شتعرفين عن منتجعات الكويت؟

[al7noona]

السلام عليكم

بنااات الي تعرف عن اي منتجع بالكويت تقولي عنه وعن الاسعار او اذا عندج رقمه يزاج الله خير عطيني وكل شي تعرفونه قولوووه

انا الي اعرفهم بس سامعه عنهم يعني مو رايحتلهم منتجع كمنسكي ( سي شيل) - الهلتون - شاليهات خليفه - الجون -موفينبيك والي تعرف اكثر واذا رايحه حق اي منتجع قوليلي عنه

لان هالسنه الله مو كاتب انه نسافر فالاحسن نقضي وقتنا بديرتنا وعلشان الكل يستفيد ومشكوين مقدماَ:tek:

 

[meen_ana]

كان ودي استفيد وياج

 

[al7noona]

يالله بنااات وينكم؟

 

[malekatsabaa]

وعليكم السلام

شوفي حبيبتي

انا رحت خليفه من جم سنه ..بصراحه ما اذكر السعر بس الجو العام ما عجبني والبحر نوعا ما كله صخر وحمام السباحه بنص الشاليهات وحده ازعاج ..

ورحت الهلتون حلو وهاااادي بس ما تحسينه 5 نجوم يعني تعطينه 4 نجوم بس نظيف البايخ فيه ان حمام السباحه الخاص بالشاليهات مو كبير ومكانه ضيج اما البحر انظيف بس بالليل مافي كشافات .. الريوق حلو وراقي ..وانا عيالي ما عجبعم حمام السباحه الي عند الشاليهات فكنت لازم اخذ السياره عشان انروح حمام السباحه الي بالفندق وهو حلو وشرح ..بس البايخ عندهم ان كل شي يسكر الساعه 10 يعني حمامات السباحه والسوبر ماركت وتاجير الغواري كله بسكر والبحر مافيه كشافات!!!

اما الكمبنسكي (سي شيل) فوااايد عجبني :icon30:مرتب ومريح وراقي وفي حمام سباحه خاص بالحريم وحمام السباحه كبيير وبنص الشاليهات بس نوعا ما ابعيد وما تحسين بالازعاج وما يسكر الا 12 تقريبا وبحرهم نظيف وكشافات والعالم قاعده لي الفير عالبحر بس الكشافات يمكن يخففونهم الساع2 وفيه تاجير طفاحيات وجت سكي ومطاعمهم حلوه والريوق حلو في تاجير غواري ومثل غرفة العاب لليهال وسينما يعرضون فلم لليهال بس مافي نفس الخيران العاب كبيره والشاليهات مو عالبحر الا جم واحد واعتقد اسعارهم اغلى. بس تحسين جنج برا الديره.

عموما اذا بتحجزين لازم اتروحين وتشوفين الي يعجبج لان الكمبنسكي عندهم5 او 6شاليهات غير عن بعص وغرف بالفندق
والاسعار تقدرين اتدقين عليهم لان ما اقدر افيدج انا عندي خصم النفط واسعارنا غير .بس الاسعار عموما غاليه وانا اشوف انها تستاهل.

وبعدين كل واحد يشوف ابنظرته يعني في ناس كانوا يايين معانا العام ماعجبهم لانهم ما يحبون التفصخ وهناك اشوي تلاقين تفصخ بس بالنسبه لي ماعلي من احد والعام رحت مرتين..

 

[om elna63]

عندج منتجع صحارى يم نادي الصيد والفروسيه واااايد راقي

 

[om elna63]

الفيلا غرفتين نوم و حمامين و صاله و مطبخ و حمام سباحه خاص

 

[al7noona]

مشكوورين ماقصرتوا بعد بنات الي تعرف تقول

 

[F@ntG Q@t]

انا ناطره معاااااااااااج

 

[**Jumana**]

أكو منتجع مال الغولف السايت مالهم لما شفته شكيت انه بالكويت من حلات المناظر الي فيه ...

www.saharakuwait.com

شوفي السبا مالهم صج راحه ... وحلاته بالربيع والجو لما يكون تمام ... يا سلااااااااااااااااااااااااام

 

[al7noona]

اي هذا توه يديد اسمه صحارى مشكوووووره

 

[Anestazya]

بجم الليله عند الصحاري؟؟ ياليت تفيدونا عن اسعارهم

 

[F@ntG Q@t]

هم ناطريييين

 

[Lady^bird]

في منتجع (بلو مون) يقولون انه حلووو وهادي وتحصلين عندهم علطول

الشاليهات اللي عالبحر 300 وشي .. بس اللي داخل شوي 280 وكلهم 4 غرف وكل غرفه تكرمين فيها حمام وصاله

وغرفه سايق وغرفة خدم .. دقي عالبداله اخذي رقمهم واستفري منهم زياده أحسن ...

 

[Lady^bird]

ونسيت أقولكم عن شاليهات الوطنيه هم حلووووو انا الصراحه استانست فيه

الشاليهات حلوه اللي داخل لها سعر واللي عالبحر سعر ثاني

في حوض سباحه خاص حق الحريم .. بس انا ما سبحت ما احب وفي أحواض حق اليهال وحق االكبار

وصاله ألعاب وقواري .. والله انا استانست هم تغيرون جو المكان حلو ..

 

[al7noona]

مشكووورين ماقصرتوا

وشاليهات الوطنية انا رايحتله كذا مره حلوو بس عيبه ان الحجز بس حق الجمعيات

 

[om elna63]

اسعار منتجع صحارى:
1. شاليه غرفتين نوم و حمامين و مطبخ و صاله و حمام سباحه خاص ب 225 دك
2. شاليه غرفه و حمام و صاله و و مطبخ و بلكونه ب 125 دك

ترا المكان واااايد رااااقي!!!

 

[al7noona]

مشكوره

 

[الفاتنة]

شوفي كلهم حلويين بس الخيران اليديد\الملكي روووووووووعة حاولي تلقين حجز

 

[al7noona]

وييي الخيران ما اعتقد القى الناس حاجزه من شهر 4