شاركوني .. شلون تنظمين وقتج؟؟

[^^ حنين ^^]

السلام عليكم

شلونكم بنات؟؟


ياريت كل وحدة تقولنا شلون تنظم وقتها بين الدوام او الدراسة والعيال والطلعات وابو العيال بعد ؟

بالترتيب يعني اول ما تردين من الدوام شتسوين؟ واذا عندج طلعة مثلا للسوق او عرس او مطعم بدون الجهال وهكذاااااااا......


وسلامتكم شاركوني عاد اوكي علشان نستفيد من بعض

مع السلامة

 

[^^ حنين ^^]

رد : شاركوني .. شلون تنظمين وقتج؟؟

 

[رفرف]

رد : شاركوني .. شلون تنظمين وقتج؟؟

ولا يهمج حنين انا بجاوب اول وحدة ...

الصراحة الحين ماني عارفة شلون انظم وقتي لأن عندي دوام الصبح ودورة العصر ...
يعني علشان اجابل بيتي وريلي وبنتي لازم انعزل عن الدنيا كلها ...
من الدوام لي البيت ومن البيت لي الدوام وهذا اللي صاير ...
طبعا مؤقتا لين تخلص الدورة ويصير دوامي صباحي بس ....
جدولي الحين ...
اداوم الصبح عادي ...
ارجع البيت وزوجي يكون بالدوام اقعد اجابل بنتي ... يعني كنسلت نومة الظهر في الوقت الحالي الا اذا نامت بنتي شسوي اقعد انا بعد انام لأن ريلي مايرد الا 4 ونص .....
بعدين ارد اطلع العصر 4:30 حق دورتي ...
وارجع 8 ...
زوجي يكون بره البيت ... اقعد مع بنتي ... لين تنام بال10 ونص او 11 ...
يكون ريلي رد البيت ...
اتعشى معاه واقعد شوي لي ال12 وبعدين انام حق الدوام ....
طبعا شغل الدوام ما اييبه البيت او كللللش كللللش اسويه بالويك ايند ...
شفتو شلون حالتي صعبة ؟؟؟

 

[رنين]

مشاركة: شاركوني .. شلون تنظمين وقتج؟؟

عجبني ها الموضوع واااااايد.....


ياريت الكل يشارك عشان كلنا نستفيد



بلنسبه لي حاليا ماني موظفه فوقتي كله لبيتي و عيالي و ابوهم.

بس هم ها اليومين(((مو دايما))) وقتي ملخبط و قاعده احاول انظمه لأن العيال مرضى صايرين عسرين و نومهم مش و لا بد.


يعني بالليل مافي نوم ((الوقت اللي اقدر ارتاح فيه برواااق))
احاول انام علساعة ثنتين بس الله يصلح عيالي كل شوي واحد يقوم((لأنهم مرضى نومتهم مو مريحه مساكين نشله و يختنقون))
لي الساعه ست اقوم حق تدريب السواقه من ست الى 8 أو 8 و نص...

ارجع مستااااانسه و مرتاحه(((لأني احب الطلعه وقت الفجريه))

لما ارد اكون مالي خلق نوم..عاد اقعد كل يوم حسب الحاجه..اذا اليهال قعدوا اريقهم أو اذا هم نايمين اقرأ و اسوي بعض اشغال البيت

عل11 اكون خلاااص دخت اخذ لي غفوة بين صياح أقشر و اقيشر(القاب عيالي حسب ما سمتهم أمي)

عل 12 و نص -وحده اقوم ازهب الغدا اذا ما كنت طبخته قبل لا انام.

بعدين عاد باجي اليوم على حسب الاوضاع اذا بنطلع و الا ابونا موجود و الا طالع يعني باجي اليوم مافي روتين معين.....


بس ناطره اسوق عشان اقدر انظم اوقاتي اكثر .







يا الله بنوتات كويتيات رووونا شلون تقدرون تنظمون اوقاتكم و اللي فينا مثااااليه بتنظيم الوقت لها عندي هديه واااااايد حلوة .

 

[fife4ever]

مشاركة: شاركوني .. شلون تنظمين وقتج؟؟

بس ابي اعرف عندكم خدم يساعدونكم او لا لان رفرف ما ذكرت الطبخ ونفخ


انا عندي خدامه اذا انتم تبون برنامجي اوكي بس يمكن تبون برنامج الصنعات الا ماعندهم خدم

تدرون انا جتني فتره بدون خدامه وجربت الحين الخدامه صار لي 8 اشهر بس الحياة بدون الخدامه افضل صج متعبا لا طلعه ولا زوار بس احلا وتحسين براح

 

[رنين]

مشاركة: شاركوني .. شلون تنظمين وقتج؟؟

أظن ها الموضوع للجميع مو شرط اللي ماعندهم خادم
و مسابقتي للجميع
القصد شلون الوحده فينا تنظم امورها و حياتها حسب المتاح لها سواء متزوجه مو متزوجه بخادم و الا بدون تشتغل ما تشتغل... المهم شلون تكون كفائتها عاليه و منتجه في اللي اهي عايشته.


اي و الله (خمسه للابد)>>>>صح ترجمة اسمج؟

الحياة بليا خدم تهبلللللللللللللللللل >>>>> وحده ماتواطن تفرفر الخدم عندها

انا ما عندي خادمة بس اعوض عنها بالاجهزة.....و الحمدلله ماشي الحال اريح وايد بالنسبة لي....

صج ساعات يصير ضكه ...بس يظل راحة القلب عندي بالدنيا و مافيه و عسى الله لا يعوزنا لهم يارب


بس ها اليومين ادور اذا فيه وحده ((((مأموووونه)))) تجي ساعتين تنظف و تروح؟؟؟؟

بنات اللي تعرف الله يعافيكم تبلغني بس بشرط انها تدبر مواصلاتها لأن اللي اعرفهم لازم انا امرها و ادبر لها الروحه و الجيه.

 

[نطوووعه]

خوش موضوع

للرفعععععععععععععع