شتنصحوني فيه !!!!

[dana_111]

السلام عليكم ...
خواتي بليييز ساعدوني قولولي شسوي انا وحده تعبت من طريقة زوجي معاي ،، 24 ساعه رايح بيتهم تخيلو اقوله امش معاي اخوي عازمنا يقول لا بروح اشوف امي
ويقول كل يوم لازم اروح لها وللعلم اهو مو وحيدها
غير ان لو شنو اقوله في شغله غلط سووه اهلك يحط تبرير على طول
حتى عن حريم اخوانه يدافع
ويسولف مع كل بنات عايلته ويقول عادي رابي معاهم
وكله طبعا انا مقصره بحق اهله
واذا يمعتهم لازم من الظهر لي الليل اقعد واذا مشيت يتحلطم
غير 24 ساعه يمدحهم جدامي
وكله بقول حرام اختي تسولف ان ووايد تحبج
وكله يعزمونج مع ان اهو يدق ويقولهم بيي
كله يقول امي واختي لو شنو يبون اسويه
غير اخته اصغر مني 4 سنين ولسانها شطوله علي
كله اطلع مع اهلي بروحي ازورهم بروحي
غير كل ايام الاسبوع طالع وبالويك اند يبي يرد الصبح
ويقول لا تسئليني وين رايح وين ياي
صراحه بس تعبت افكر اتطلق خلاص احس قاعده اموووت وانا حيه

 

[بدون بس مغتربه]

هدي هدي ماكو شي يستدعي الطلاق .. اهو يمدح اهله انتي امدحيهم معاه شوي وامدحي اهلج بعد نفس طريقته

وسوي نظام الويك اند يوم زواره عند اهله ويوم عند اهلج يوم خليكم في البيت...

بس في البدايه اعزمي اهلج يوم واهله يوم خلي يتخربط النظام عنده لين ماتسوين نظامج
بالاخير كل شخص يحب اهله بس الاولويه للاسره

والله يوفقكم ان شالله

 

[رتولة]

شدعوه شدعوه طلاق كل شي ينحل لاهو اللي يشرب و لا يخون و لا يطقج فوق هذا مو معاهم بالبيت ماتقدرين تتحملينهم يوم كامل جامليهم بهاليون طلبي لهم حلو من حساب ولدهم ههه وعادي خل كل يوم عند امه صدقيني شوي شوي ينشغل بعياله وطلباتهم بالمدراس وتقل روحاته وبعدين حلووو يفج عنج ترتاحين يكون لج خصوصيه مع اهلج ومايوصل اخبارهم لحمولتج و لج وقت طلعات مع رفيجاتج وتالي الليل وقته هوووو طاري اهله لايببين له خير شر خصوصا مو معاج بالبيت وحلو اذا زرتهم اهو معاج يعني يشوف شلون يعاملونج حرام لاتهدمين بيت بيدج انتي بنعمه كافي يروح مكان تعرفين وين عند امه و لاعند صاحبته وفوق هذا بروحج بشقه حمدي ربج

 

[3tebeya]

بالعكس عادي ؟!

حطي اخوج مكانه ترضين يبدي زوجته عليكم ؟! لا طبعا صح

حبي للناس ما تحبينه لنفسج

حمدي ربج والله باجر اعيالج يبرونكم نفسه بضبط
لا تخسرين واحد عنده جنته اهم من كل شي ودام يحب امه هالكثر فيحبج انتي بعد نفس الشي

ماكو شي يستدعي الطلاق
وترا عادي جدا ما يروح ريلج معاج زوارة اهلج ؟
انا استغرب من اللي تبيه بزوارة اهلها معاها
خليه بعيد وايد احسن

انا اعرف وحده مدلله نفسها بفلوسها وتقول لريلها اخوي يابه ابوي شرالي امي يابتلي تحسس ريلها ترا بنتنا غاليه وقام يشتري لها احسن واغلى وزاد غلاها ويحترم اهلها ويحبهم

كلش كلش يمعيهم في بيتج سوي غدا او عشا ودقي على امج وامه وعزميهم منها تكبرين بعينه وتحبج خالتج
خلج اذكى من الظروف لا تستسلمين

 

[مني يغارون]

