل التحية والشكر

[Diet pepsi]

وايد بنات يسئلوني على الخاص عن تجربتي في شد الصدر بعد ما رديت على مواضيع بنات وعشان لا اكتب كل يوم نفس الردود حبيت أحط تجرتبي الخاصة عشان الكل يستفيد . كنت افكر اسوي صدري من وانا صغيرة الصراحة لان صدري كان كبير والحلمة عفوا كبيرة . الحمدلله على كل حال ما اعترض على خلقة رب العالمين لكن احساسي بالحرج مو بيدي . كنت اكره اشتري ستيانات احس انها مو لي اشوف ألوان منها وأشكال بس ما احبها ما علينا المهم قررت اسوي صدري لان طاح حيل بعد جم سنة . قالتلي وحدة عن دكتور عمرو ثابت أهي مسوية تكبير عنده وكان صدرها عجيب فلما وصل الكويت شفته بصراحة تعامله راقي ما وما يمسكج الشمس بإيد والقمربإيد . شرحلي كل شي كنت ابي اعرفه والدكتور الوحيد اللي قالبي ما راح نسوي على شكل حرف الt . قالبي العمليات الحديثة من تحت الصدر ومقاس الحلمة يصغر طبعا حسب الرغبة . ما ترددت لحظة وحدة وهالكلام تقريبا قبل سنتين ونص الى ثلاث . سويتها تقريبا 1800 بالزهير كلينك (ادري البنات بيسئلوني عن السعر كالعادة) وسؤالي العملية وطلعت نفس اليوم بالليل وطبعا له ستيان خاص مدة شهر حسب ما اذكر والجرح تقريبا عشر ايام سكر كله كان غامج شوي بعدين فتح صار ابيض حده ولا ينصاد وولا احد حس فيني أني سويته . مرت جم سنة والله أني ادعيله دائماً ارتفعت ثقتي بنفسي على الاخر وصار غرامي اشتري ستيانات ملونة هههههههههه وصار يناسب جسمي وطبعا الحلمة اصغر بوايد وكل ما اضعف يتدور زيادة والصدر واقف وما البس بالبيت ستيان وطبعا من يومها بدوا يروحونله رفيجاتي وبنات من اهلي واختي سوت عنده بس اهي تكبير .هالقرار اللي ما تحسفت عليه ولا لحظة واحمد الله أني ما طحت بإيد اي دكتور ثاني بدون ذكر اسماء شفت بعيني دكاترة مخربين صدور ناس ودكتور عمرو ثابت صلحلهم اياه . كل الشكر دكتور عمرو شفت دكاترة وايد لكن مثل تعاملك الراقي ما شفت ... سبحان الله يمكن فيه بنات وايد صدرهم مضايقهم او اي شي بجسمهم لكن عندهم الثقة الكافية لكن انا ما كنت من هالنوع ابدا :ggdw:ما اعرف شنو اقول بعد هذي اول مشاركة لي معاكم*

 

[Diet pepsi]

للرفع

 

[السمو]

جزاج الله خيرعلي نقل تجربتج والله يهنيج بالنتيجه بس وين مكانه بالضبط

 

[~ كرز ~]

مشكورة حبيبتي بس عفوا عندي سؤال شخصي
جم كان مقاسج و جم صار

 

[el7ob Klah]

ماشاءالله

الحمدلله على السلااااامه

اهوا دايماً موجود ولا يزور الكويت ؟!

لانج قلتي لما وصل الكويت رحت له !

طريقه مثل ماجد تقي مايسوي العمليه حرف t يسويها من تحت الصدر

وفي طريقه ثانيه تكون من الحلمه

عموماً مشكوره على كتابه التجربه

 

[لوولووة]

وين رحتي له جم كلفتج وجم كان المقاس

 

[Diet pepsi]

