شاكه ان شغالتي عندها جوال وتكلم رجال

[ام تحب عيالها]

السلام عليكم خواتي

شخباركم خواتي

ابيكم تساعدوني


شاكه ان الخدامه عندها جوال ومخبيته ومتاكده انها تكلم رجال واخاف توصف لهم بناتي


ابيكم تعلموني طريقه اشلون اكتشف الجوال


انا خايفه على بناتي من ها الرجال الي تعرفهم اخاف تدخل احد وانا بالشغل وبناتي نايمين


وانا محتاجده لها وزوجي قالي لاسفرتها مراح اجيبلك


ولا سفرتها يمكن تجيني وحده نفس الشي


وخاصة ان شغالتي هاذي شغلها رررررررررررررروعه وماترفع صوتها ابددددددددد



شسوي عشان اخذ الجوال منها وهي تبي الشغل عندنا وتقول مدام خليني عندكم لا تسفريني


انا خايفه منها لانها جابت جوال وهي ماتطلع وجابته بدون علمي وهي تدري اني طيبه معها وما ارفض لها طلب والي خلاها تسوي كذا هم الي مخوفني حسيت انها غامضه


ايش تقترحون علي الله يوفقكم

 

[لليانه]

صارحيها مافيها شي بس كلميها باسلوب وانشاء الله تعترف

 

[شيخة الزين كله]

مممم متى ماحستي انها قاعده تتكلم فيه دخلي عليها واخذيه منها !!

بصراحه مااكو مقارنه بين خوفج على بناتج وخوفج انها تروح وشغلها روعه

اهم ما عليج بناتج !! .. وشنو يعني شغلها روعه حتى لو تقعدين بفتره بدون خدامه

ولا تقعدين اسم الله عليج طول العمر تتحسرين على غلطه ممكن تسويها هالخدامه

 

[Judy abbott]

عــآدي سويلها تفتيش ؟

 

[أم حوور]

صارحيها

واخذيها بالحيله وخليها تطمن لج

او حطي لها كاميرا تصوير وتأكدي من شكج لها
اذا كان عندها خط ليش هيي خايفه خليها تصارحج احسن

 

[afesa]

كلميها بهدوء وقوليلها عادي استعملي الموبايل بس لا تسويلنا سوالف رياييل وخرابيط...وهدديها اذا كلمت ريال راح تودينها المكتب وهم حطي عينك عليها وراقبيها هذول مالهم امان

 

[@شمس الضحى@]

ليش خايفه منها
دشي دارها وقلبيها فوق راسها وخل تطلعه غصبن عنها
شلون جابت تليفون وانتي ماتدرين نايمه بالعسل
انا لومنج اكسر راسها شكلها موحاسبه فيج مع احترامي بس احتريت​

 

[توت عنكبوت]

توها جارت اختي صايدة عند خدامتها الاندونيسية نقال وكل ارقام مصريين وهنود ولما هاوشتها قالت انتي تحسبيني اغني بالمطبخ انا اكلم ما اغني حاطة السماعه تحت الحجاب وتكلم


وأنا صدت خدامتي ولقيتي بلاوي واقسم لج بالله انها مدخلة سايق جيرنا بيتي كذا مرة علمتني خدامة خالتي وقلعتها تسفير .لأنها مخلصة سنتين ونص عندي وتبي تقعد مو حب فيني لالالالالالالالالالالالالالالالالالا الصبح تشبع رغباتها وانا بالدوام

 

[om deaj]

حطي كاميرا

 

[wzw]

سفريها قبل لاتجيب لكم مصيبه لاقدر الله

وزوجك بجييب لك غيرها لان الزم ماعليه بناته اكيد وبيته

 

[أمانيQ8]

واللي يعافيج منو من الخدم ماعندها موبايل ...انا اقول لامي والله خدامتي يحليها فقيره ولا تحب التيلفونات والسوالف هذي وسألتها تبين موبايل عشان تراسلين مع اهلج مو خبركم المكاتيب انقرضت محد يستخدمها الحين قالت لا ...لا ما ابي خساير ما احتاج ....وفي يوم من الأيام اكتشف ان عندها بدل الموبايل 2 واحد وطنيه والثاني اتصالات!! بالله شتقولين والله اني مت من القهر بس مابغيت المشاكل وانا فيني ظغط اتعب انا واتأثر واهي مثل الصنم مايهزها شي

 

[منارة الإيمان]

حبيبتى دام لحد ألحين ما ضرتكم .. ومجرد شكوك .. وما شفتي عليها شئ .. وتقولين زييينة ما شاء الله عليها .. غضي النظر حبيبتى .. ترى الخدم كلهم زففففففففت وما فيهم وحدة أوكي ألا ما رحم ربي .. وبصعووووبة تحصلين خدامة زينة ألحبن .. مشي الأمور .. والله يكفيج شرها ..

