شتنصحوني فيه .. عفيه دشوا حدي محتاره :(

[تنـــاســـانــي]

ســـلام ...

بدش بالموضوع على طول ..

تخرجت من الثانويه بسنبة 74.29 ادبي .. حاولت ادخل تربيه بالواسطه ماقدرت .. مع العلم ماحب التدريس ..

بس مابي دبلوم .. بس ماكو فايده ..

المهم .. سألت عن التحويل حق التكنلوجيا .. قالولي بس علمي باي حال من الاحوال كان خاطري هندسه كمبيوتر ..

الحين .. انا قبلوني تجاري بس انا مابي تجاري ..

مافي تخصص يناسبني .. يعني للامانه انا ما افلح بشي ماحبه مستحييييييييييييل .. (( تنحه )) بعيد الشر عنكم

قدمت على البعثه الداخليه كلية بوكسهل .. تخصص تصميم جرافيك .. بس ما قبلوني

مع ان هالتخصص انا امووت عليه و ادوره دواره ..

و لقيته .. بس دورات خاصه مو كليه او معهد اتصالات و ملاحه ..

المشكله الحين .. اختي تقولي حولي دورات خاصه و دشي تصميم جرافيك .. لان اساسا تخصص مرغوب و تقولي تقدرين تكملين جامعه فيه .. (( بس انا مو متأكده من هالشي ))

و نفس الوقت مو مقتنعه .. من كلية حق دورات خاصه

انتوا شرايكم ؟؟ احول ولا لأ ؟؟ ابي نصيحهحقي و جنج قاعده تنصحين اختج !!

و عندي اسفسار صغير .. منو تعرف متى يفتحونمبنى اتصالات و ملاحه اليديد ؟؟

ساعدوني عفيه .. حدي متوهقه ..

و يعطيكم العافيه ​

 

[تنـــاســـانــي]

7 مشاهدات و لا نصيحه وحده

 

[miss shmo0o5]

حبيبتي ادخلي التجاري و ارفعي معدلج
حاولي توصلين لي 3.50 و حولي التربيه

وموفقه حبيبتي

 

[غلاتي ♥ الكويت]

لا لا لا ما انصحج كلشششش انج تحوليين للدوراات الخاصة
لان معدلج وايد زين
ترى انا كنت مثلج ومعدلي كان 77.8 يعني بقالي عشر يعني نص درجة وادخل الجامعة وحاولت لكن ما رضوا
و قبلوني تربية اساسية
لكني ما تأقلمت لاني اكره شي اسمه تدرييس يعني ما احب اني اصير مدرسة
وبعدها سحبت اوراقي وطلعت
وقدمت على معهد اتصالات وملاحة
لاني احب شي اسمه كمبيوتر
ومعهدنا كله كمبيووتر
وواااااايد حلووو
يعني انصحج اذا ما تبين تدخلين تجااري دخلي معهد اتصالات وملاحة واذا عالمبنى اليديد انا سمعت ان عالسنة اليديدة 2010 راح يفتحونة
وعلى قولتج تقولين كان خاطرج هندسة كمبيوتر
دخلي معهد اتصالات ترى واااااااايد سهل
بس انج تدخليين دورات خاصة لا حبيبتي لا تدخلين ما انصحج كلششششش
وبالتوفيق حياتي
واي شي تبين انا حاظرة

 

[تنـــاســـانــي]

فكرت اتصالات و ملاحه .. و خواتي ثنتين تخرجوا منه ..

بس كله انجليزي و انا مييح بالانجليزي .. هاذا واحد ..

ثاني شي .. مافي تخصصات .. صيانه و برمجه و الكترونات و جنه تراسل ..

مو ميولي كلش ..

يعني لو افكر فيها شوي .. دورات خاصه احسن .. دراستهم عربي و سهله و التخصص اللي انا ابي و مرغوب بعد بالقطاع الخاص مو بس الحكومي .. و اقدر اخذ فيه امتيازات ..

بس تربيه ماحبها كلش ..

