شاركينا قصص عن زواج ناجح بين معاقين وأصحاء

[طموح دائم]

السلام علي أحلي بنات وحريم بالدنيا:eh_s(7):
مثل ما انت عارفين ان احنا بالكويت الحمدالله أصبح المعاق شخص عادي بالنسبه لنا ما صرنا ننظر له بنظره مختلفه بالعكس انا اصبحت اكثر اهتمام فيه مو من ناحيه الاستعطاف نفس أول لأ نظره اهتمام واعجاب عندي رغبه في اني ابحث عن ابداعاته واعزز من دوره في الحياه صادفت جم وحده معانا بالكليه وحبييييييييييييتهم وايد ودمهم عسل وبالعكس لما اشوفهم احس نفسي انا الضعييفه مو اهم سبحان الله عندهم قدره عجيبه وشغلاااااااااات وايد
المهم ابي اعرف منكم هل صادفتم ناس معاقين متزوجين اصحاء سوا ء الزوج او الزوجه وهل حياتهم طبيعيه واستطاعوا يتغلبون علي المصاعب اللى واجهتهم

 

[أم توتو]

اكبر مثال عندج الداعيه المعروف عبد الله بانعمه الله رزقه بزوجه صاحيه طبيعيه الله يوفقهم

 

[أم توتو]

وفي غيرهم واااااايد الله مايضيع احد سبحان الله الله ياخذ ويعطي

 

[G!RLooNa]

ماعرف والله بس حلوو الموضوع

 

[طموح دائم]

مشكورين البنات اللي ردوا ونبي بعد تجارب حلوه وناجحه

 

[عاشقة الاسلام]

صراحه انا راح اقولك قصتي وكلي فخر
أنا بصراحه تزوجت انسلن معاق انسان مصاب بشلل نصفي انسان مقعد لا يستطيع السير
ولكن بكل صراحه انسان رائع بمعني الكلمه وحياتي معه حياة طبيعيه
حبيبتي بنسبه لي كنت بلبدايه كنت متخوفه شلون اتزوج معاق لكن توكلت علي الله وتزوجته لقيت حياتي معه رائعه بمعني الكلمه بجميع اموري الحيأتيه
صدقيني حياة زوجة المعاق اروع من حياة الزوجه العاديه
واؤيد كل وحده تفكر تتزوج معاق
وصدقيني زوجي المعاق يمارس حياته مثل الزوج الطبيعي في جميع اموره الزوجيه
والله علي ما أقول شهيد

 

[عويتقة]

عادي حبيبتي الانسان المعاق هو انسان ابتلاه رب العالمين لانه يحبه ونحن اصغر و اتفه من نتجاهل وجوده او نستعطفة وهو انسان في الاغلب يكون حساس ومرهف القلب واعرف كتير بنات متزوجين معاق وعايشين عيشة رائعة لانه في الاغلب بيكون انسان مخلص

 

[طموح دائم]

عاشقه الاسلام ربي يوفقك ويتمم عليك السعاده:eh_s(7):
وعويتقه مشكوره ع المشاركه وانا اؤيد كلامك ايضا وهذا سبب طرحي للموضوع بأن المعاق هو شخص كامل وليس لديه المشكله في الزواج من اصحاء سواء الاعاقه في الزوجه او الزوج عشان جذيه نبي تجارب تثري حياتنا وتكون دافع وسبب في زياده ثقتنا فيهم

 

[عمرها السعودية]

الموضوع بحد ذاتة روعة .. الله يسعد الاخت اللي تزوجت بمعاق ويديم عليهم السعادة ان شاء الله


انا اعرف وحدة تزوجت بواحد مايسمع ومايتكلم وعيالها الحمدلله جاوو نفس امهم يتكلمون ويسمعون


لان مابينهم قرابة والحمدلله حنون عليها ومو مقصر معها بشي .. جزاك الله خير صاحبة الموضوع

 

[عاشقة الاسلام]

انا راح اتكلم عن الاجانب ونظرتهم لذوي الاحتياجات الخاصة عندهم وفاء عجيب

مثل عندنا وحد متزوجة وصار لزوجها حادث وصار عنده اعاقة تلقين الحريم يقعدون فوق راسها شتبين فيه خليه بعدج شباب شوفي غيره باجر تبتلشين برعايته مع ان المرأه واجبها العنايه بزوجها وعيالها.

