شالتفكيــر..؟!

[بنت الدلال]

مساء الكــادي


شخباركم ؟





في شي بقلبي يقرقع من زمــان وابي اتكلم واناقش فيــه واهي ظاهره منتشره وايـــد ..



الي اهي هوس الجمــال ...

تقطع نفسها وتهلك جسمها وتموت وتحيا عشان تصير حلوه ..


ولا تيي ام بعرس تنقي احلى بنت بالعرس حق ولدها .. وماتشوف داخلها ولا البنت زينه .. احلى بنت تسال عنهــا وولدهــا :eh_s(1): (( الشاذي بعين امه غزال ))



والي تسوي تجميـل خشمها وويها وخدودها وترقع حواجبها واكتنشن وتتفتخ وتشفط عشان تصير يقولون عنها حلوه لاحظو بقولون يعني كل شي تسويه عشان النــاس




لــيــش هالتخلف وصلنا عصر 21 وليلحين ناس تفكر جذي ... في نــاس يشوفون الشكل وبــس والجوهر وين ؟ الاخلاق والاسلوب والتفكير الاهل التربيه ؟



يعني بفهم النــاس تتعامل مع الشكل ولا الروح ؟!


واكبر دليل عند الموت الروح تطلع وبعدها مافي تواصل مع النــاس ولا ينفع جمال ولا جاذبيه ...


ابي تفهمونــي شنو هالهوس الجمالي الي عندهم والناس ليش همها المظاهر ؟

 

[منورة الكويتية]

هذا كله بفضل التي في والاعلام
اهوا الي خلاا المثل الاعلى للشباب جمال الشكل والجسم
شوفي شنو يجذب الشباب؟
المسلسلات والافلام صح؟
منو يمثل فيها وشنوو يسووون
هذيل الي للاسف يمثلوون القدوة لمعظم شبابنا
وهذا باعتقادي من اقوى الاسباب الي خلت الشكل والمظهر اهم شيئ

 

[عاشقة الرشاقة]

الناس تغيرت وما قاموا يدققون بالأخلاق وصاروا يموتون عالمظاهر, علشان جذيه زادت نسبة الطلاق

 

[lateealsa]

احلا شي اللي سمعته من البنات عن وحدة ماخلت شي من عمليات التجميل ما سوته وطلعت حلوة (اشك في ذلك)
المهم الاخت المتجمله شافوها ناس واذكروها حق ام تخطب حق ولدها والام والولد شافو البنت واعجبتهم
وبعد العرس واللذي منه
حملت البنيه وجابت بنت
يتراوالي عرفتو باجي السالفه
وحق اللي ما اعرفت اقول
البنت طلعت ما تشبه الام ولا الابو
وصيحة والحموله عاد يبونها من الله
بعدين ام البنت قالت لهم لاتخترعون البنت بنتنا وهي تشبه امها بس قبل عمليات التجميل

يعني غيرتي شكلج
وين بتروحين
وبعدين في شي اخواتي هذي العمليات ما تعتبر تغيير في خلق الله؟؟؟؟؟؟؟؟؟؟؟؟


ممكن جواب !!!!!!!!!!!11

 

[سنبلة]

هذا لان مافي ثقه بنفسهم

 

[هام السحب]

الله جميل يحب الجمال والناس تحب الزين في كل شي حتي في الكماليات مع الجوده وبعدين البنت لها سبع وجيه تكون في صغرها موجميله وكل ماتوصل لمراحل عمريه تحلو سنه عن سنه يعني ماله داعي التفضح هذي مسويه تجميل وهذي لا دعو الخلق للخالق الله يتكفل فيهم اما عن تغير خلقالله قادر انه ينتقم من عبده العاصي والله بعد رحمته واسعه لاتكونون قاسين باحكامكم اخوانكم نفسهم بقولون مواصفات معينه ويبون جميلات

 

[om deaj]

هذا لان مافي ثقه بنفسهم

انا اشوف هالكلمة صح وماتسوى عليها بنتها راح تتعقد بس امبيه قوية اول مرة اسمع هالقصة

 

[[]نهاوند[]]

والله يابنت الدلال كلامج صحيح 100%

الرسول عليه الصلاة والسلام قال عن النساء ناقصات عقل ودين فلا تستغربين من اللي قاعد يصير واللي نشوفه

وبناتنا للأسف بدل ما يقتدون بأمهات المؤمنين والصحابيات الجليلات

صارو يقتدون بهيفا وهبي واليسا ونانسي عجرم !!!!!!!!!!!!!!!!!!!!!!!!!!!!!!!!!!!!!!!!!!!!!!

