شتسوين اذا اكتشفتي ان ريلج .... ؟!!

[أم علاي]

السلام عليكم ورحمة الله وبركاته

احترت وايد قبل لا اكتب الموضوع وترددت .. بس ماعندي احد اخذ رايه غيركم

ياليت تسمعوني ومابي احراجات حبايبي ..



طبعا كلنا نعاني من نفس السالفة واللي اهي الايفون والبي بي والواتس اب وربعهم

اللي الناس اساسا مخترعينهم حق شي يفيدهم بحياتهم واحنا هني نستخدمهم حق اشياء قذرة

وصخة .. حشاكم .. وصار نقمة علينا

من ريلي اخذ الجهاز وانا دريت ان يطرشوله افلام ومقاطع اباحية .. اكثر من مرة قطيت عليه نغزات

واهو يقول لا ما اشوف .. صج انهم يطرشون بس ما ابطلهم .. ويحلف المشكلة

بس انا اكتشفت انه يبطلهم ويقعد يشوفهم لمن اكون برة البيت ويسوي العادة السرية

بتقولون شلون عرفتي ؟؟ بقولكم انا اعرف ريلي اكثر من نفسي وشفت اشياء تبين انه قاعد يشوفهم

واشوف تكرمون بالزبالة كلينكساته .. :/

وهم يرد يحلف ويجب علي .. ويقول والله ما ابطلهم

ريلي يحبني ويسوي كل شي عشاني بس هالشي هذا اللي قاهرني وباط جبدي ويلوع جبدي فيه

هالشي هذا يصير كل ما اكون انا برة بالبيت سواء زوارة بيت اهلي او طالعة اقضي جم شغلة

لا تقولون مقصرة من ناحية العلاقة .. حشى والله .. انا اللي دايما ابادر واقوله وتكون بينا هالشغلة واطلع من البيت اروح بيت اهلي وهم يرد يسويها .. شسوي

تعبت نفسيا من هالوضع


مادري اتكلم وابطها ولا اسكت وابلع العافية واخلي حياتنا عادي ..

شوروا علي شسوي لاني تعبت من التفكير وتعبت اشوف هالشي وانا ساكتة ماقدر اسوي شي ..

:eh_s(2):

 

[قآنون كيفكـ!!]

والله مدري حبيبتي الله يهديه لك ياارب ...

 

[الشيخة@]

شوفي يالغاليه مالش اله تقعدين وياه وتفاهمين معاها حطي بالش انش تفاهمين مو هواش وزعل
وشوفي شنو رده بلهداوه مو بالصراخ ترى مايجيب فايده تقبلي مروري

 

[غنوة ستايل]

نفس الحاله بس الحمد الله يطرشون لريلي بس صور
للحين مقاطع ما وصلت والحمد الله انه مايسوي شي
بس هم بعد انغث من سالفه الصور

مني لينا طرشت انا لريلي قصه
والله ياقلبي انه اخترع وخاف الله من الصور
واحس انه صج خاف انا بكتب لج القصه
وقوليها لريلج يمكن يخاف



قصة ثعلبة... وربي أحس جسمي أقشعر
كان ثعلبة رضي الله عنه، يخدم النبي في جميع شؤونه وذات يوم بعثه رسول الله في حاجة لہٌ فمر بباب رجل من الأنصار
فرأى امرأة تغتسل وأطال النظر إليها.
فأخذته الرهبةوخاف أن ينزل الوحي على رسول الله بما صنع فلم يعد الى النبي
ودخل جبالا بين مكة والمدينة، ومكث فيها قرابة أربعين يوماً
فنزل جبريل على النبي
وقال: يا محمد، إن ربك يقرئك السلام ويقول لك أن رجلاً من أمتك بين حفرة في الجبال متعوذ بي.
فقال النبي لعمر بن الخطاب وسلمان الفارسي: انطلقا فأتياني بثعلبةولما رجعا به قالا هو ذا يا رسول الله
فقال له: ما غيبك عني يا ثعلبة؟
قال ذنبي يا رسول الله
قال أفلا أدلك على آية تمحوا الذنوب والخطايا؟
قال بلى يا رسول الله
قال: قل: ربنا آتنا في الدنيا حسنة
وفي الآخرة حسنة وقنا عذاب النار
قال ذنبي أعظم
قال رسول الله : بل كلام الله أعظم
ثم أمره بالانصراف إلى منزله
فمر من ثعلبة ثمانية أيام
فقال رسول الله : فقوموا بنا اليه
ودخل عليه الرسول فوضع رأس ثعلبة في حجره لكن سرعان ما أزال ثعلبة رأسه من على حجر النبي
فقال له لم أزلت رأسك عن حجري؟
فقال لأنه ملآن بالذنوب
قال رسول الله ما تشتكي؟
قال: مثل دبيب النمل بين عظمي ولحمي وجلدي
قال الرسول الكريم : ما تشتهي؟
قال:مغفرة ربي
فنزل جبريل فقال:
يا محمد إن ربك يقرؤك السلام
ويقول لك لو أن عبدي هذا لقيني بقراب الأرض خطايا لقيته بقرابها مغفرة
فأعلمه النبي بذلك، فصاح صيحة بعدها مات على أثرها.
فأمر النبي بغسله وكفنه فلما صلى عليه الرسول جعل يمشي على أطراف أنامله، فلما انتهى الدفن قيل لرسول الله:
يا رسول الله رأيناك تمشي على أطراف أناملك.
قال الرسول: والذي بعثني بالحق نبياً ما قدرت أن أضع قدمي على الأرض من كثرة ما نزل من الملائكة لتشييع ثعلبه ..
اقرأ وأرسل لعل الله يغفر بها ذنب أخ أو أخت لنا~