عند الاجانب اذا زوجها صار فيه شي او حتى شيب وكبر تلقينها واقفه على راسه تعتني فيه ويحتقرون اللي تترك زوجها او خطيبها لانه صار له حادث يحتقرونها لدرجه تلقينها تهاجر من المنطقه وحتى الولاية اللي فيها تتركها وتلقين الكل محتقرها حتى صديقاتها يشهرون فيها,
بالغرب اللي متزوجه واحد على كرسي يحسدونها قسم بالله كأنها متزوجه واحد مشهور او مسؤول مهم تلقين كل شي مفتوح قدامهم والاولويه لهم بكل شي والاجانب هم ياخذونها من باب يحبون الناس تشوفهم تحب الناس يشوفونها وهي تمشي مع مقعد على كرسي نفسيتها ترتاح تحس انها مشهوره وكل الناس يطالعونها.

اما تجربتي فهي اني ابحث عن رجل صالح يستر عليه واستر عليه ونكون لبعض على الحلوه والمره ,

انا بسراح لما تقدملي زوجي استخرة وطلب من الله عز وجل ان كان خير لي ان يتمم الامر هذا
لاكن المشكله مو عارف شلون اعيش معاه حياة الازواج وشلون شاون واسئله كثيره براسي
لاكن زوجي كلم اخته توصلي رساله شفويه وهي عباره عن مثل وعجبني المثل واقنعني فيه
قالها اسئليها شرايها بسلق الجبال قلت حلو قال لو يحصلك فرصه ونتي تحت جبل واعطوج
عندة تسلق الجبال وقالولج تفضلي اصعدي الجبل تسلقيه قلت راح اتسلق الجبل قالي بس
في صعوبه وخطر كبير عليج قلت ادري قالي مع كل الخطوره مستعده تغامرين بجياتج قلة
نعم مستعدا قالي اذا صعتي وبنصف المسافه تعبتي ومافي مجال للراحه شنو تسوين قلة
ارجع مكاني وانزل وحاول بعدين اذا حصلتلي فرصه قالي اذا الجبال الضخمه مستعده
تخوضي تجربة تسلقها مع وجود صعوبه وخطر على حياتج وتعب ومجهود كبير اكيد
تقدرين تخوضي الزواج من مقعد ومافي خطر على حياتج واذا مفكره ان في تعب في
رعايته وماتحميلنه ارجعي من الاول امساك بعروف او تسريح بأحسان.
قالي مستعدة تعاملين مع جبل وحجارة وتضحين للوصول للقمه وما تقدرين تعاملين
مع انسان بشر .
بسراحه وقع كلامه بقلبي بس قلت لها عندي اسئله كثير قالة ادري بالاسئله لاكن بعد
الخطوبه والملجه راح يكلمج واهو عارف اللي يدور براس الزوجه وراج يجاوبج والامور محلوله
توكلة على الله وافقة
بعد ماقلتلكم انه سبق لي التجربه من واحد صاحي بس نكد بسراحه قلت الصاحي نكد شلون المقعد
لاكن استخرة واقتنعة بحوض التجربه مع مقعد والحمد لله تم الامر هذا وكل اللي براسي طال من
كثر السعاده اللي فيها انا بلاعكس ارتحت راحه معاه وصار اللي يقربون لي يحبون انهم يعرفون شلون
عايش حياتي لاكن ما افصح لهم عن شي وصرة مهمه عندهم والكل يبي اخباري ويبونو بس ازورهم
حتى زوجي الله يخليه لي اهو معنويته عاليه وشخصية قويه بالمحيطين فيه ويحترمونه ومحد يفرض
عليه شي واهو قايم بنفسه ومايحتاج منى مساعده وصرة لما اطلع معاه البيبان مبطله ويدش لانه له الاولويه
تصدقين لمن رحت معاه المطار ما وقفنى اخذنى ربع ساعه لما وصلنا الطيارة والعالم واقفه طوابير واحنى
على طول دخلنا وتعدينه الطوابير من باب المطار ليما الطيارة ماوقفنى معاهم ولا صفينه بالطابور
والدير الحمد لله موفره لهم كل شي اول بأول وهذا بعد صدور القانون الجديد معاش الخدامه والسايق وحتى الزوجه اذا مو موظفة
يعطونها معاش وعايشين بسعاده وهدوء
وكثير من اصدقاء زوجي اللي عندهم اعاقاة يسئلونه شلون يعيشون حياتهم وهو يعلمهم الطريقة الصحيحه لكي يعيشون حياتهم