 

[مملوحة_الوصايف]

حبيبتى دام لحد ألحين ما ضرتكم .. ومجرد شكوك .. وما شفتي عليها شئ .. وتقولين زييينة ما شاء الله عليها .. غضي النظر حبيبتى .. ترى الخدم كلهم زففففففففت وما فيهم وحدة أوكي ألا ما رحم ربي .. وبصعووووبة تحصلين خدامة زينة ألحبن .. مشي الأمور .. والله يكفيج شرها ..

نفس الي كنت بقوله منو ماعندها تلفون الحين بس انتي ديري بالج من سالفة ادخل احد يعدين ماعتقد توصل فيها توصف بناتج ليش اهو يكلمها ولا يكلم بناتج حبيبتي ماله شغل خوفج مو بمحله من هالناحيه بعدين هذا كله شك انتي مو متأكده

 

[سكارلت]

خليها على راحتها كلهم جذيه هالعيارات ههههههههههههههههههه

 

[الفهدة]

واجهيها طبعا" واخذي الاجابة منها منين جابت النقال

 

[مس*فلحه*]

منو خدامه هالايام ماعندها موبايل؟
يمعوده هالايام ازمة خدم بدام شغلها زبن وماشيه بسبيلها خلاص..
وبيني وبينج الحاجه لج انتي اذا ذلفتيها منو بيسوي شغل البيت؟ وانتي دوام وعيال؟؟ ولج خلق تعلمينها على نظامج؟؟
بصراحه أهلهم ما غربوهم من ديره لي ديره الا عارفينهم. وبعدين ما تدرين الروح تبي الارواح يمكن تكلم اهلها وخدم اهلج او الجيران ما يصير تحرمينها بس اذا حسيتي انها بدت تلعب عطيها العين الحمرا.
وهم حاولي ما ترخين الحبل عليها

 

[noorq8]

طلعوا واخذوها معاكم بيت أهلج او اي مكان تالي ردّي البيت وفتشيه فووق تحت وان لقيتيه شيليه بدون ماتقولين لها اصلا ماراح تقول وينه لانها مدخلته بالسر.

 

[$ صمت الشفايف $]

لا يا حبيبتي اهم ما عندج بناتج والخادم بداله الف خادم ولا تسالينها ولا تسوين لها تفتيش اذا سالتيها بتكذب عليج لان الخدم اكبر جذابين

واذا سويتي لها تفتيش اخاف تتغثث لج
الا حطي كاميرا ودار درى ودار ما درى والكاميرات الحين متوفرات بكثره وبكبر الكبريت وباسعار بلاااااااااش

حطيها بغرفتها ووحده بالمطبخ وبالاماكن اللي تتواجد فيها وتحسين انها تنخش فيها وبجذي تصيدينها
ونصيحتي اذا صدتيها افتكي منها وانا اختج سجليلج بوحده واحجزي لها وسفريها بسكات ولا تقولين لها انج بتسفرينها الا قبل موعد الطياره بثلاث ساعات فيهن تلم هدونها وانتي واقفه على راسها وتتبدل وتنقلع بستين داهيه وعسى الله يستر عليج وعلى بناتج ويحفظكم

 

[مملوحة_الوصايف]

قعديها بالغرفه هذي الي ظلمه او ليت فوق راسها وسوي معاها تحقيق لووووووووووووووووووووووووول لا اتغشمر
ماقلتيلنا شصار معاج.؟

 

[ام تحب عيالها]

اشكركم من كل قلبي خواتي ربي لا يحرمني منكم انا جديده بينكم ولكن اهتمتيتوا فيني وريحتوني بردودكم


خواتي ماسويت شي للحين استخرت وهذاني متردده لان زوجي قالي تحمليها انا ماعندي رواتبها احين عشان تسفرينها الميزانيه طايحه


انا خايفه اواجهها وادري انها حاطته في (( الكيلوت )) تحت لان شغالة امي قالتلي عنها ان عندها جوال وتحطه تحت

يعني شلون افتشها تحت صعب
:eh_s(14):

متى جابته تصدقون تقولي انا مااحب الرجال وانا مااحب التلفونات وكل شهر اجيب لها بطاقه للثابت تكلم اهلها في اندونيسيا ولو تبي تكلمهم عادي مراح امنعها حتى لو كل يوم بس هي ليش سوت كذا هذا الي مخوفني منها