شتنصحوني ربي يحفظكم ؟

[منوله كويتيه]

مساء الخير حبيباتي

انا وحده أموت على الأشغال اليدويه

ومشكلتي عمري ماجربت اسوي شي لأني للأسف ماأعرف وحتى لو الصور جدامي للتطبيق أخاف من الفشل لأن طبيعتي لو ماضبطت الشي خلاص أتركه يعني ماعندي روح التصميم

المهم ياني عالإيميل عن دوره مسويتها اخت كويتيه بحديقة الشعب الترفيهيه واتصلت كلمتها قالتلي الدوره مدتها شهر بواقع خمس ايام كل اسبوع لمدة ساعتين ونتعلم كل شي من الكروشيه وباجي الأشغال

اسم الأخت ام صالح يمكن احد فيكم مجربها
وسعرها 100 دينار

وفي دوره بمعهد الفنون التشكيليه بالجابريه على 45 دينار

وانا محتاره

بخاطري اتعلم واطور نفسي ومادري وين اروح ومن وين ابتدي

ومالي الا الله ثم انتم خواتي بهالقسم لأنكم خبره وماراح تقصرون معاي بالنصيحه

في اماكن ثانيه تدربني مجربه ومضمونه

لاتبخلون علي بالنصيحه ربي يسلمكم

ابي استغل هالعطله واتعلم واستفيد

 

[AFRoDiT]

انتي مثلي ..

طول عمري عندي ح فني
لكن أخاف من التجربه
لأني أخاف من الفشل
والنتيجه = ماكو تطور ..

الفن يعتمد على التجربه والفشل مره و مرتين و ثلاث و عشر

اذا انتي تبين ترسمين لازم تسوين مليون لوحة فيها أخطاء عشان تصيري بروفيشينال

محد انولد متعلم
والفشل مو غلط
والأدوات تتعوض
لكن لاتخافين من الفشل

تعلمت المبدأ هذا من أساتذتي في جمعية الفنون التشكيليه
كانو دايماً يقولولي غلطي عادي .. كله أخطائج راح تفيدج في تطورج
وصج . . ماتعلمت الصح إلا لما غلطت

أما الدورات
بتعلمج مبادئ .. والباجي عليج لازم تكملين بروحج


وربي يوفقج حبيبتي

 

[الهاجريه]

حبيبتي مافي احد انولد ويعرف يشغل باي شي
واذا ما غلطتي ما تتعلمين
وعن تجربتي انا تعلمت الكروشيه عدل من المنتدي لاني كان عندي خلفيه عن الموضوع
بس لما بديت اتعلم الصح كنت اشتغل وافك الي سويته وارد اشتغل مره ثانيه لحد ما تعلمت والحمد لله
حاولي بالاشياء البسيطه وراح تتعلمين ان شاء الله

 

[Saroon]

انا كنت نفسج بس الفرق بيني وبينج اني ماكنت اخاف من الفشل لا كان ماعندي وقت لكني سويتلي وقت وقعدت برووحي لا احد علمن ولا شي لي درجة اني قعدت ابتكر افكار جديدة بالبداية كانت الافكار بسيطة وعادية لكني شوي شوي بديت اتعلم ووالله المنتدى يساعد واايد وايد شوفي الدورات اللي هني بالمنتدى وانتي تتعلمين