ما أقسى قلوبنا وما أجرأنا على الله

قصه تستحق القراءة

 

[aya faid]

مادري والله

الله يهديه لج يارب

 

[aya faid]

نفس الحاله بس الحمد الله يطرشون لريلي بس صور
للحين مقاطع ما وصلت والحمد الله انه مايسوي شي
بس هم بعد انغث من سالفه الصور

مني لينا طرشت انا لريلي قصه
والله ياقلبي انه اخترع وخاف الله من الصور
واحس انه صج خاف انا بكتب لج القصه
وقوليها لريلج يمكن يخاف



قصة ثعلبة... وربي أحس جسمي أقشعر
كان ثعلبة رضي الله عنه، يخدم النبي في جميع شؤونه وذات يوم بعثه رسول الله في حاجة لہٌ فمر بباب رجل من الأنصار
فرأى امرأة تغتسل وأطال النظر إليها.
فأخذته الرهبةوخاف أن ينزل الوحي على رسول الله بما صنع فلم يعد الى النبي
ودخل جبالا بين مكة والمدينة، ومكث فيها قرابة أربعين يوماً
فنزل جبريل على النبي
وقال: يا محمد، إن ربك يقرئك السلام ويقول لك أن رجلاً من أمتك بين حفرة في الجبال متعوذ بي.
فقال النبي لعمر بن الخطاب وسلمان الفارسي: انطلقا فأتياني بثعلبةولما رجعا به قالا هو ذا يا رسول الله
فقال له: ما غيبك عني يا ثعلبة؟
قال ذنبي يا رسول الله
قال أفلا أدلك على آية تمحوا الذنوب والخطايا؟
قال بلى يا رسول الله
قال: قل: ربنا آتنا في الدنيا حسنة
وفي الآخرة حسنة وقنا عذاب النار
قال ذنبي أعظم
قال رسول الله : بل كلام الله أعظم
ثم أمره بالانصراف إلى منزله
فمر من ثعلبة ثمانية أيام
فقال رسول الله : فقوموا بنا اليه
ودخل عليه الرسول فوضع رأس ثعلبة في حجره لكن سرعان ما أزال ثعلبة رأسه من على حجر النبي
فقال له لم أزلت رأسك عن حجري؟
فقال لأنه ملآن بالذنوب
قال رسول الله ما تشتكي؟
قال: مثل دبيب النمل بين عظمي ولحمي وجلدي
قال الرسول الكريم : ما تشتهي؟
قال:مغفرة ربي
فنزل جبريل فقال:
يا محمد إن ربك يقرؤك السلام
ويقول لك لو أن عبدي هذا لقيني بقراب الأرض خطايا لقيته بقرابها مغفرة
فأعلمه النبي بذلك، فصاح صيحة بعدها مات على أثرها.
فأمر النبي بغسله وكفنه فلما صلى عليه الرسول جعل يمشي على أطراف أنامله، فلما انتهى الدفن قيل لرسول الله:
يا رسول الله رأيناك تمشي على أطراف أناملك.
قال الرسول: والذي بعثني بالحق نبياً ما قدرت أن أضع قدمي على الأرض من كثرة ما نزل من الملائكة لتشييع ثعلبه ..
اقرأ وأرسل لعل الله يغفر بها ذنب أخ أو أخت لنا~

ما أقسى قلوبنا وما أجرأنا على الله

قصه تستحق القراءة

روعة القصة

الله يعطيج العافية وفي ميزان حسناتج :eh_s(17):

 

[غـرامـي أنـت]

انا من رايي لا تسكتين

لان اذا سكتي يتماااادى اكثثثثثثثر ,, امسكيه بهداوووه وتناقشي معه

ايااااك اياااك تطنشييين لان والله بتندمييين

 

[المديـ بنت ـنة]

الله يهديه ويصلح حاااله ومايشوف غيرك بالدنيا ..

