شتسون لو كنتو بموقف رفيجتي

[Truly]

السلام عليكم

شلونكم بنات تقبل الله طاعتكم

بنات المشكله مشكلة رفيجتي وابي اخذ رايكم عشان اعرف اساعدها

بنات رفيجتي تحب ولد خالتها من كان عمرها 14 اهو اكبر منها ب 4 سنين و محد يدري انها تحبه غيري

و هي كبري عمرها 21

بنات تحبه حب مو طبيعي والله و تعشقه مو بس تحبه مذكراتها كله عنه و اشعار و سوالف واذا جابو طاري فز قلبها بس من اسمه

تقول امه انه بيرد بنص رمضان بعد جم يوم و بيقعد بعطلة العيد و بعدها يرد يسافر باقيله كورس وشي و يتخرج ان شاءالله تقول امه ودها تخطب له لما يرد و بعد مايخلص يملج و يتزوج طبعا تقول اذا كان موافق

و لاتشوفون رفيجتي منهاره و خالتها كلش مو مفكره فيها لولدها و تقول والله ماعيش بدونه بنات دموعها كسرت خاطري و عورت قلبي شلون تحبه انا عشت معاها حبها لحظه بلحظه وابي اساعدها

تقولي ودي اصارحه شسوي

مع العلم اهي خذت رقمه من تليفون خالتها بس ماتدري طبعا

و عندها و تقول والله بس اشوفه ولا فكرت اكتبله شي او ادق بس اطالع فيه تقول ارتاح عالاقل اذا كان رقمه بالتليفون وابتسم لهدرجه تحبه بنات

عفيه قوليلي شلون اساعدها

و شلون تصارحه يمكن سبحان الله يخطبها او يعجب فيها اذا درى شلون هي تعشقه و شلون تقوله و تعرف تصف الكلام لانها ماتعرفه وانا مامريت مثل ماهي مرت فيه حب من طرف واحد

ساعدوني بنات و جزاكم الله الف خير

و يحققلكم و يرزقكم كل الي في بالكم ساعدوني عشانها

 

[زوجة عزيز]

ليش اتصارحه عيب اهو مو خطيبها او زوجها ان تصارحه حتى لو اهو ولد خالتها عيب خلها تدعي ربها ان الله يكتبه من نصيبها بس لا اتصارحه

 

[Freakya]

لا تفكر انها تصارحه

بيقول هذي قاطة روحها علي

مالها غير انها تدعي انه يكون من نصيبها

ما بيدها شي ثاني

 

[ماني من الناس]

مشكلتها صعبه نفس مشكله رفيجتي

بس احس فشله انها اهي اللي تبدي وتصارحه مع اني حاسه برفيجتج تذكرت رفيجتي شلون تحبه بدون سبب





زعلت عليها

 

[ماني من الناس]

خل تخلي احد من اهله يلمح له انها خوش بنت وحلوه وجي

خل تتصرف

 

[classicyah]

لآ عيب و فشيله اتصآرحه :/

خل تدعي و بسْ ،

ان كآن نصيبهآ بتآخذه ،

 

[ريم الروقي]

الدنيا قسمه ونصيب واذا هو من نصيبها بتااخذه
ان شاءالله يكون من نصيبها
​

 

[الـــغـــلآ]

ترآ النآس غير عن بعض يمكن ينصدم فيهآ بس يخطبهآ و يمكن يآخذ عنهآ فكره و يمكن هو يكون في بآله أحد يعني لآ بغت تسسوي شي خل تفكر عدل و تستخير و خل تدعي ربهآ و ترآ بالنهآيه لو يجتمعون النآس كلهم على انهآ تآخذه و ربج مو كآتبه لهآ مآرآح تآخذهـ
و لو يجتمعون النآس كلهم على إنهم يوقفون زوآجهمو ربج كآتب إنهآ له رآح تآخذهـ

صدقيني كل شي بيد الله سبحآنه و تعآلى

خل تطلب ربهآ لآ تطلبنآ حنآ
مووفقين =)

 

[Fstani]

لااا فشششله لا تصارحه !!!






اهيا الغلطانه تحب واحد ومغرمه فيه واهو ولا يدري عنها :/






في وايد غيير بس اهم شي لاتصارحه قويه ! ، وكل شي قسمه ونصيب

 

[الضــبي]

والله الدعاء احسن شي
والاستغفار طول ماهي قاعده تستغفر

ويكتبها من نصيبه يااااااااااااارب

 

[انصاريه قمره]

قيام الليل والدعاء بهالشهر الفضيل وتصفي النيه

 

[ام زهقانه]

خل تدعي ربها ابركه من اشلون توصل مشاعرها بعدين تقلل في عيون الولد وتطيح من عينه

 

[محتارة وبصيح]

بعد خلاص ما يبي له شي تدق عليه تسلم وتلمح له وخلاص

 

[شقرا كويتيه]

البنات ماقصروا فشله تدق عليه بصراحه شبيقول عنها بس لارد خل تكشخ ويشوفها وتكشخ عند خالتها بس بعقل وتكانه وتدعي ربها والله يرزقها اذا كان من نصيبها

 

[[[ عيون جابر ]]]

لازم احد يمدحها او يذكرها جدام الام وجدام الولد غير جذي ماكو حل

 

[الأميرة جوري]

اذا الله كاتبه لهار اح تاخذه سواءا بتلميح اولا....خليها تدعي ر بها واذا فيه خيرلها ان شاء الله يكون من نصيبها

 

[بقــآيآ جـروح]

الــــــحل بيد رب العبآآد موبيدنآآ تاللي تدعي ربهآآ
ومآآتدري وين الخيره

 

[!witcha!]

لازم احد يمدحها او يذكرها جدام الام وجدام الولد غير جذي ماكو حل

و انا اقول نفس كلام فراوله هذا احسن حل :rerrerek:

 

[ام دليار]

حب من طرف واحد مابكفي
بس يجي من السفر تروح تسلم عليه يمكن يعجب فيها
بس بدون ماتحسسه بلأهتمام الزايد
الله يكتبلها الخير

مش كل قصة حب بتنتهي بزواج

 

[عنود مطير]

لا تفكر انها تصارحه

بيقول هذي قاطة روحها علي

مالها غير انها تدعي انه يكون من نصيبها