بس ابي نصايحكم بنات عفيه

 

[انثى اسطورية]

حبيبتي انا انصحجـ آول شي انجـ ترفعييين معدلجـ وتحلوييين تربيهـ احسنـ لجـ والله ...
واذا مآ تبين تربيهـ حولي اتصالآت وملأحهـ احسسسن من الدورآت الخآصهـ ...
وتتخرجين منهـ مسمآجـ فني ووظيفتجـ قووويهـ ...
وموفقهـ ان شا الله خيتوووو ...

 

[غلاتي ♥ الكويت]

ياا حبيبتي صدقييني اذا دخلتي دورات خاصة بعدها بتندمييين
لان الشهادة مو معترف فييها والمعاش ما راح يكون نفس التجاري
او نفس معهد اتصالات
وعلى فكرة نسيت اقولج شغلة
ترى معهد الاتصالات والملاحة اللحين غيروا اسمه وسموه المعهد العالي للاتصالات والملاحة ولما رحنا سالنا عن سبب تغيير الاسم
قالولنة ان لما تتخرجون شهادتكم معترف فيها
واذا عن الانجليزي انا اخس منج ما عرف ولااااااااااااا شي بالانجليزي
كاني ما قلتلج صعب ولا شي
والله الدراسة اسهل منها مااافي
وترى انجليزيهم سهــــــــــــــل
يعني درسي قبل الامتحان يوم وطلعي من الامتحان وتطمني انج ناجحة من كثر ما اهوا سهل وحتى الاساتذة هنااك واايد طيبيين ويتعاطفون معاج بالدرجات
ومادري حبيبتي انتي قرري هذا مستقبلج وفكري عدل
والله يوفقج يا قلبي

 

[ام فوااز]

دورات خاصه اي شي معاش موزين وحق كساله وااايد
من صجج انتي تندمين باجر تجاري احسن بوايد والي اعرفه انهم سووه 4 سنين بكالريوس واذا كلش كلش ملاحه بس وخري عن الدورات الخاصه حرااام معدلج واايد زين وانتي مولهدرجة كسلانه حتى تدرسين هناك
تجاري مستقبلهم حلوو وشدي حيلج وحولي تربية اساسيه تخصص تكنلوجيا التعليم هذا نخصصي واايد حلو وماتصيرين ابلة

 

[تنـــاســـانــي]

والله كلامكم مقنع ..

بس مادري .. اسمعكم هني اقتنع .. و اسمع اهلي هم اقتنع ..

يعني كلهم دبلوم .. شنو الفرق ؟؟

بعدين شهادتهم معترف فيها .. بنت خالتي تخرجت من عندهم ..

زين تخصص حاسب الي بالتجاري .. قوي و لا مافي وضيفه نفس قانون ؟؟

 

[غلاتي ♥ الكويت]

اكييييييد قوووي وحلو بعد وسهل بس لازم يكون تخصصج اللي بالثنوية علمي مو ادبي
وانصحج وخري عن القانوووون ترى كلللللللله حفظ وماله مستقبل وظيفي

 

[تنـــاســـانــي]

والله اقنعتوني ..

مالي الا تجاري .. و اذا رحتلهم بسألهم عن اتصالات و ملاحه اليديد .. اذا يفتحونه على الكورس الثاني .. انطر ..

لكن اذا فيها سنه جدام .. لا والله تجاري اهون

 

[Ahla-Style]

انا مالي خبره بالاتصالات بس لي خبره بالتجاري حده مو حلو لا جو لا دراسه لا دكاتره بس اتصالات وملاحه حيل احسن والله يوفقج على فكره انا بنت عمي كانت تجاري بس ماناسبها وطلعت ونصحتها بالاتصالات وانشاءالله بتداوم بعد يومين وبالتوفيق

 

[صب القفشه]

انــا اقــولج يا إدشين تجاري او اتصالات و ملاحه

و عقب ما تتخرجين تقدمين اوراقج بالجامعه و تكملين دراستج فيها

شراايج

 

[تنـــاســـانــي]

والله هاذا اللي بيصير ان شاء الله .. رايحه بعد شوي اسحب اوراقي و اقدم الكورس الثاني اتصالات و ملاحه ..

