شالحل وي شعر بنتي

[girl k.s.a]

السلام عليكم
بناتبنتي عمرها سنتين
وشعرها توه تقريبا طلع لاني اول ماجبتها صلعه
لكن مو هنا المشكله
المشكللللللللله انه يتلفلف :rgewrg: تعبت تعبببببت منها
ولطلعت اتفشل بصراحه كلن شعره مرتب الا بنتي
يتمسك صغار بالموت امسكهم ومايمديني اخذ 5 دقايق الا تفتحه
واستشوره بطلعة الروح ويخترب
لاتقولون قصيه قصيته وخترب اكثر
عطوني حل بليززز

 

[girl k.s.a]

شدعووووه وينكم تطلعون ولاتردون

 

[الدميره ..]

حطي لها حنه
جيبي بطل ماي كبير حطي فيه حنه وحطي نصه ماي . وغرقي شعر بنتج .
وسبحيها بعدها بساعتين او 4ساعات .وان شاء الله تضبط الطريقه

 

[frasha.q8]

امممم دهني شعرها او قصي أطرافه عشان أطول بسرعه

 

[*lavandula*]

ماينفع الا القص خليه على طول بوي ارررتب

 

[اترجة]

لا تقصينة حرام يخرب اكثر على طول حطيلها حنة وزيت زيتون انا اعرف وحدة شعر بنتها يفشل الحين على على طول تحطلها حنة والله تبارك الرحمان شعر بنتها طول صار يهبل اذي استشورتية لها اخذي كريم شعر بيدج حيل شوية مع شويت معاي وامسحي شعرها ومشطيه بيهبط وحطيلها باند يلم شعرها من جدام او تاج

 

[ريح قهوه]

كل ماقطت الشباصه ردي حطيها عشان تقتنع وتعرف انها ماتقطها لان لاقطتها راح تحطينها والله انا قبل جذي والله لدرجة انه تروح لاي احد يقطها واللحين عوتها على طول شباصه وتعودت راح اتعبج بس اسبوع اسبوعين تعود ولا لميتيه ومشطتيه مع الايام راح بتعدل

 

[@ام يوسف@]

انا بنتي كانت جذيه وكانت معاناه بس من كبرت تغير شعرها سبحان الله كل من شافها قال سبحانه اللي عدل شعرها

 

[ميرور]

يمكن الشامبو مب مناسب شعرها ،،، جربي غيريييه

 

[ام الدرر]

اذا مو طويل واييد للطلعة خليه بدون شباصة(كيرلي )
مشطيه وحطي سيرم يغذيه ولبسيها باند او تاج
حبوبة ترى حتى كثرة الربط تقطع الشعر من جدام
وبالبيت استعملي خلطة زيوت من الحواج يوم وترك
حطيه الصبح اول ما تصحى وغسليه بعد الغدا
وان شاءالله بينعم ويطول​

 

[فلانه وعلانه]

لاتقصينه وعلى طول ربطيه خليها تتعود على الشباصه

وحطي لها حنة وزيتي لها شعرها بس اذا طلعتي لاتحطين لها ووو خليه لمن يطول شعرها يطلع يهبل اللي شعورهم يتلفلف مو

حلو عليهم الشعر لقصير نفس بنتي

 

[ضايعه بينهم]

الحل الوحيد بخاخ جونسن الاخضر حق التشابك
بخي ع شعرها وامشطيه يسهل التمشيط واستشوريه
راح تدعيلي نفس معاناتي مع بنتي بس الحين الحمدالله
ارتحت وكل يوم احط منه واربطه بالربطه البلاستك من ابوميه
يمسك شعرها وماتقدر تشيله يعني غصب عنها وحطي عاد فوقه الربطه
او الشباصه اللي تبينها يعني الكشخه اللي تبين تلبسينها مع لبسها
ولا من شاف ولامن دري
*

 

[أم بتول*]

كأنك عم تحكي عن شعر بنتي نفس الشي وكنت عم فكر قصه بس لما سمعت الأجوبة بطلت استفدت من الاجابات

 

[كل الحلا فحبيبي]

اب اب اب الموضوع يستاهل

 

[hneen2]

انا بعد نفس شعر بنتي ناعم بس لفاته كبار

وديتها صالون بيبي وازو وقال شعرج بنت ناعم بس فيه لفات وخفيف والقص المستمر احسن والله رتبه حقي بالاطراف وسنعه صار يهبل بس الحين يلف
لكن ارتب من قبل


ومره ياتني هنديه تحفني بالبيت قالتلي والله لاتزيتين شعرهم الا بزيت دلال او عافيه قصدها زيت الاكل واللي احسن منه روب وقفشه عسل وبيضه مدحتلي هالخلطه تقول شوفي عقبها النعومه واللمعه والكثافه



بس صراحه للحين ماجربت لان الجو بارد وان شالله لا دفي الجو بجربه علي بناتي

 

[ام الحلوااات]

نـــــفــــــس الــمـــشــكــــلــــه !!!

لا وما تــبــي لا شــيــاصــات ولا ربــطـــات كــــلـــه تــفــكــهـــا وش الــحـــل ؟؟
عــيـــزت مــعــــهـــا

 

[أغلى حبيبه]

بالبيت حطي الدهن وربطيه بطول

 

[ام رينـاد]

قصيه

 

[girl k.s.a]

لا تقصينة حرام يخرب اكثر على طول حطيلها حنة وزيت زيتون انا اعرف وحدة شعر بنتها يفشل الحين على على طول تحطلها حنة والله تبارك الرحمان شعر بنتها طول صار يهبل اذي استشورتية لها اخذي كريم شعر بيدج حيل شوية مع شويت معاي وامسحي شعرها ومشطيه بيهبط وحطيلها باند يلم شعرها من جدام او تاج

ناس كثير كثير مدحو لي هالطريقه وقالو بتدعين لي بس الحين موت برد من يجي الصيف بطبقها
والف شكر لكم جميعا ماقصرتو حبايبي

 

[تبيني آرضى عليك]

آآآآآآآآآآآآآآآآب