تروح وترجع بالسلامه ان شاءلله
1- هل المده كافيه ؟
اي 10 ايام كافيه .
2- معاها يهال وين توديهم ؟
تقدر توديهم معاها الرحلات الصبح .. يوم يروحون مغارة جعيتا مثلا حلوه .. وبنفس هاليوم يمرون على قلعة موسى ..
تقدر توديهم حبتور لاند .. حديقه وايد حلوه ومرتبه وموقعها مخلي الجو حلوو اهناك تطل عالجبل .. والالعاب راقيه بيستانسون وايد بهاليوم ..
تقدر تاخذهم بعد ABC يدخلون السينما ويتعشون بالفود كورت فيه مطاعم وايد حلوه ..
او في عندهم مجمع .. نفس سنتر بوينز يسمونه جيان .. صوب جونيه وايد حلو ..
3- شنو الاماكن الي ماتتطوف ؟
مطعم منير فبرمانه , مطعم مانويلا في جونيه فردان حلوه القعده بعد العصر .. بستاربكس او بتي كافيه ..
طبعا السوليدير قاعدين يرجعون يفتحونه حلو بعد الساعه 9 .. عاليه وبحمدون ..
في سوق اسمه اراكس في برج حمود .. فيه الشغلات اللبنانيه بعد خل تروح له الضحى ..
4- شنو الشي المميز الي لازم تشتريه ؟
ولا شي .. كلشي بلبنان موجود عندنا ارخص .. بضاعتهم وايد غاليه ..
باراكس بتحصل نعل وتوبات الصناعه التركيه .. في محلات فضه في الحمره او عاليه او بالسوليدير فيهم اكسسوارات حلوه كأنها الماس .. المحل اللي بالحمره وعاليه اسمه ALDORADO
