شبقى في الكويت !! ماتقولوووون ؟؟

[eastfem]

اكو موضوع صج صج قاهرني اشفيهم نوابنا والمرشحين كل واحد لقاله وتر وقام يلعب عليه واحنا لا وعي سياسي ولا ثقافه كويتيه

الكويت اجدادنا وابهاتنا علمووونا وصل الارحام والجيره علمونا الكويت مو يعني شيعه ولا يعني بدو ولا سنه وحضر

الكويت خلييييط من كل هذيل ـ انا خالى (سني) ايقولى والله يوم كنت صغير كنت انام عند جارنا ( شيعي ) بالايام اهلى مايسألون عني يدرون اني بخير وأمان !!

تدرون ليش لأنهم بسطااااء .. مومعقدين الامور مثلنا

ليش صار عندنا ازدواجيه باحكمنا وبقيمنااا .. شسالفه شصااااار.؟؟؟؟


ترى والله والله مقهوووره وااايد .. ضحكنا العالم علينه ..شلي نبيه !؟

بذمتكم ..


الحين في ياهل ماقام يعرف هذا بدوي وهذا حضري ؟؟

انزييين لييييش ياأمهاااات .. ليييش ياأبهااات ..

ترى ماعلم اعيالنا هالسوالف الا احنااا !!


وماعلمنا للأسف غير الى مسمين انفسهم مثقفين ومفكريييين حسبي الله عليهم ولا احنا وين وهالامور وين


هذاك مرشح حاااقد عالبدو يقول مزدوجي جنسيه // وعيال بطنها ومادرى شنووو يخرربط


ومصطلحات غريبه عجيبه ماكانت موجوده


وهذيييج ناشطه سياسيه كل يوم والثاني راز ويها بسكوووب تقول انا بنت لكويت انا اصيله .. مو كويتيه لفووو !!!

لييييش هالتفرقه ... هذيل موكفوو يدشون مجلس ..



احنا جذي موخالصين بعد هالحقودييين الى مره يعلنون احقادهم عالتلفزيونات والقنوات ومره يتحجون بالشعارات الوطنيه ...

شهالتناقض !!!

الكويت وحده ماخبرناها ثنتين ..!!


نبي نرد بسطاء متواضعين نحب الكل ونحترم الكل لو شنو مايكون اصل وفصله ومذهبه

نبي نكون عادلين بأحكامنا ويكون عندنا وعي اخلاقي

مادرى شبقه بالكويت !! مادرى شخلينه !! يعني ماتشوفون لبنان والعراق شسوت التفرقه فيهااا قطعتهم فرقتهم

بجتهم ومحد سامعهم ؟؟؟؟؟؟؟؟؟؟؟؟؟؟؟


شوفو بس حال لكويت وغيرها من الدول صج لي قالوا !!


لكل زمان دوله ورجاااال

صج شي يقهرررر والله ادرى يمكن غثيت بعض البنات بس من حر مافينيييي


احنا لازم نراجع انفسنا ،، اخلاقنا و.. نقيمها عدل ونعلم اعيالنا الصح .. لافضل لعربي على اعجمي ..... الى اخره // الا بالتقوى !!! هذا الاساس يابنات


بالنهاااايه ماأقووول الا شي وااااحد


الدين لله والوطن للجميـــع

 

[قفشه شكر]

صح لساااانج بكل كلمه كتبتيهااااا
يسلموووو على هالطرح والاسلووب الراااقي
بس منو يسمع ومنو يقراااا
خليها على الله

 

[نجمة البحر]

صح لسانج
والله كل اللي قلتيه صح بس وين اللي يفهم ويطبق
المشكله اذا واحد غلط وكان من مذهب معين الناس تعمم كل اللي بالمذهب وانهم غلطو وانهم انذال وانهم وانهم الخ
ليش هالحقد ليش يقولون لاتحاجي هذا لان بدوي ولا تماشي هذاك لان شيعي ولا تروح حق هذيل لانهم سنه
ليش ما نقول خل نتحد لان كلنا كويتيين وعايشين بديرة الخير والحب والسلام

وكافي تفرقه

 

[pure feminine]

درر وربي

الله يكثر من امثالج

لاعت جبودنا من التفرقه الكويتين صارت بينهم حزازيات حراااام من متى اكو فرق بين بدو وبحضر نسيتو ايام الغزو

مافرقو بين بدوي وحضري كلهم انأسرو وستشهدوا في سبيل الدفاع عن الكويت


احنا بلانا من هالجم واااااحد الحاقدين الي كل فتره طالعين على هالفضايات الخاصه وهات يا تفرقه وكلام فاضي بين الكويتيين

 

[حلوة ومملوحة الكويت]

صح لساااانج
ومشكوره على الموضوع اللي جااا في وقته
ياليت نقتدي بأبائنا واهلنااا قبل
من عمرنااا على قلب واااحد
الله لا يفرق الكويتييين
آمين يا رب

 

[أوراد التميمي]

الله يحفظ الكويت من كل شر


ويحميها من أعدائها وحسادها يارب

عساها في عز وخير وكل بلاد المسلمين​

 

[قدساووويه كووول]

كلامج عين العقل ..

