شخصيتي....؟؟؟؟

[روح ..]

السسسلام عليكم
بناااات انا ببدا بالموضوع على طول ..
انا شخصيتي هاديه بالمدرسه وبالبيت غيــــر تماما يعني راعيه سوالف وضحك ومزاااحه
انا صديقاااتي بنات خالتي وبنات عمتي ودااايم معاهم واستهباااال وضحك
بس بالمدرسه يصير فيني هدوء موطبيعي كلامي قليل حتى في بعض البناات يقولون ياروح
نحسك مهموومه اقولهم وربي انا في البييييييت غير يقولون معقوله !!!
مااادري احب اكون هاديه في المدرسه لما اتكلم واسولف مع صديقاتي يناظرون فيني
وتقل اول مره اتكلم ودايم بعض البنات يقولون نفسنا نسمع صوتك وحتى لما اسوي
في المدرسه حركه استهبااال الكل يستغرب
ماااقول لكم ماااتكلم لا اتكلم بس مو مثل البنااات اللي بس يسولفن
الحين ابي رأأأأيكم بشخصيتي تحسووون اني امتلك شخصيتين؟؟؟؟ولافي كثير مثلي ؟؟

 

[Ray.Bana =$]

انا عكسج ايام المدرسه كنت بالبيت هاديه وما اسولف وبالمدرسه قرقرقرقرقرقر لأن بالبيت ما القا احد كبري وبنفس تفكيري بس بالمدرسه كلهم نفسي

انتي يمكن لأنج تشوفين ان اهلج وبنات خالاتج وعماتج أقرب لج بواايد من رفيجاتج بالمدرسه فا عشان جذي بالمدرسه ماتحتكين بالبنات وايد لأن عندج اللي يونسونج واللي تستانسين معااهم فا مكتفيه

بس انتي حاولي توازنين بين المكانين يعني رفيجاتج بالمدرسه حاولي تتقربين منهم وتسولفين وتستعبطين بس ماتخلين هذا يأثر على علاقتج بأهلج يعني ماتقل علاقتج وتواصلج معاهم على حساب رفيجاتج

 

[miss $_$ semsem]

انا شوي مثلج يعني بالمدرسة هادية بس مو سااااااااكتة ميوت لا افصل مع رفيجاتي وجذي بس بالصف هادية بس مو صنم ولا شيطانة بس هم مع بنات خالاتي وخوالي آخذ راحتي بالفصلة وفبيتنا دمي ثقييييل لووول شخصيتي بكل مكان غير يعني انتي شخصيتين انا 3 شخصيات : شبه هادية + دمي ثقيييل + فاصلة وخبلة

 

[what's up]

حبيبتي عادي لكل مقام مقال شي طبيعي انج تتحفظين باماكن يعني اكيد مراح تاخذين راحتج بالمدرسه مثل ما تاخذينها بالبيت و في ناس العكس ياخذون راحتهم بالمدرسه اكثر
انا اشوفه شي حلو انج تقدرين تسيطرين على نفسج و تكون عندج اكثر من شخصيه هذامو غلط اذا تمسكتي بجوهرج يعني تكون مبادئج و قيمج وحده بس اسلوبج او طريقتج تتغير

 

[ابدا يالغالي مانساك]

شي طبيعي يااااااختي جنج تتكلمين عني ايااااام الدراسه
كنت جذيه
عالعموم خلج علي مانتي عليه ولاتغيري من نفسج
بالعكس انا قبل ايام الدراسه تعجبني البنت الهاديه

 

[شباصـه فرنسيــه]

عااادي شئ طبيعي لانك يمكن ماتأخذين راحتك إلا مع قريباااتك
وحلووو البنت تكون هاااديه

 

[الـــــغــــلا]

شي طبيعي حبيبتي وبااالعكس حلوو كماان أنـــا في المدرسه هااااديه أماااا في البيت ومع بناات عمو شي ثاااني تعاالي شوفي الفصله لاني ماااخذ راااحتي ألامعاااهم

 

[طموحه بزياده]

@@@







انا عكسج بالبيت هاااديه



وبالمدرسه اطلع طاقاتي

حتى بالكليه جذي اسوي اكشن وحركات ههههههههههه





@@@

 

[مولاي الفرج]

ضحكي واستانسي

بس اسرارج ماتنقال لاي احد