شتسوون بالمعلبات

[مطفوقه^ملقوفه]

قووووووووووووه بنات


الموضوع مبين من العنوان أبي اعرف شتسوون بالمعلبات الحين في كل شئ معلبات ممكن تسوون سلطات والا اكلات خفيفه أو حلويات يليت كل وحده تدش تفيدنا

 

[xxx]

مشاركة: شتسوون بالمعلبات

اكثر شي استخدم المعلبات بالسلطات

مثل الذرة

الشمندر

الفاصوليا الحمراء

 

[رفرف]

مشاركة: شتسوون بالمعلبات

انا اسوي سلطة بقول يعني فاصوليا حمرا وبيضا وذرة وشمندر شوية وبقدونس وابشر فوقهم جزر واخلطهم واحطلهم صلصة روب مع مايونيز وليمون اخلطها معاهم اتصير وردية لونها حلو وطعمها بعد .. (جنه المقادير جذي اذا ماني غلطانة)

او استخدم المشروم المعلب اسوي فيه شوربة مشروم او حمسات بالمشروم ..

و الذرة احطها مع اكلات الدياي او الشوربة او السلطات ...

النخي اسوي فيه فتة ... أو حمص (احطه بالخلاط مع ليمون وثوم وهرده وشوي من ماي النخي) ..

البزاليا اسوي فيه حمسة مع اللحم المفروم واحشي فيها الصمون ..

اذا تذكرت شي بعد اقولج ..

 

[bnt_kwt]

مشاركة: شتسوون بالمعلبات

السلام عليكم
اشلونج مطفوقه^ملقوفه
والله انا استخدم البازاليا اسوي حمسه بروحها او مع لحم مفروم

والمشروم والذره حق الشوربات والاطباق

النخي حق ساعات اذا ما ابي اكل شي دسم

الحليب الكارنيشن ( معلب ) هذا غرامي ( سوالف هنوووود ) حق الجاي والحليب

الاناناس المعلب والفواكه المعلبه حق الاطباق السويتس
وسلامتج

 

[xxx]

مشاركة: شتسوون بالمعلبات

اي تذكرت المشرووووووم هذا ضروري مع الماجله وخصوصا العدل مو المقطع

استخدمه بالمقلوبه والحمسات

اول كنت استخدم الذرة المعلبه بس يوم جربت المثلجه وايد أحلىىىىىىىى

 

[الجورية الحمراء]

مشاركة: شتسوون بالمعلبات

انا عندى تونة محتارة فيها .؟؟ قولولى اذا وحدة عندها طريقة لسلطة أو أكلة فيها تونة؟؟

 

[جكورة]

مشاركة: شتسوون بالمعلبات

المشروم مع الحمسات والشوربات والحشو..
الفاصوليا الحمرا والذرة للسلطات... النخي للفتة... المشروم أسويه مع البيض...
الأناناس أكله وهو بارد أو لتزين الحلويات... الشمندر للسلطات...
التونه أسويها مجبوس أو أحمسها مع بصل وطماط وفلفل وبهارات وأكلها مع الخبز... أو أحطها مع ليمون وبصل وزيت زيتون....

 

[احلى كويتيه]

مشاركة: شتسوون بالمعلبات

الفول الي بالحبه الكبيره اشيل قشره واهرسه احمس بصل واحط معاه طماط ولما يذوب الطماط احط معاه الفول المهروس بدون مايه ولما يطبخ احط علب فلفل حار الي من النوع الكبير ( لا يطوفج) والحمص مع سلطه البديان واسوي منه حمص مثل ماقالت رفرف والانناس لذيذ بروحه حلو وحشوه الفطيره حق شيزكيك والذره حق السلطات وقولي شنو النوع الي محتاره فيه تبتكرلج طبخه

 

[jolie_q8]

مشاركة: شتسوون بالمعلبات

استخدم الفول (تقريبا جميع الانواع) <<وقت الازمات

تونه << حق الرجيم

وطبعا المشروم (هذا شي ضروري حق الصواني والحمسات)

الذره والفاصوليا (الحمرا والبضا) حق السلطات

النخي (حق الفته)

وبازليا << حمسات

وبس

 

[bnt q8 in usa]

مشاركة: شتسوون بالمعلبات

شوفي عيوني هههههههههه علي قولة فوزيه دريع

انا المعلبات استخدم الذره والفول وفاصوليا بس الباجي افضلهم فرش ان وجد وان ماوجد لاحول احط المعلب

لانه المعلب فيه سعرات حراريه اكثر من الطبيعي

 

[bambena]

مشاركة: شتسوون بالمعلبات

جوريه حمرا جربي مرق تونا عجيييييب وهم سوي عيش مخلوط بالتونا والخضار المشكله

 

[السفيرة عزيزة]

مشاركة: شتسوون بالمعلبات

الجوريه الحمرا

التونا سويها مقلوبه تونل

يعني فوحي العيش عادي

ز حمسي التونا و حطي معاها اللي تبين

بعدين حطي عليها العيش و خليه شوي على النار لما يتسكر

 

[@ الرسامة @]

مشاركة: شتسوون بالمعلبات

تقدرين اتضيفين اكثر انواع المعلبات للسلطةمثل الذرة والفاصوليا والمشروم والشمندر

 

[أوركيد]

مشاركة: شتسوون بالمعلبات

جورية ....جربي مكرونة بالتونا ....وااايد لذيـــــذة

تسوين التونا حمسة عادية مع طماط وبصل وثوم والبهارات اللي تحبين وشوية معجون طماط

وحطي على جيس المكرونة علبتين تونا كبار...وكثري اليمون

مطفوقة....

النخي حلو بالسلطات والفته والحشو...

الذرة ....خو كل شي فيه ذرة ...حطيها بكل شي حق المتن ههههههههه

الشمندر مع الذرة وخبز محمص وفلفل اخضر ...ومعاهم صوص روب ومايونيز ...سلطة عجيييبة حلوة وسهلة

الفول مع الحمسة حلو للعشا ...

المشروم مع أكلات الدياي والشوربة والبيتزا

بعد شنووو؟؟؟؟اذا تذكرت ارد