انا انصحكم بتطبيق نظرية تسلق الجبار وانهم يتزوجون معاق والحياة تجارب
تسمعون كثير اذا واحد اوحده ما تزوجو يسئلونهم ليش ما تجرب تزوج معروف ان الزواج
تجربه وتبين نتايجها باول سنة هذا اذا ماحصل مضاعفاة للتجربة وكثير من المقعدين عندهم كفاح مع الحياة ونظرب فيهم المثل وهم قدوه لكثير من الشباب والشابات وخاصه العصاميين اللي يحبون انهم يعتمدون على نفسهم وأهم اللي يكونون حياتهم ومستقبلهم انصحكم بالتجربه والله يوفق الجميع

اقدم لكم احد المكافحين ويضرب فيه المثل وافضل شخصيه عصاميه بالعالم
http://www.youtube.com/watch?v=psy2xyuavQ0

 

[عاشقة الاسلام]

تجارب زواج معاقين ناجحه

http://www.mo3aq-news.com/article/2683/%D9%82%D8%B5%D8%B5-%D9%86%D8%A7%D8%AC%D8%AD%D8%A9-%D9%84%D8%B2%D9%88%D8%A7%D8%AC-%D8%A7%D9%84%D9%85%D8%B9%D8%A7%D9%82%D9%8A%D9%86-%3A-%D8%A8%D8%B1%D8%BA%D9%85-%D8%A7%D9%84%D8%A5%D8%B9%D8%A7%D9%82%D8%A9..-%D8%A7%D8%AA%D8%AC%D9%88%D8%B2-%D9%88%D8%A7%D9%86%D8%AA-%D9%85%D8%B7%D9%85%D8%A6%D9%86.html

 

[طموح دائم]

عاشقه الاسلام كل الشكر لك :hjy5jewf:
واستمتعت جدا بالروابط اللي حطيتيها والتجربه اللي بمصر اسعدتني جدا الحمدالله صار وعي عند جميع العرب عن ذوي الاحتياجات الخاصه وربي يوفقك وصراحه تجربتك رائعه بس ودي انتعرف علي تجربه انسانه من ذوي الاحتياجات الخاصه وارتبطت بشخص وشلون تجربتهم وياريت البنات يذكرو لنا تجارب:eh_s(17):

 

[نونه العنونه_H]

انا ما عرف احد بس خالي معاق ولي الحين ما تزوج
عمره 30
ومره قريت قصه بنيه حبت واحد معاق وشرحت شلون ابوها
ما كان راضي واهي من اسره معروفه
وظلت مع الولد لين ابوها رضى وتقول ان بدال ما انا اشجعه واساعده واقويه
اشوف بكل المواقف العكس جنه انا المعاقه..
وايد اثرت فيني القصه حتى دمعت عيوني وكنت بالدوام ومديرتي الاااا لااااا تبي تدري
شصاير هههههههه ما انسى هاليوم:eh_s(7):

 

[اللعبه]

ما فيها شئ بس انا مو مع الاخت اللي تقول الوحده اذا صار حق ريلها اعاقه اتخليه لا بالعكس الكويتيه معروف عنها الوفاء والاخلاص وتوقف مع الريل وتصبر عليه ومعروف عن الكويتيه انها صبوره

 

[عاشقة الاسلام]

أختي المحترمه اللعبه
أانا لا اقصد كل النساء بل بعضهم
ولكي كل الاحترام وتقدير

 

[طموح دائم]

للرفع
عشان نسمع ونشوف قصص حلوه من البنات

 

[دلوعة أبوهآ]

موضوع حلو ...
والله يهني كل وحده مع زوجها سواء كان شخص معاق أو سليم ..

 

[خانها الحظ]

’،





الله يستر علينا بستره ي رب














’،

 

[سوزي الشرقية]

اوقات يكون الانسان االمعاق افضل من الانسان الصاحي وملتزم دينيا اكثرمن غيرهـ
والاعاقة مهماكانت موسببببب مقنهع يعين
بالاختصارعمي متزوجة وحده ماتتكلم وعادي ماشي حالهم

 

[المهاجره اليك]

انا بصصراححه معاقه وخخايفه اني مااتزوج بسس علشاني مععاقههه ..