شاركوني بمشكلتي جود ألقى حل مليييييييت

[ميسم]

:eh_s(16):

السلام
بنات
بختصر الموضوع
طبعا انا من بيئه محافظه ولله الحمد ملتزمه باللبس تقاب وعباه واموري تمام
تزوجت وعقب زواجي
لبسني عباه راس <<امنا بالله
الكعب ممنوع <<اوك
لكن
يحاسبني بالروحه والجيه اهلي ماروح لهم يومين ورا بعض والمناسبات محاسبه علي مزاجي لي ابعد الحدود قبل المناسبه ترجي وبحي عشان يرضى جد طفشت وفوق هذا مايحب اطلع معاه قليل مانروح نتعشى او نتمشى السينما ممنوعه الافنيو معاه بس السفر بعدين طيب لي متا ليش مع ربعه يروح ويجي كل مكان وانا انحكر
لمن اقول بنطلع يقول وين مطعم ونرد بس
هذي طلعه ؟
الواحد بيستانس بحياته يروح يرد يغير جو
الفندق ممنوع
قلت يمكن بيئته جذي تزوج اخوه الصغير عكسه تماما يسافر يروح يطلع سينمات و طلعات
وانا جني مراهقه حتي انستا خلاني احذفه
تكفون بنات شنو الحل معاه
زعل وزعلت هواش وهاوشت
مدري شسوي
ادري يحبني ويموت فيني لكن عقليته
يقول انا غير عن اخوي وانا غيور بس انا من حقي استانس واشوف الدنيا

 

[ميسم]

مليت
اب

 

[zain-alq8]

مممم مادري والله ماراح يتغير دام هذي عقليته ...مااحب اشيش الزوجه على الزوج

 

[ميسم]

والله شكثرهم اللي تغيروا
ونفسه و اكثره
بس تعبت من التعامل معاه مساحل و تطلب

 

[نبض قلبي M]

اختي عادي


فيه رجال طبعهم جذي

انا زوجي نفسه بالضبط

والحين تعودت على قعدت البيت وعيالي ما خذين نص وقتي

 

[ميسم]

انا معاج انه في جذي
بس ي ربي يعني احنا زينين ماشين ع اللي يبونه
ليش مايغضون الطرف شوي
في رياييل نفسه وألعن لكن تغيروا مع الوقت
ومدلعين حريمهم اخر دلع و طلعات ماينحاسبون عليها طيب ليش وانا

 

[حشمه]

صبري عليه وان شاءلله يتغير

وان شالله ربي يرزقكم الضنى وانتو راح تتغيرون مع مسؤوليه اليهال

والله يوفقج

 

[ميسم]

فديتج حشومه الله كريم

 

[نـعـومـه]

شوفي في رياييل نفسه وشكثرهم

بعضهم بسرعه يتغيرون بعضهم صعب بعضهم لما تيبين عيال خلاص يصير عنده عادي طلعات

انتي حاولي تعودينه انج بتطلعين معاه حتى لو معاند أهم شي بالهداوه إذا تعود من البدايه اسهل من بعدين

يعني مثلا قوليله بالعكس مطعم ونرد نكسر الروتين ونجرب شي يديد وانا ملتزمة بلبسي منو بيطالعني !! وانتي طلعي معاه نص الاسبوع مو الويك اند عشان لايشوف الزحمه واللويه ويكره الطلعات

أو عوضيها بالسفرات إذا طبعه يسفرج وبينيله انكم ماتسون شي غلط قوليله موعيب ولا حرام اطلع معاك وبعدين بنييب عيال طلعتنا بتثقل فالحين حاول اطلعني دام انه خفاف

وحاولي تروحون أماكن ماعليها زحمه ونص الاسبوع

 

[ميسم]

اب اب معاج نعومه
بس راح يعصب اذا قلت نتعشى ونروح سينما
يقول مااخلي مرتي تقعد مع رياجيل
ويشوفون فلم ويضحكون ;:-!

 

[اختكم نونا]

نفس طبع ريلي
٤ سنين ولا تغير جربت كل الطرق الممكنة بالهداوه وبالهواش وشلت قشي وكل شي
ومازال مصر على راييه

 

[ميسم]

الله يعينا ويرزقنا الجنه
نونا اقري عن شخصيه الشمالي المتطرف
ترا اهما

 

[قمر الكويتية]

وايد رياييل في بداية الحياة الزوجية يكونون جذيه ،، بعدين مع العشره و العمر يتغيرون ، و اخذيه بالهداوه و اللين و حاولي ، و اكثري من الدعاء و الاستغفار ، و حاولي تعرفين أوقات الاجابه و اجتهدي بالدعاء ان الله يسخر لك قلبه

 

[ميسم]

اللهم امين
فديتج

 

[معنـى الحنـان]

حبيبتي مدام تدرين انه شمالي زين عيل اقري اكثر عن بوصلة الشخصيه وان شاء الله تعرفين شلون تتعاملين معاه
انا جنوبيه و زوجي شمالي صعب صعب التعامل معاه بداية الزواج كان احسن بوايد وبعدين اكتشفت فيه اشياء وايد بس شسوي بما ان عندي عيال مالي الا الصبر مع انه عادي الطلعات يخليني اطلع
المهم حبيبتي تبينه يتغير مالج الا الدعااااااء تقربي من الله اكثر وادعي بكل وقت مع الاستغفار وتعلمي شلون تتعاملين معاه وسوي كل واجباتج وبيتغير ان شاء الله

 

[ميسم]

الله كريم

 

[جنون هاجري]

الله يسهل امورك

 

[sharshora80]

راح يطخ نطري عليه شوي انا كان حتى المطعم ممنوع اني ادق اطلب كان فيها قبايل الحبن اشكره ادق واطلب ومطعم رايح وراد كان يقولي تسيرين على اهلج الساعه 3 وتردين 6 تخيلي كنت اقوله هم يالله يتجمعون 8 وفوق كان يقولي عيل مولازم تروحين ولو بتكلم ما خلص بس انا عطيته على جوه وخليته يسوي اللي يبي كان مايحب السينما طلعت معاه مرتين شفته صج هو طبعه جذي مايحب فليش اضغط عليه الله يخلي النت قمت اطالع الافلام بالبيت واحط الوصله وننسدح انا معاه على السرير ونطالع كانت طلعتنا بس مطعم ونرد بس لما كنا نطلع كنت اقوله خاطري نتمشى شوي وسبله عوينات مع اشوية دلع وكان يصير اللي ابيه وطول ما احنا نتمشا كنت اسكت ما اقول شيء هذا كله سنتين الاولى من زواجنا عقب يبت اعيال طخ طخ بالمرة وقمت اروح عروس واتاخر بيت اهلي وانا ادق على المطعم ????مو علبالج مايحبني لا لازال يحبني وحجر بس خلاص هم اول الزواج جذي يحبون يتفرعنون

واذا تبين تعيشين صكري عينج عن غيرج ولاتقارنين باحد

 

[ميسم]

الله كريم ان شاءالله يتغير