لا ياقلبي وشو تتطلقين هدي شوي والله ماتسوى
اول شيء زوجك شخصيته جنوبي اذا ما كنت غلطانه
الجنوبي يموت بأهله وخصوصاً امه ويكره المشاكل والنكد
ويحب الأجواء العائليه وجمعات الأهل ويكره السؤال عن طلعاته
لأنه يحسك تحاصرينه
وكل هذا تقدرين عليه بذكائك خليك حكيمه وشوفي بقوقل بوصلة
الشخصيات راح تعرفين كيف تتعاملين معاه بسهوله وبتدعين لي
ان شاءالله
وفي اشياء لازم تتقبلينها مثل زياراته لأمه تراه واجب عليه حتى لو
مو وحيدها يظل ولدها وملزوم فيها
على فكره امه مفتاح قلبه لو كسبتيها كسبتيه وبيتشقق من الوناسه بعد
وترا غلط كبير تشتكين من اهله عنده وتدخلينه بمشاكل الحريم
لأنك ما راح تستفيدين شيء
وبالنسبه لروحاتك لأهلك مو شرط يجي معاك بكل روحه عندنا عادي
بس مدري عندكم كيف
المهم العزايم الرسميه يكلمه ابوك ولا اخوك ويعزمونه بنفسهم افضل
وبالتوفيق حبيبتي

 

[سعادتي بقربه]

الحين صار زيارة الزوج ﻻمه مشكله
وزيارة الجنه ﻻهل زوجها كارثه
اختي حرام عليج اتقي الله في نفسج تفكرين بالطلاق وهدم بيتج ﻻن زوجج كل يوم يزور امه ويمدح اهله
انا اللي اشوفه انه انسان بار بامه وعائلته ربي يثبته على طاعته
المشكله للاسف في بعض البنات من تاخذ الريل تبي تلغي اهله من الوجود وتبيه لها بروحها
اللي مافيه خير لاهله مستحيل يكون له خير لج وﻻ لبيته
حمدي ربج على النعمه زوج صالح وبار بامه وحاطلج بيت مستقل ترى النعمة زواله ووااايد من البنات موﻻقين ريحة الريل او متزوجين من

​

اللي يشرب او مدمن او راعي سوالف حريم وخربطه
واعذريني اذا كلامي ضايقج بس والله لو تفقدينه راح تتحسفين واااااايد

 

[Pink_Roses]

يكون لاهي باهله احسن من ان يكون لاهي برا

 

[sharshora80]

حبيبتي كل يوم المغربيه زهبي قهوتج والحلو وسنعي القعده وقعدي مع زوجج واذا قال بروح ﻻهلي بالعكس الكشره من هني لين هني زهبي له هدومه وشبيله افحمه وبخري وودعي للباب وقوليله بهمس باذنه اليسار حبيبي انا الليله ناطرتك وﻻ تداحرينه وﻻ شيء مدام انتي متاكده ان رايح عند امه وكل مادقيتي رد عليج خﻻص
ويوم الزواره قلبي عادي ترا يوم باﻻسبوع روحي تونسي وتقهوي وشوفي الناس ترا الروح تبي اﻻرواح ﻻتصيرين معقده
وبالعكس اذا مدح اهله انتي بعد مدحيهم واذا قال اختي تحبج انتي بعد قولي انا بعد اموت فيها ورفعيهم له
حتى خالتج دخلي عليها بهديه بين فتره وثانيه تكسبين اجر
وسالفه بيت اهلج يمكن هم طبعهم جذي اهله رياييلهم مايزورون بيت اهل حريمهم فخليه على راحته مرده مع العشرة راح يتعود يسير علي اهلج خليه هو يقطج بيتكم ويرد ياخذج قوليله ابوي موجود يسال عنك تعال حياتي اشوي سلم عليه
كل شيء بيدج حياتي بس اشوي اشوي مو تبين كل شيء بسرعه باللسان الحلو والمعامله الزينه تكسبين زوجج واهله
ربي يهدي سركم حياتي

 

[CuTe KuwaiTia]

ماشوف شي يستدعي الطلاق و لا اشوف مشكلة من أساس

تعوذي من ابليس اذا صار عندكم عيال يتغير وأيد و راح تعرفين قيمة الام

خليه ينشغل بامه مرده لج حبيبتي بعد عمر طويل وتركي عنج حب التملك

شغلي وقتج بأهلج والعناية بنفسج و الهوايات

وبالنسبة حق اخته خلي علاقتكم سلام وبس رسمية لا تحتكين فيها ولاسولفتي وياه نصيحة لا تطرين أهله وبالأخص أمه جنته وناره

الله يبعد عنج فكرة الطلاق يارب والوسواس

 

[لآ بيرلآ]

حبيبتي ماعليه

بنات كليتوها والله لو رياييلكم ساحبين عليكم وكل يوم ببيت اهله و يسولف مع بنات العايلة كلها 24 ساعه سويتوا النون و مايعلمون تقولكم يوميا يعني جان ماتزوج من الاساس
يروح لامه كل يوم ميخالف بس قعدته ببيت اهله طول اليوم كل يوم جنه ماكو حياة ثانية عادي عندكم ؟؟
و اكيد لازم يحشم اهلها مثل ما تحشم اهله .. مجتمعنا تناقض يبون المرة تعطي عيونها لاهل ريلها بس اهيا اهلها لا مو لزوم
اهيا مو مسألة امه و بس مسألة تقولكم كذا شي مع بعض ليش مثاليتكم الزايدة ماني فاهمة