يسلموو

 

[vogue grl]

صح كلامج

 

[طووم]

كلامج صح بس خلاص ماينفع الحين تغير كل شي قبل الناس بسيطه وتفكر بيومها وشلون تعيش وكان التزامهم بالدين غير وتعاملهم الحين شبعوا وصار فسق وكل واحد يبي يصير فاهم بسياسه وبدت تظهر الاصول هذا كويتي بس شنو اصله سعودي عراقي ايراني سني شيعي ونسوا انه يوم صارت لكويت محد قال من وين هذول ماكو حل خلاص لازم نعيش مع هالوضعوالله يعين لكويت قبل اهلها

 

[عربجيه]

قلبي يعورني ع ديرتي

وودي لو في شي اقدر اسويه بس شـ ـأقول

يارب خلنا ع ايد وحده يارب

 

[N.O.O.R]

من عمر الكويت واهي فيها سنه وشيعه وبدو وحضر وجناسي وناس اشكال والوان بس الحين الناس طمعت وكل من قام يبي يصعد على ظهر الثاني تواسى الزين بالشين عسى الله يستر علينا... بس بقول كلمه وحده : الكويت ليلحين بخير وراح اتظل طول عمرها بخير ودول المنطقة لو تتقدم 100 سنه والكويت تزحف زحاف راح تظل الكويت افضل واحسن منهم وماراح يوصلون لربع اللي وصلت له وعلى فكره ترى اهم يمشون على خطى الكويت ويبون يصيرون لو ربعها

 

[N.O.O.R]

ماكو شعب راقي ومثقف ومتعلم مثل شعب الكويت .. والكويت اللي تقارنونها بدول الخليج اللي تسمونها متقدمه ومتطوره ترى بس شكل بدون جوهر تقدمهم وتطورهم مو على سنع تلقون مباني وناطحات سحاب وعجايب وبنيه تحته ماكو لا مجاري تكرمون ولا شوارع حتى ان طق عليهم مطر يحطون طرابيل فوق سطوحهم وشوفوا الكويت من متى فيها بنيه تحته الحمدلله لاني كويتيه عسى الله يخليني لي ديرتي حبيبتي وراح اظل ادافع عنها كل ما سمعت احد يذمها لانكم لو تدورون الكوين كله ماراح تلقون ربع الكويت

 

[النهج الاسمى]

واجد ناس قالوا

بس منو يسمع>>>>>يسمعون للي تحب قلوبهم

هذاك مرشح حاااقد عالبدو يقول مزدوجي جنسيه // وعيال بطنها ومادرى شنووو يخرربط
>>>الله يعافيه خليه بس يتأكد من اصله بعدين يقول البدو<<<

 

[الليدي ديانا]

و انتي الصاجه

كلامج درر

قواج الله

 

[مرتاحه]

اذكر فريجنا اول كان خلط سنى شيعى
بدو حضر كلنا كنا
على قلب واحد
اذا احتاج اي واحد فينا شيئ
ياره يساعده ما يقول هذا سني
ما اساعده ولا شيعي ولا غيره
واي يحلوها من ايام
وكنا احنى البنات نلعب كليوم في بيت
والشباب مع بعض وخواني ليلحين
مع ربعهم وحنى بعد البنات لازم
نسال على الكل وخلينا نشوف وحده
بنات اليران في اي مكن نقعد ندقها
سوالف

 

[{ عبره وهلت }]

،،






اي والله لكن من بيسمع !






،،

 

[AbRo0oH Q8]

ودي اشوف الجويهل والرشيد ......
علشان اسمعهم كلام يخليهم يردون لعقولهم .. هذا اذا كان عندهم عقووووووووووول
................

 

[السحر؛؛؛الحلال]

والله كلامكم علي راسي...والحمدلله إن العاقلين مثلكم هم الأغلبيه...من عمر وإحنا نعرف إن الكويت ثلاث فئات ومن ضمنهم شيوخنا يعني شنو الجديد في الموضوع وإن البدو فيهم سنه وشيعه والحضر فيهم سنه وشيعه وذايبين مع بعض وشحلاتنا....لكن من فتح الجويهل قناته وهو صاير محراث شر........ انزين خل يتكلم عن جذوره أول وخل يعلمنا شنو سوى حق الكويت شي مفيد قبل..... مسكين ماتسوى عليه هالإنتخابات... يابنات ترى الحين مافيه شي إسمه بدوي الكل دارس والكل متعلم والكل يفهم بالتكنولوجيا خلااص كلمة بدو مفروض تنلغي........ وبالنسه يابنات لأعضاء مجلس الأمه لازم نختار الأفضل وإتركوا تعصب الجاهليه والله إحنا أصواتنا أكثر من الذكور.

 

[Un-6be3iya]

الحمدلله لآ سنة ولا شيعة هذا البلد مانبيعهـ:eh_s(1): :eh_s(6):

 

[عاشقة_الجمال]

من يومنا السني والشيعي والبدوي والحضري اهل وما فرق بينهم شي

بس للاسف في ناس فاسده تبي تخرب الكويت وتفرق بين الشعب

وقاموووا يغنون على الوتر هذا
والا جوويهل اللي سالفته سالفه

انا وانا وهو ما يسوووا حتى بيززززززززززززززه !!!!!!!!!!