شباب المرأه؟؟؟

[اي شي عادي]

السلام عليكم ورحمة الله وبركاته.
امس كنت انا وخالاتي وبنات خالاتي وحريم خوالي
قاعد انا قش في الي عمر ينتهي شباب المرأه :eh_s(14):
ولا حظت ان الاراء كانت كل وحده كان لها راي
بصراحه استغربت التناقض في مسالة العمر وتفاجئة من بعض الاراء الي كانوا يقولون بعد 25 :dddds:
فحبيت اناقش معكم الموضوع مع اني انا عمري 16 بس
بس لفت نظري الشغف فمناقشت الموضوع في يمعتنا
فانتم شرايكم هل تعتبرون شباب المرأه يزول بعد 25 او 30
خلونا اناقش الموضوع من فضلكم:33_1185028183:

 

[سارونه*المزيونه]

رد : شباب المرأه؟؟؟

من وجهة نظري لا طبعا لانه الشباب مو بالعمر ولا بالشكل الشباب شباب الروح

 

[ياليل مااطولك]

كل عمر لة زهرتة والعمر موا بسنين بروح الحلوة والتفائل في الحياة يا ما جلسنا مع عجز نفسيتها ازين من الشابات

 

[ORKDI]

بقول لج شي كويتي

يقولون

الشباب شباب القلب مو شباب العمر

يعني تحصلين مراه عمرها 50 - 60 سنه تروح سينما تجي

بعدين 25 صغيره عسى ما شر

نفس رفيجت اختي تقول العنوسه 22 سنه اي شي

العنوسه بعد 40

 

[أمـونة]

رد : شباب المرأه؟؟؟

انا اقولج ان جمال وشباب و انوثة المرأه يكون في اوج النضج في سن الثلاثينات

ويعتمد عليها و على شطارتها انها تحافظ على نفسها بهالعمر حتى مايبين عليها الكبر لما توصل 40

 

[اي شي عادي]

رد : شباب المرأه؟؟؟

معاكم حق بكل كلمة بسانا اقصد العمر
لان القلب ماله علاقه بالعمر انا امي احسها بعمري
بس حبيت احل اللغز لان الناس ارائها متناقضة

 

[العبيدان tenuta]

رد : شباب المرأه؟؟؟

حبوبه صباحج وووورد ياورده :eh_s(9):
اذا الشباب ينتهي 25 عيل امهات 30 40 ينتحرررررون
هالاشياء تعتمد علي المرأه نفسها واعيطج كذا مثال بس حبيبتي انت ابيج انت تتعلمين حق هالدنيا وهذه اخذيها نصيحه مني مثل امج
اولا اكو بنات بعمر الورد من كثر مو شايله الهم وكئيبه عمرها جنها 40 سنه واكو حريم اعمارهم 40 سنه والله تعطينها 25 سنه لانها عارفه حق روحها عدل تري المشاكل والهموم والكابه والفشل والاحباط هذ يسبب الامراض ويخلي عمرها مليون
بس التفاؤل والحب والسعاده والاهتمام بالروح والرياضه وعلي فكره تدرين ان اكو هرمون يفرز ويجدد الخلايا كل
مارست الرياضه يجدد الشباب الروح تكون متجدده نشيطه واخر شي يعتمد علي الوحده نفسها اكو بنات او حريم اهم يحكمون علي نفسهم بالاعدام سمعي شنو تقول خلااااااص راحت علينا مانقدر ووووويه الناس شنو تقول اببيه فشله ولا مااقدر او مااعرف ولا ماعندي وقت هذه انسانه فاشله حكمت علي نفسها بالاعدام ومن هالاشكال لا تقعدين معاهم ولا تاخذين برايهم تري هذولا المحبطين المتاخرين المنتهين ومن صفاتهم بس تبي تهاوش لسانها طويل بشعه المنظر دقه قديمه من النوع اذا رحتي السوق تخزج وتخمط اللي بيدج شعرها فيلم تلبس قميص نوم تحت العبايه وتهايل فيها من مكان لي مكان وساعات تلبس امطه بدون حجاب دايما تتعلج الصالون ماتدل طريجه واذا تبي تطلع لوك جديد قلدت تقليد اعمي وصار شكلها مهرجان هذولا الله يسلمج الحريم المنتهين وتلاقينهم من جميع الفئات العمريه من 20 الي 50
وهم راح ارجع لج مره ثانيه فااااااصل ونواصل ​

 

[جفا الأصحاب]

على حسب الشخص نفسه .. يعني تلقين وحده عمرها بالأربعينات بس ما شاء الله عليها مو امبين عليها مهتمه بنفسها وبشكلها وبأكلها تعطينها بالعشرينات

وتلقين العكس وحدة عمرها 20 والله كأنها عمرها 40 كلش ما في أهتمام بنفسها

وأهم شي الواحد يهتم بأكله وبشكله لأن الله جميل يحب الجمال

 

[Flower20]

رد : شباب المرأه؟؟؟

لا شنو يزول بعد 25
الله يهداج يعني بعد 3 سنين يروح شبابي لوول
عالعموم جمال المرأة يبدا يذبل شوي شوي بعد 38 الا اذا حافظت عليه

 

[هب العطر]

رد : شباب المرأه؟؟؟

و الله بالنسبة لي المرة هي اللي تحدد متى يزول شبابها

وقت ما تمل و ما تهتم بجمالها راح يروح شبابها لوعمرها 18!!!

عني انا , يوم كان عمري 18 الى 22 كنت ام العيايز خخخخ


تعالي شوفيني الحين ما شاء الله

فرق السما عن الارض

 

[هب العطر]

رد : شباب المرأه؟؟؟

و الله بالنسبة لي المرة هي اللي تحدد متى يزول شبابها

وقت ما تمل و ما تهتم بجمالها راح يروح شبابها لوعمرها 18!!!

عني انا , يوم كان عمري 18 الى 22 كنت ام العيايز خخخخ


تعالي شوفيني الحين ما شاء الله

فرق السما عن الارض