السلام عليكم بنات
يمكن الغالبية سمع عن شاي بايوجي بلس للتخسيس وفي بعض التاجرات باعوه علينا اهني بالمنتدى وكان في اختلاف على ان اللي ينباع بالمنتدى مو الاصلي وفي تاجرات اكدوا ان منتجهم اصلي وكان في علبتين مختلفتين بالشكل وحدة اصلية ولثانية تقليد واصروا التاجرات ان الاختلاف بالعلبة بسبب تغيير المصنع او شغلة جذي وان مافي فرق بينهم بس واحد من مصنع بامريكا وواحد من مصنع باوروبا !!
حبيت اوضح ان مع احترامي للتاجرات منتجهم اللي باعوه علينا مو الأصلي :eh_s(2): انا شخصياً اشتريت من تاجره وكانت العلبة التقليد من غير ما ادري ولما عرفنا ان شكل العلبة الاصلية غير ردت التاجرة ان مافي فرق وحطت لنا بعض من رسالتها للشركة وردهم عليها .. وصدقت واشتريت منها مره ثانية بعد ما تأكدت ان العلبة نفسها اللي بالموقع الأصلي .. بس هم طلعت مو الأصلية!!!
اولاً الموقع اللي كانت تحط لنا منه ردود الشركة على استفساراتها مو الموقع الرسمي للمنتج! اهي كانت حاطة هالموقع
www.paiyojishop.com
بس اهو مو الموقع الاصلي و الرسمي للمنتج مع الأسف يمكن تكون اهي مسكينه انغشت فيه على اساس انه الموقع الرسمي لكن اللي خلاني اشك بعد ان المنتج اللي خذيته مو اصلي اهو ان جيس شاي نفسه مال المنتج غير اصلي بالضبط! ونفس الطعم !
والشغلة الثانية ان العلبة مكتوب عليها بالصيني و سعرها نفس سعر الموقع بالضبط من غير توصيل!!
فسويت بحث شامل عن المنتج ولقيت الموقع ااصلي له
http://paiyoujiplus.net
اللي اهو هذا وفيه الفرق بين المنتج التقليد والمنتج الأصلي وكل المعلومات والمكونات مالت شاي بايوجي بلس وقهوة بايوجي قولد .. وهم الموقع محذر من المنتج التقليد ومبين ان اي منج عليه احرف صينية او مكتوب عليه بالصيني هو منتج تقليد مو اصلي
وحاط الموقع مكونات الشاي اللي اهي كلها اعشاب ومكونات طبيعية ومو طحالب وفيه فيتامين بي وسي و بعد مبين ان الشاي زين لتنظيم الكولسترول ويساعد على تسريع حرق الدهون بالجسم وينصح ان اللي يستخدم الشاي يشرب على الاقل لترين ماي باليوم ويمارس الرياضة ويبتعد عن الاكل الدسم والدهون و بعد من فوايده تنظيم السكر بالجسم ويحذر الموقع من استخدام الحوامل او اللي ياخذون علاج للحمل او المرضعات واصحاب الضغط المرتفع واللي عندهم امراض معينه من استخدامه وينصحون باستشارة الطبيب قبل البدء باي رجيم او دايت
اتمنى اكون افدتكم والموقع الثاني اهو الموقع الاصلي لشاي وقهوة بايوجي للي حابة تطلب
ديربالكم من اي منتج لبايوجي يحمل كتابة صينية و اتمنى للجميع الصحة والعافية :eh_s(7):
روعه أكو وحده وياي بالجامعه كانت بطه يتت ركضت وراها بعرف شنو السر الي خلاها تضعف ومشاء الله جسمها يهبل وبسرعه ضعفت قالت لي عن هل شاي ويزاها خير الخبر أنتشر بين رفيجاتي وأهلي وبس 