فعلا حبيبتي ماله داعي توصلينها للطلاق
ماكو بيت كامل .. وياما تسمعين بمشاكل مهمما كانت صغيرة و تافهة تصير بسبة اختك قالت امك سوت
اذا امه خلاص امه لو غلط ماراح يوقف ضدها فانتي تسوين الطيب و تنسينه خلاص لا تتمنين و لا تقولين سويت وقمت و يبت
و اخته صدقينيييي غالبا الريال اذا ما شاف بعينه موقف بيحط بباله انج تبالغين و انج حساسة اوفر واذا شايف يكون بين نارين اهيا ما حشمتج عشانه حتى لو ماتحبج تحشمج لاجل عين اخوها بس
لا تقولولي اخته لا الاخت دام ماشافت شي من مرت اخوها خل تكرهها بالطقاق بس الاحترام لعين اخوها و حشمة له بس تبون الجنة المسكينة تتحمل الظيم جنه تزوجت تتحمل كل عاهة بالبيت ماتزوجت عشان تكون اسرة و تستقر حتى الام دام تبي ولدها له ليش تزوجه؟ ترا الجنة لها ام و ابو ما يرضون عليها و لا تهون عليهم بنتهم و الا الام ام الريل بس اهيا الجنة و النار وووو و ام الجنه مالها حسبة .. و تزعلون لمن نقول مجتمعنا مريض و متناقض
انتي متحسسة من الوضع الكلي انا فاهمة بس ميخالف يحق لج تتمنين تقعدين مع ريلج و الا يقوم باهلج
بس اذا كنتي تحنين عالسالفة ماكو فايدة و اذا تشتكين ماكو فايدة بتكبر السالفة على غير معنى
بزوارتهم روحي و قعدي لاخر اليوم لا تمشين اذا ماعندج شي ما يضر الناس مالها الا الظاهر يمكن امه مثلا ما تدري ان انتي متضايقة من شي و تشوف الكل موجود و انتي لا في خالات مايحبون فماعليه انتي اللي عليج سويه
و اخته الملسونة حقريهاااااااااا و لا تيبين سيرتها و لا تقوليله سوت و قالت مو عشانه عشانج و الحقران يقطع المصران اعتبريها ياهل واخذيها على قد عقلها خصوصا اذا اهيا ياهل فعلا فلازم تطنشينها
حطي ببالج انتي تزوجتيه له لا عشان اهله و لا عشان اهلج .. اذا ريلج زين لا تخسرينه عشان اهوا ليما الحين عايش نمط حياة شايل نفسه من بيته هالشي يتغير بطريقة ثانية مو بهالواش و المشاكل .. لا تخلينه محور حياتج هدي بالج و اخذي نفس عميق طلعي نفسج من الموقف شوفيه من كل الزوايا .. راح لامه روحي حتى لو بيغثونج بس خلي ريلج يشوف انج مو كرها فيهم انتي متضايقة من ان هالطريقة تخلص يومه و جنكم مو متزوجين ماكو فايدة اذا رد من دوامه وتغدى و راح العصر خلاص .. صح كلام البنات انه مشغول بهالشي اححسن من شي ثاني بس انتي لازم تهدين نفسج شغلي روحج سوي اللي عليج لوجه الله انا ما عشت نفس موقفج بس حاسه فيج و اللي تعلمته ان بعض الاشياء بالدنيا اللي ما تقدرين تغيرينها تتكيفين معاها بطريقة انتي ترتاحين و ريلج يرتاح

 

[dana_111]

حبيبتي والله ردج حيل ريحني

 

[نجمه السيد]

ليش طالبه الطلاق الحين هو يزور امه يوميا وبارفيها بالعكس شجعيه كل يوم لودقيقه يطل على اهله يشوف شنو محتاجين امه وابوه ملزوم فيهم وضحي له كلامه مع بنات العايله يضايقش عادي ممكن كلام عادي في عوايل كذا كلام عادي جدا بحترام في حدود الادب وبيتفهم وضعش وبالنسبه للعزايم اهلش مومجبور يروح انتين الاعليش تخبريه حب. يروح حياه الله ماحب يروح بالطقاق حتى انتين مومجبوره تروحي يوم كامل عنده اهله روحي الليل ساعه وطلعي احباري من الظهر لين الليل