والحين الناس ماعادت تحلل ولا تحرم الكل يعرف حكم عمليات التجميل لكن نشوف الناس اتسابق عليها مسابق واذا حبيت تنصحين وحده نصيحه اخويه وقلتي لي لها مايجوز وحرام كلتج بلسانها

والله بعض البنات يثيرون الشفقه خصوصا لما تكون مو حلوه وغصب تبي تصير حلوه هذي خلقة الله لها ليش ما ترضي فيها وتقنع بحالها ليش تهول بنفسها جذيه عشان شنو

عشان الزواج يعني ؟؟؟؟

الزواج قسمه ونصيب ولو جذيه تفكيرها انها اذا صارت حلوه على طول بتتزوج جان محد تزوج اصلا

ياكثر البنات الجميلات اللي معديه اعمارهم الثلاثين بسنين وللحين ماتزوجو والعكس صحيح ياكثر البنات اللي مافيهم ذره من الجمال ومتزوجين ومعيلين وماشين بحياتهم

كل شي بالدنيا نصيب ومحد ياخذ غيره نصيبه اللي رب العالمين كاتبه له لكن من يسمع

الله يهدي الجميع​

 

[بنت الدلال]

هذا كله بفضل التي في والاعلام
اهوا الي خلاا المثل الاعلى للشباب جمال الشكل والجسم
شوفي شنو يجذب الشباب؟
المسلسلات والافلام صح؟
منو يمثل فيها وشنوو يسووون
هذيل الي للاسف يمثلوون القدوة لمعظم شبابنا
وهذا باعتقادي من اقوى الاسباب الي خلت الشكل والمظهر اهم شيئ

منوره :


برايي هذا تخلف .. دايما اتحسر على بعض العقول مساكين .. تسلم ايدج

 

[مسك الغلا]

كلاامج عيين العقل

واهم شي الجووهر الداخلي

 

[فاطمة82]

اهو صحيح الاخلاق اهم شي
بس النظره الاولى للشكل
الاخلاق تبي انج تعرفين الانسان
بس الجمال الكل يحب الجمال
غير انه الشخص لمن يجمل والا يعتني فهو لنفسه
يعني انا احب اكون حلوه وارضى عن نفسي اقوم احط خطه كحل شسوي ماعندي رموش تكحل عيني
مو لازم الناس تقول حلوه
المهم انا راضيه ومستانسه من اللي اسويه
بس هم انا ما اقوم اغامر بنفسي واشقق عمري واسوي عمليات وحالتي حاله لا
اللي متوفر لي اقدر اسوه اسويه من كريمات من تمرينات من اكل بالنهايه انا احب اشوف نفسي حلوه مالي شغل بنظره الناس
اما اللي بس همهم الناس وشيقولون عنهم وفشله ولا عيب يشوفوني من هالكلام هذول مرضى والمرض النفسي كثر بهالقرن 21
هذا رايي

 

[نسايم عبير]

شي طبيعي المره تحب تبين حلوه وخاصتا بالمناسبات00بس سالفت العمليات هذي اللي اوافقج فيها
يعني مو هالدرجه اعرض نفسي للخطر
مع ان في بعض العمليات زينه وتفيد المره عشان تظل بنظر زوجها حلوه وشباب
مثل البوتوكس00تتفخ شوي من شفايفها او خدودها بس بشكل معقول
تشفط دهون اذا المتن زايد عندها
ام اذا ما تحتاج وبس تقليد ما عندهم سالفه
ِ

 

[.. مـــلاكـ ..]

قلة ثقة بالنفس
انا برايي ماكو بنت جيكرة
بس لو تعرف تبرز جمالها صح
وايد بنات يهولون بروحهم
جنهم .... مو اوادم
الحمدلله و الشكررررررر

 

[sereen]

خوووش موضوع , انا باعتقادى هالبنات متاثرين بالبرامج مالت سوان وغيرا ويشوفون هالاممثلات ويزيد فيهم التحسر يعنى الاعلام غسل مخهم بكلووووووووور عيل بنت عمرها 20 سنه اتسوى نفخ وتفخ ورفع @@@@@@@@@ , اشصاير بالله
وبعد ازيدج من الشعر بيت الحين الهبه اليديدة فى امريكا ابرة اتوقف العمر وترجع الواحد شباب اتضح شارون استون الممثله وغيرها ماخذيها بس اهى مميته لان ماتخلى الجسم ياخذ التسلسل الطبيعى , بس شوفى يدرون الاعراض بس قولتج ابى اصير حلوة بعيون الناس مومهم امرض او حتى اموت
شالتفكير اللى وصلت له المراءة سواء كويتيه او اجنبيه هذا حدود تفكير المراءة تبى جارى الموضه لو على حساب صحتها بس يدل على سطحية تفكير المراءة واشلون ان المنافسه عنصر فى دمها مثل الدم

يالله لك الحمد

 

[رهوف]

الاهتمام بالنفس حلو وهذي فطره بالمره من ايام كيليوبترا للحين بس طبعا انا ضد الهوس والمبالغة وصراحة هالايام قمنا نشوف اشكال غريبة عجيبة باسم الجمال

 

[blue diamond]

صح كلمج حبوبه
وفوق هذا اللي تسوي عمليات التجميل في ويهها من تفخ ونفخ وشد والذي منه اشلون بتقابل ربها يوم القمامه ؟؟
سبحان الله ما في أحلى من الجمال الرباني
وفوق هذا ترا الجوهر وايد احسن من المظهر
اوكي خل نفرض اني عرفت وحده حلوة او تزوجت واحد حلو استانسنت يوم ويومين وثلاث انزين وبعدين لي متىهالحاله . انا ابيهم عزوة ولا ابيهم لعبه استانس فيها واتمقل فيها اذا اكتأبت @@
تفكير جدا سطحي وهذا الغالب للأسف

 

[جےـود الحےـزن]

كل هذا بسبب هالتطور ومثل ما هو معروف عن العرب ما يأخذون الا الشي الشين من التطور ولا التقدم العلمي واللي يفيد الديرة ما يعرفون طريجه ومثل ما قلتم خواتي المسألة مسألة ثقة بالنفس