صب القفشه .. ان شاء الله والله عطيتيني امل كبيير بالجامعه ^_^

 

[Rosedale]

منو قال التجاري صارت بكالريووووووووووووس بليز ردو ضروري

 

[ام غمازة]

والله نصيحه اخت لاختها وانتي كيييفج
والله يا حبيبتي محد راح يرزج ويعزج غييير شهااادتج ومحد بينفعج غير الشهاااده
وانصحج تدرسين بالتجاري وترفعين معدلج وتحولين تربيه اساسيه وادخلي التخصص اللي تبينه
وانتي كيييفج
وحطيها بعقلج وربي ماتعزج غير شهااادتج وراح تتذكرين هالكلمه

 

[أم منيـرة]

والله نصيحه اخت لاختها وانتي كيييفج
والله يا حبيبتي محد راح يرزج ويعزج غييير شهااادتج ومحد بينفعج غير الشهاااده
وانصحج تدرسين بالتجاري وترفعين معدلج وتحولين تربيه اساسيه وادخلي التخصص اللي تبينه
وانتي كيييفج
وحطيها بعقلج وربي ماتعزج غير شهااادتج وراح تتذكرين هالكلمه

نفسس كلامها ..

 

[**Fola**]

نصيييييييحه اذا تبين راحه البال دخلي تربيه @@ رفعي
معدلج ودخلي كليه التربيه حتى لو ما تحبين التدريس
اخذي تخصص حلو مثلا رياض اطفال وايد حلو ما توقع انج
ما تحبين اليهااال يهبلون واهما الي راح يحببونج بالشغله
فكري بالجانب الايجابي بالتخصص
باجر لي تزوجتي ويبتي عيال عطلتج وياهم
ودوامج وياهم ...

واذا كلش مو مقتنعه بالتربيه لا تضيعين مستقبلج وتدخلين دورات @@
الناس منحاشه منه :s

انا اتصالات وملاحه ماقولج مو حلو بالعكس يهبل و بكل مكان
مرغوب التخصص والمبنى اليديد ما يفرق عن القديم :s هذا مبنى وهذاك
مبنىىىى

فكري عدل قبل كل شي و فكري بالاحسن اذا ضامنه انج تقدرين ترفعين
معدلج بالتجاري على اساس كورس وتحولين سجلي بالتجاري

بالتوفييق

 

[شيخة الحلوة]

حبيبتي اختي الغالية
انتي دشي التجاري واخذي المواد بس بشرط تكونين مخططة انج تحولين التربية الاساسية او الجامعه
سأليهم عن الطريقة

لان لازم فيه شروط معينه المعدل وعدد الوحدات شي جذي انا اعرف وحدة يابت نسبه مو زينة
دخلت التجاري وعقب حولت التربية الاساسية وكاهي ما شالله تبي تتخرج

لا والف لا لا تروحين معاهد حرام عليج
باجر تتحسفين
وتقولين اي والله البنات نصحوني بس انا ما سمعت الكلام
انتي فكري باجر وظيفتج وين بتكون؟
والحين عندنا بالتربية الاساسية فاتحين تخصصات يديدة شوفيها

واذا تبين سالي يمكن تقدرين تحولين جامعه


بس لا حياتي لا تدشين دورات خاصه

وكلنا دشينا التخصص الي احنا نحبه



والله اعرف وحدة داشه دورات خاصه
والحين
سكرتيرة
قاعدة تدور لها واسطة تكمل بالتربية الاساسية
تقول دوامي كراف
وتعب

تقول احنا نستاهل معاش المدرسات

بس معاشها اقل
فا تبي تكمل معاشها يصير قوي

انتي لا تفكرين بس الحين
فكري حق بعدين
شنو وظيفتي وين راح اشتغل؟
شنو طبيعة عملي؟
باجر باتزوج وبيصير عندي عيال
ابي اشتري على كيفي

ابي وابي

لا حياتي لا تدشين دورات لا والف لا

دشي
التربية الاساسية
وعسا الله يوفقج يارب