شاركينا بخبرتج : اذا رحتي زوارات او يمعة .. شنو نوع مكياجج الي تحطينه ؟؟

[DeeMa-]

السلام عليكم ورحمة الله وبركاته ..

شخباركم عساكم بخير ..

كل وحده تفيد الثانيه بخبرتها .. اذا رحتي زوارة او يمعة اخوانج .. خواتج !

شنو نوع المكياج الي تحطينه .. اكيد كل وحده فيكم تتوهق ماتعرف شنو نوع المكياج الي بتروح في هالمكان

واكيد بعد في منكم تعرف ومزهبه ان هالمكان حق هالمكياج ..


انا من النوع الاول ماعرف شحط اذا رحت زوارات .. مكياجي مال السوق اهوا مال الزوارة اهوا مال البيت اهوا مال العيد

للعلم ان المكياج اللي احطه كريم حمايه مااستغني عنه احطه حق الصبح وبليل لووول .. و كحل داخلي بس نص العين .. وقلووس وبلشر من الحمرة واوزعه بايدي لووووووووووول شخبااااري بس والله هالطريقه تبين خدودي مدورة وحلوة

ادري لاعت جبدكم من المكياج بكبره من طريقتي لووووووووووووووول

وانتاااو فيدووناا

فدييييييييتكم انا اممممممممممممواح

 

[ربي يفرج لي]

رد : شاركينا بخبرتج : اذا رحتي زوارات او يمعة .. شنو نوع مكياجج الي تحطينه ؟؟

الصراحة انا اتوهق بالدراريع اما المكياج لا مرة اكثر المكياج ومرة لآ على حسب بس افضل اني ما أقط الشيلة اخليها علي واللبس دراعه لانه اني عندهم نفس الببيت مو كل يوم بسوي شعري استشوار ولا شعري لما اسويه مشالله جنه صالون ولما اجي عند العرب يالازق على وجهي يامنتفش معنه شعري موخشن بالعكس زين مادري شفيه

 

[Mrs_Orchidia]

ما يسوى اتوهق .. لوكاتي دايمًا لعب بالوان الشدو .. ما استعمل اصابعي اللا نادرًا
دايمًا استخدم الفرش .. ما احط مكياج اسود كلللللش يدوب نتفة كحل او ماسكارا سودة



و طبعًا هذا كله يعتمد عالمناسبة .. اذا تسيورة عادية مكياجي يصير خفيف .. اذا شي سبيشل اثقل شوي


و اذا كانت اليمعة بالليل أحط عالمزاج .. ساعات افنتق و ساعات احط شي خفييييف مع حمرة لون قوي

 

[نواره البطه]

على حسب المناسبه مثلا اذا زايره بيت خالاتي ويدي فل ميكب بس
الوااان خفيفه
والا اذا بيت رفيجاتي نفس الشي
اما اذا بارتي وزوارات اهلنا احط فل ميكب بس اشوي اثقل

 

[ريموه]

في بيت جدتي .احط فل ميك اب بس نيوووووود وخفيف حيييل واكثر ماسكرا ديور وغالبا هذا مكياج الجامعه..

والمناسبات اكييد كل مناسبه لها اللي يناسبها ..

 

[حبـ admant ـك]

والله على حسب المزاج ههههههه
اذا لي بارض اتفنن والمزاج كلش يادوب كحل وقلوس

 

[الأميرة نوونه]

والله على حسب اذا زوارة عادية مكياج خفيف لون رمادي او بني وكل دار مودور العين ومسكره والعب بالحمرة
اما مناسبات اثقل المكياج ادمج الالوان مع بعض
ولكن الحين استمتع بالمكياج الخفيف احلى

 

[*-*Lo0o0Raaa*-*]

انا على حسب

يعني احب الشدو واوزعه عادي سموكي

وغرامـــــــــــي الماسكرا

اموت عليها

وكحل اسود داخل عيني هذا ما استغني عنه مع اني جربت كحلي وتركواز واخضر

بس احلى شي الاسود على عيني

ومن تحت اخط بتكواز او اخضر يطلع وايد حلوو

بصراحه كحووله ملونه ما كنت احط بس رفيجتي بالدوام كانت تحطه وايد حلو عليها وتشجعت

وطبعا يختلف على حسب المناسبه

ومرات ما احط شي يعني على حسب المزاج

بس مثلا الايرلاينر والعدسات ما احطه الا بالمناسبات عيد مثلا او استقبال

وكل وحده تشووف شنو يلبق عليها

 

[N F N F]

امممم ... مكياج الدوام ناااعم واخف شي .. واقي من الشمس .. مسكارا .. بلاشر ناعم

بس اغير الحمر مرات قلوس خفيف مرات حمره فاقعه

للزوارات والطلعات غالبا اخلط كريم الاساس مع المرطب علشان يخف شوي .. وكونسيلر

شدو هادي مسكارا وان حطيت كحل ناعم .. بس اهم شي عندي الهايلايتر والاضاءة احب

الويه يصير منور ..


