شالحل؟؟؟!!

[ام حــ م ــودي]

بنااات شلووونكم

ابي تساعدووني بافكاركم انا زوجي ملتزم ((مطوع)) يعني مايروح سينما او مجمعات ومايحب المطاعم الشبابية اللي فيها
بنات وشباب وحركه واايد
يعني بالعربي ابي امااكن طلعاات فيها ثقل
لاني اتوهق اذا ابي اطلع اقعد سننه افكر وين نرووووح
والكويت كلها مجمعات وسينماات
مسكييين يوديني مايقوول شي يعني مومتحجر بس مو اي مكان يلووق لنا
(( عبايه وبدون ميك اب واهو لحيه ومقصر)) :eh_s(6):
ان شاء الله تفيدووني
مشكووورين​

:dddds:

 

[قطوه ورديه]

مادري والله
انشالله البنات يفيدونج

 

[خــجــولــه]

عادي وايد اماكن تليق بهالامور !!

عندج مطاعم كباين ... مطعم قيصر بحولي بارك فيه كبينه ...... قيصر فحيحيل

مطعم مغل محل ..... الفايز اغلب المطاعم فيها كباين وعائليه بس اتوقع المطاعم اللبنانيه والأمريكيه مافيها كباين

عندج الحدايق والبحر وايد عوايل ومافيها سوالف شباب وبنات


اذا بتطلعين وتروحين مجمعات روحي الصبح او ايام العاديه مايكون فيها زحمه .... اكثر المصخره بالويك اند

 

[<< أزيان >>]

روحي مطعم اشاز بالافنيوز راقي واضائته خافته وعائلي


فندق هوليدي ان اللي جبال شوبيز في مطعم ياباني وايد حلو وفي كباين


روحي مجمع الرايه الكافيهات راقيه ومافيها شباب لأن كل ماراكات فمافي جز خخخخخخخخخخخ

وهم فندقهم هاااادي ومافي زحمه تقدرين تتعشين او تتغدين في


روحي مطعم دعوات الهندي اللي في بنيد القار اينن اكله وفي طاولات تقريبا مثل الكباين بينهم بارتشنات

وهالمطعم في سر المطاوعه يموتون في لووووووول ماادري ليش كل مااروح لاوم القى جم واحد مع اهله واكله لذيييييذ

 

[*البدرة*]

روحي الاماكن الشعبية ... والله احسها احلى بوايد
المباركية ويوم البحار للايام العادية
وايضا الاحمدي الحديقه الخضرا هناك وايد حلو وهادي..
وعندج اغلب المطاعم فيها كباين قيصر فايز دعوات..
اخذي اجازة وحجزي بفندق راقي انصحج باداون تاون فضيع وهادي

موفقه

 

[كاكاو بو نجوم]

غلطانه مافيكم شي وأنتوا الصح وأشكالكم عاديه يعني اشوف وايد مثلكم بالأفنيوز والمارينا حتى بالسينما ومجمع المنشر والكوت وشرق مافيهم خرابيط بس إنتي شجعيه الله يهنيكم

 

[باربي للابد]

عادي حبيبتي روحي كل مكان

بس لا تروحين بالليل طلعوا من الظهر لي المغرب

المجمعات هادية وماكو زحمة ولا لوية​

 

[صاحبـ السمو ـة]

بالعـــــــكس ماافيهاا شي اشكاالكم

احس انهاا رزة والله
يعني شنو مطوع ولاعباايه رأس
شكثر اشوفهم بالمجمعاات وبالويك اند بعد
أممممممممم
والامااكن رووحي كل اللي تبينه
ولاتحطين شي بخااطرج
وتتهنوون ياارب

 

[وجدان الكويت]

اذا الفروانية قريبة عليج

توهم فاتحين مطعم قيصر فيها مكانة وااايد حلو ودايما فاضي وهادي حيل

بالمجمع اللي في سوق كرز صوب مكدونالدز بالضبط

تلاقينة فوق

وعندج مطاعم الفنادق دايما هدوء

 

[pretty sarona]

روحي اي مطعم تبين بس اختاري الوقت المناسب مو ويك اند و زحمه ايام الاسبوع يا حلو الطلعه ولا تخلين شي بخااطرج

 

[* بنت المطر *]

الافنيوز الصبح وقت المدارس هااادي ومافيه الا ناس كبار .... تمشي بكارفور حلو

واذا طلعت ويك اند روحوا الوفره منتزاهاتها حلوه وفيها خيام للتستر وعوايل

 

[law love]

المجمعات الصبح هاادية
عندج مطعم لنوتر البحر مافي لوية شباب تاخذون راحتكم فيه
كل مطاعم الفنادق على طلبج هدوء و كلمن بحالة
الراية زيين بس مافي مطاعم ذاك الزود
لا تحكرين عمرج دام انتي الصح وغيرج الغلط
اي اذا ما تقدرين الصبح روحي المغرب او العصر ليه العشا وطلعي من المجمع قبل اللوية
وخلي كل اسبوع مثلا ريوق او غدا بره بعد صلاة الجمعة الجو حده عائلي
وارد وعييد انتي الصح لا تحكرين عمرج
الله يسعدج ان شاء الله

 

[ام حــ م ــودي]