بس حاولي تصارحينه .. سوي لك جو رومانسي وقولي له في خاطري كلام بقوله لك وابيك تفهمني

ومن هالكلام .. وقولي له انا زوجتك سكن لك سترك وغطاك ليش متزوج اذا بتقعد ع هالافلام استغفر الله وعلى هالعاده السريه

معناته مالي لزوم اقعد عندك .. شوفي وش يبي منك .. وش يحب .

عسى الله يفرج لك والله ماعندي غير اللي قلت لك

 

[عطر الدوحه]

الله يعينج

ذكريه بالحساب والعقاب

 

[الرمانسية]

عندى حل خلي يتزوج ثانيه عشان تنترس عينه

 

[المزه]

سوي مثل ما قالت الاخت غنوه ستايل والله يهديه ان شاء الله

 

[ice_cream]

حبيبتي في امور وايد الوحده تشوفها على ريلها

مو كل شي ادققين فيه

انا رأيي لا تقللين من قيمته وقيمتج سوي نفسج ما تشوفين لا تكلمينه بالموضوع احيانا يكون شي جديد مع الوقت يتركه

طنشي ونطري مع الوقت راح يبتعد عن هل امور اخذي الامور بالسياسه ترسي عينه

وادعيله بالهدايه الله قادر يغير حاله 180 درجه

 

[نجد بنت خآلد]

آلله يهديه خليه يكون آحرص على صلآته ولآتفتحين معآه هالموضوع لآن كل ممنوع مرغوب صدقيني هو آلحين هآب في الأيفون وآلمقآطع لآتزنين عليه بيتركه وبيهديه آلله

 

[قطوووة]

لاتفاتحينه افضل ممكن ينحرج ويكون حذر المرات الجاية

 

[بنوتة أمها]

نفس الحاله


الله يهديهم يارب​

 

[عروس فبراير]

الله يهديه

 

[توته شيطونه]

الله يهديه ويسخره لج يارب

 

[فنيسيااا]

قصه ثعلبه ضعيفه والله اعلم
ارجو مراجعه هالرابطhttp://www.islamweb.net/fatwa/index.php?page=showfatwa&Id=48854&Option=FatwaId

 

[ثريا الكون]

والله مو قصدي شئ بس شكو اطلين بالزباله وتشوفين لكلينكس معقوله حتى بهل شئ اتنبشون فيه ماادري شقولج الريال وخاصه لكويتي يحب يكون متزوج بس اعزب شلون انتي حليهااا وفسريها

 

[كـ غلا ــلي]

انا اعاني مثلج وازيد منج بعد اشرايج باني متزوجه من 4 سنين وطحت عليه من سنتين بانه راعي افلام اباحيه

و الحين مع هبه الواتسبات اكتشفت ربعه مثله يعني بالعربي يتبادلون افلاااام وطبع االلي يشوف افلام لازم يسوي عاده سريه

وتلزق فيه بعد تخيلي اذا انتي يستغل طلعتج انا يسوي جذي وزود يسوهر كل يوم لين 3 و 4 الفير ويغيب من دوامه بتقولين

اشلون عرفت الكلنكسات مثل ما قلتي + اطلع بال history اللي بجهازه طبعا الاخ ما يحذف مطمن عباله مو طايحه علي

وهمن بالواتسبات مره كان ناسي تيلفونه وانا ريلي ضليع بالافلام لين درجه لو شنو البس واسوي ما يطالعني والمعاشره بينا

ما تصير الا بال شهرين والثلاث مره وطبعا انا اللي ابادر عيزت وانا احط مشكلتي ولا لقيت الحل وبصراحه وايدين اقترحوا

المصارحه وانا هالشي ما افضله اليوم يسوي من وراي ولا باجر لين صارحته يسوي جدام عيني هاذي تجرح اكثر وسويت

سيرجات واايده عن العاده السريه وعرفت السبب اللي يخليه ما يقرب مني وعرفت انه العيب فيه مو فيني ولا نقص بانوثتي

اللي يسوي العاده السريه لو مرته ملكه جمال ما تهز شعره من بدنه لانه تعود عالاوفر واجسام بطلات هالافلام الخايسه

وغير حركاتهم فلو شنو مرته جدام هذولي المتمرسات بتطلع ولا شي ومها لبست وسويت ما يبن بعينه وهمن قريت

انه من يمارس العاده مالته يحوشه خدور فما يرضا حتا تقربين منه مو تلمسينه حتا والمفروض انه يحس بتانيب الضمير

بس انا مثل ما قلت اللي عندي شكله متمرس من زمان وغير جذي ما يصلي فماكو وازع ديني يخليه يترك هالعاده وحاولت فيه

من ناحيه الصلاه ماكو فايده طبعا اللي اهله ما ربوه مستحيل يتربا علا ايد غيرهم وهاذا انا ما بين دعاء بانه ربي يبعده عن

هالبلاوي وصابره وبين فتره والثانيه ادور على حلول وانشاءالله ربي يبعد رياييلنا عن هالافلام القذره ويسخرهم لنا