بالسوق والاماكن العامه ماحط مكياج ابد .. وبس ​

​

 

[poom poom]

قبل كنت احط ميك اب اوفر بكل الاوقات
والحين تسنعت على طول ناعم واذا في مناسبه
شدو ناعم مع مسكره وايد بس حمره فاقعه
الحين انا هابه بالبنفسجي >>علقت لووول

 

[najla86]

والله على حسب وقتي انا على طول احب الكشخه والمكياج

انا على طول فل ميك اب بس على حسب احط اي لاينر ولا لا بس هذا اللي يفرق

وغير جذي الوان البلش والحمره والشدو نيود اذا دوام او زواره خفيفه لخالاتي او خواتي او بيت جدي لكن اذا عشا او زوارة والكل كاشخ لا والله سموووووووكي واي لاينر احب الاسود يحليني

وبس بس انا اهم شي عندي الفاونديشن عشان اللون والتاتو والمسكره عشان ملامحي

ثااااااااانكس عالموضوع

 

[سلفيانا]

رد : شاركينا بخبرتج : اذا رحتي زوارات او يمعة .. شنو نوع مكياجج الي تحطينه ؟؟

للدوام اممم اكتفي بكريم اولاي عليه كومبكت بودر اوزعها بريشه ومسكره وشدوو لون طبيعي بلشر افتح درجات الوردي احياناا برونز وروج مات واحيانا قلوس ويصير بيرفكت :>

للمناسباات مرررررررره اهتم للاساسات يعني يكون اساس نضيف ومايل اكثر للطبيعي امم ما احب احط الوان شدوو اعتمد غالبا فكررة no makeup اشياء خفيفه تبرز الملامح ووبس =)

 

[r1ksa]

المكياج اليومي اللي احطه للزوارات الخفيفه و الدوام :
1- بيس ملون فوقه بودرة وجه شفافه لان بشرتي دهنيه ابي شي ينشفها
2- ارسم حواجبي تاتو بني و اخليهم عريضين شوي
3- شادو ابيض مطفي تحت الحاجب و الزاويه الداخليه للعين و احط يا اما شادو برونزي من ماك اسمه ملتش او احط لون مشمشي و بني فاتح من نارس او شادو زيتي فاتح يجي لوز وحلوووووووو و فيه لمعه من ميكب فور ايفر
4- كحل داخل العين اسود للجفنين العلوي والسفلي و طبقة ماسكارا مفالا او لانكوم <<< هالماركتين ما يطيحون الرموش ماشاء الله
5- بلاشر مشمشي من نارس و نسيت اسمه بس مو اورغازم
6- يا اما روج احمر من لانكستر رقم 350 والحين مقطوع بس يخقق او روج فيغاس فولت او امباشن و اثنينهم من ماك


اذا بثقل مكياجي لطلعه اكبر احط شادو سموكي اسود او ممكن ازيد معه بني او بنفسجي او رمادي حسب لون شعري و بشرتي بهالفتره
والروج دائما مع السموكي افضله من وسط الى فاتح عشان ما اخرع عمري



و ما انسى العدسات البلاتينيه او العسليه او الفستقيه

 

[DeeMa-]

ونااااااااسه والله مشالله عليكم تعرفوون تحطوون مكيااج .. وانا مو حلو علي المكياج الي شدوو واي لاينر وكحل الوان ومادري شنوو

مثل ماقتلكم فوق .. وتسلموون حباايبي عالمرور

منووووؤرين الموضووع

^__^

 

[الدلـــع كله]

بصراحه احط مكياج ناعم
مثل جذي

 

[foshia girl]

بالزوارااات مااحط اساس بس مرطب وكونسلر وكومباكت باودر واعتمد اكثر شي على الكحل داخل عيوني اكثف المسكرااا وبلشر مشمي وغلوووووس ,,

اما بالطلعات احط اساس وكونسلر وكومباكت واحط شدوووو واضاءه وبلشر واتفنن بالحمر والغلوووساااات ,,

ويعطيج الف عااافيه

 

[" غـادهـ "]

رد : شاركينا بخبرتج : اذا رحتي زوارات او يمعة .. شنو نوع مكياجج الي تحطينه ؟؟

آنا بالزوارات والطلعات أحب ستايل النو ميك آب ..

يعني أحط بس جني مو حاطه وربي أحلـى ودوووووم متميزه بطلتي .!

<< أهم شي بهالستايل تكون بشرتج تووووووب وخاليه من العيوب .!

يعني مرطب وكونسيلر وعدسات إلي ما استغنى عنهم البراون من تراي كلر وشدو نايلون تحت الحاجب ..

وخطة إي لاينر على حد الرمش روووووووعه هالطريقه تكثف الرموش وتحلي العين وساعات أسوي إي كات بس ضعييييفه مو العريضه .!

وماسكرا كثيفه وهالأيام هابه بماسكرا سان لوران الجويتيه وكحل داخل العين بيج من بوبا كلش ما استخدم أسود والقوامج ..

لأن عيني ما شاءالله كبيره وجنها مكحله ما أحب عليها القوامج .!

وبلشر كريمي أحلى يبان جنه طبيعي وحمرا فاتحه أو قلوس كرزي يعطي بوه حلووووه .!

بس بالاستقبالات والعروس ..

همن استايل ناعم والغالب استخدم يا إي شدو براون أو إي شدو سلفر وإي لاينر الإي كات وحمرا عنابيه .!

تقريبا هذا إستايلي كلش ما أحب الخبه البساطه ثم البساطه ثم البساطه ووووبس .!!

 

[اسواريه]

انا بصرااااحه مكياج ناااااعم بكل مكان الا السوق والجمعية ما احط مكيااااج

 

[يالبيه 17]

اكيد نــآآآعم
ويعطيج العافيه

 

[memechii]

مثلج مكياجي بكل مكان بس كحل و مسكرا و قلوس حده احلى من لما ترسين ويهج مكياج
اذرب