بعد قلبي والله بناات انا ارووح الحمدلله كل مكان بخاطري بس يمكن لاني فقدت السينماات بعد الزوااج
لوووووووووووووول
وشكلي مو شاذ عباية اسلاميه بدون نقاب ولا عباة راس يعني عاديه بس احس احيانا بعض الاماكن ماتصلح حقنا فقلت افضفض واشووف رايكم
وانتووو ماااقصرتووو بعد قلبي والله
تسلموووووووووون

 

[خــجــولــه]

ام حمودي

عادي وايد لابسين عبي راس ونقابات يروحون مجمعات

وخصوصا سوالف الكوت والمنشر

 

[bnota.class]

شكووووووووووووووووو تقولون عبي راس ونقاب لول
البنت قالت عباة عاديه وريلها ملتزم
انا مثل حالتج حبيبتي بس انا وزوجي لا عادي سبورت الله يهدييييييييييييه قووووووووووولوووووووووووو امين ماكنت متحجبه ولله الحمد تحجبت ولبست عباة وماحط ميك اب نهاااااااااااائيا الا للحريم الله يهديه
وحبيبتي روحي كل مكان شكوووووووووووووو انتي الصح والله وانا مثل ماقلت لج توني اول يوم برمضان مو الي فات الي قبله سويت حادث قوي جدا جدا والتزمت بعدها وكنت اشوفهم والله وودي بس ماكنت متجرأة والشيطان قاص علي...وحتى لويطالعونج اقسم بالله العظيم انها من داخل تدري انج انتي الصح حتى لوقالت عكس هالشي وتتمنى تكون انتي وريلها مثل ريلج الله يخليكم لبعض ان شاء الله وحمدي ربج حبيبتي عالريال الملتزم والي يعرف ربه ولاتتحسفين على سينما ولا فيلم هذي كلها دنيا زايله والله ان شاء الله يجمعكم بالفردوس الاعلى ومثل ماقالو روحو كل مكان الا الويك اند ومااااااحب الكباين احس غمته انا رايحه اغير جو مو انحكر بدار جان طلبت تيك اوي هالاماكن الي بحطها لج هاديه كل وقت عموما
عندج fish market عند الابراج عجيب
عندج بامادورو مطعم ايطالي عند الكنيسه الي بجبله عقب الشيراتون
عندج عقب الابراج جدام ميس الغانم ثلاث مطاعم اسمهم قرية الضيافه روحي الي على يمينج جوه رومانسي وااايد وحتى اذا حلى الجو قعدو برا
ممممممممممم قاعده اعصر مخي لج لووووووول
اكو مطعم ستيكات انا مارحتله بس مدحته رفيجتي لي اسمه كاوتشو قريل بفندق النخيل بس ماله شغل بالفندق هو برا اول واحد عاليمين ومافي لويه وجوه رومانسي وهادي
اذا تذكرت بعد بقولج
وكل مكان روحيله وانتي رافعه راسج وتعوذي من ابليس هذا ابليس الله يلعنه قاعد يوسوس لج انهم احسن منج وان انتي شيايبج هني هذا مولج وانتي مو مال هالاماكن الي تونس صدقييييييييني ياعل ربي يهنيج ويرزقج بالذريه الي تسعدج

 

[نونا**]

ليلى جاليري فاضي وكان فيه سعوديين شكثر

حتى نقاب السعوديات واضح غير عن نقابنا شوفيهم ماشالله عليهم كلهم ثقه بنفسهم وتلاقينهم بكل المجمعات حتى بالافنيوز صوب الساحه اللي بالنص اللي عند بول وستاربكس اللي فيها قمة المسخره تلاقين السعوديات يتمشون بكل ثقه ولا يكونون بنات بروحهم ماشالله عليهم

اورينتال بالسالميه روعه وعاءلي

حتى الكافيهات قعدوا فيها عادي بس اختاروا القعدات اللي برا عن الاغاني

روح تريقوا بلونوتر الافنيوز عالساعه 9 فاضي مافيه احد

اغلب المطاعم الوايد راقيه مافيها شباب لانهم مايقدرون عليها ههههههههههه

تصدقين كل ما اشوف مطوع اقول الحمدالله الديرة بخير

 

[girl_in_abottle]

ليش يا اختي ما تطلعون؟
إلا روحوا كل مكان
ليش انتوا ماتسافرون دول اجنبيه؟
حتى لو اسلامية الناس تتنوع في لبسها و تشوفين كل الأنواع
نفس الحال بالكويت
بالعكس, انا اشوف الكويت ناسها محترمين و لبسهم محترم و مافيها شي
روحي كل مكان
و استانسي
ولا تشيل هم الناس
من راقب الناس مات هما

المجمعات ما تهلق إلا في الويك اند
انتي اختاري وقت يكون المجمع مافي زحمة مثل الظهر او اي وقت قبل صلاة المغرب
و المطاعم كلها افيها شي
ولا حتى القهاوي

 

[نـ(المطيري)ـازكـ]

الله يوفقكم يارب ..

اذا بخاطرج المجمعات تروحينها انتي وريلج .. روحي من الصبح لي الظهر او بعد الظهر يعني ع الساعه 3 - 4 .

هالوقت مافي احد حدة صخة ..