السمو حياتي ثنيكو اهو ايي زيارة الكويت كل عشر ايام تقريبا وانا اذا احد طلبه عادة اتصل ارتب موعد معاه من مصر . والمستشفى اللي عيادته فيها هي الزهير كلينك . كرز حياتي صدري كان دي ومرات دبل دي بس طايح . الحين سي وانا اللي طلبت سي وحتى الحلمة طلبت مقاس معين .الحب كله قلبي اهو يوصل كل عشر ايام تعودنا عليه لان اهو اساسا عنده مستشفى هناك اسمه مستشفى العرف وله ويب سايت . لؤلؤة اتمنى الإجابات السابقة فادتج وكلفتني تقريبا 1800 على ما اذكر سويتها الصبح وطلعت بالليل . ومشكورين حدي مستأنسة عالتفاعل واتمنى كون فدتكم

 

[Diet pepsi]

للرفع

 

[اسماء المنور]

حبيبتي
بالنسبه للتكبير شلون ملمسه صاير ..لان اختك مسويه
وبكم سعرررة؟
وجزاك الله الف خيــــــــــــــــر..​

 

[ZoOZOo87]

اتهنين بالنتيجة إنشاءالله

ممكن رقمه ؟

 

[SuGaR~]

ماا شاااء الله

الله يهنيج حبيبتي

 

[dawkinsya]

اول شي انشالله دوم هالثقه والجسم الحلو
ثاني شي بسألج انا كنت بسويها ع شهر 11 بس هونت عشان دراسه و ابي ارفع معدلي فبسألج جم ظليتي عشان تمارسين حياتج طبيعي ؟؟ لو بسويها شهر 11 جم يوم راح اغيب ؟؟ هل راح اتعب عقبها ولا لا ؟؟ يعني شنو بعد العمليه ؟؟ لأن اذا لازم اغيب وايد بأجلها ليين شهر 1 بالعطله !! لزوم المعدل الزفت

بلييييز جاوبيني ضروري :*

 

[Diet pepsi]

(أسماء المنور )حياج حياتي .. ملمسه بالتكبير إينن مو صج .. أحلى من الصدر العادي طبعا بمليون مرة ..يصير مغري أكثر .. أول ما تسوينه تقريبا أول شهر أو أقل طبعا صلب بعدين يصير لين على صلب عجيب عجيب .. والأحلى إنه لمن تنامين على ظهرج يكون واقف حيل هذا الحلو فيه .... اللي بدون سليكون مثلي شوفي واقف وإينن وبالعروس ما ألبس ستيان وبالبيت ما ألبس لكن إذا انسدحت ارتفاعه أقل وألين عرفتي .... بس أرد وأقول شعور عجيب لمن تكونين واثقة من نفسج وجسمج الصراحة .. وبالنسبة للسعر إختي سوته 1500 إهي بس تكبير فقط ما شدت شي ... وحتى رفيجاتنا نفس السعر كانوا بالتكبير أما الشد شوي أكثر

(زوزو ) حياتي بس أرد على البنات بطرشلج رقمه على الخاص ...
sugar : مشكورة استانس لمن أشوف بنت تشارك حتى لو ما تبي شي ....
dwakinsya: حياتي آنا دشيت الصبح سويت العملية وبالليل طلعت ... ما كنت قايلة حق أحد تقريبا غير أختي وإهي قبلها بيوم كانت مسوية وواقفة معاي .. اهو عادي تقدرين اتداومين وكلشي يمكن خلال يوم أو يومين بس المشكلة إنه تقريبا 3 او 4 أيام يحطونلج مثل بربيش من الصدر .... بس كل وحدة غير عن الثانية انا حطيت واختي حطت بس رفيجاتها ما حطوا شي عادي سووا العملية وبعدين ثاني يوم دوام ولا كأن .... وعن التعب لا انا كلش ما حسيت أختي يمكن شوي حست ثقيل صدرها أول جم يوم بس تطلع تلبس عادي عادي ... بس لأن اهي ما كان عندها صدر مولية ماكو شي وفجأة شافت روحها مارلين مونرو هههههههه فمو مصدقة نفسها .. .بيه بتذبحني إذا قرت ...

أتمنى أكون فدتكم ...................... مشكورين على المرور ...............

 

[Diet pepsi]

للرفع

 

[دلوول 2006]

سبحان الله
ما أدري ليش قلبي مو مرتاح

 

[Diet pepsi]

هههههههههههههههههه أهم شي القلب .... عجبتني

 

[Perfect J]

رفـــــــــــــع