شاركم شمشاركم مقصكم ومقراضكككم && الجيرااان&

[شادن33]

السلام عليكم حبايبي

وشاركم شمشاركم مقصكم ومقراضككم <<<<<<< يالكم غباااار صح خخخخ

موضوعنا اليوم مو مايطلبه المشاهدون لاء
موضوعنا عن الجيران

لما اسمع هالاغنيه بالذات يطري علي جيرانا الاولييين يحليلهم
يمكن بعضكم صغار ماشاف هالاغنيه ولا لحق عليها بس الاغلب يعرفها
انزيين
طبعا الكل يعرف حق الجار ومنزلته خصوصا في دينا الاسلامي
وشلون رسولنا الكريم حثنا على سابع جار
بس اليوم نشوف ان هالجار المسكين محد معبره والكل مسويله طاااف :eh_s(2):
يادوب السلام عليكم وعليكم والسلام ( وصباح الخير ياجاري انت افحالح وانا افحالي )
الله المستعان
شلي يخلي الناس تتهرب من هالحق وشنو اهي الاسباب اللي يخليهم مايسوون له سالفه !!
هل
هل طوووول ساعات الدوام المرهقه اللي تخليه ماله خلق يوجب جار ويسال عنه !!؟؟
هل خوف الناس من التدخل بخصوصياتها تخليهم يبتعدون عن جيرانهم !!؟؟
هل ان محد علمهم حقوق الجار ؟
هل وسائل العصر من اتصالات والانترنت لهت الناس عن جيرانهم !!؟؟
واخر سؤال هل انتي من اللي هجروا جيرانهم وما هي الاسباااب ؟؟!!

وشاركم شمشاركم مقصكم ومقراضكم :ggdw:


تحيااتي :eh_s(7):
كل يوم تعالواا

 

[granted]

احنا الحمدلله ييرنا زينين بس مو كلهم الي قبالنا كله يتهاوش مع خدمنا لاتقطون هني قطو هناك ههههه
الي خلفنا اعوذبلله حتى يهالهم مزعجين ويقطون علينا قواطي وسوالف الله يهديهموييلهم الطرب بنص الليل
امي علاقتها سطحية مع الجارات سلام ومواجيب فقط
و ابوي علاقته زينه مع اغلبهم ييرانا من سنين لانهم
واهممم شي ماعندهم سوالف اللقافه ويحشرون نفسهم بكل شي هذي الحمدلله
يعطيج العافية علموضوع اختي شادن

 

[أحلى من الخيال]

الحمد لله علاقتنا زينة مع جيرانا بس رسمية
و فريجنا هاااااااااااااااادي​

 

[kim!]

انتي جم موضوع تنزلين باليوم
ماشالله عليج

 

[ناتشوو]

الاسباب اللي ذكرتيها كلها
والوحدة لي حصلت فراغ تروح تزور اهلها احسن
وغير هذا مافي سوالف مشتركة
كلها ملاقة عن عيالنا والخدم والجو كأنه جديد علينا
واحس ماكو وقت يعني لي نومت العيال وارتحت
ودي اسوي لي قلاص جاي معتبر واطقطق عالنت
خاصة ماتدرين شنو ظروفها بتطلع ماتطلع وبنهاية الاسبوع كل واحد لاهله

 

[ماتغير شي]

لآنه مافي وقت حنا علاقتنا مع ييرانا رسميه بالمناسبات وبسسس

 

[سندس 90]

والله ياحلو أياام قبل الوقت كللللله برركه
مو الحين ،،
قبل أمي تقول والله الساعه شنسوي فيها ننظف ونخم ونغسل ونطبخ ويمدينا نزور ونرد ألحين أعوذ بالله ماااكو بركه بالوقت الوقت يرككككض وهذا من علامات الساعه على فكره ،،
ألحين الكل ماله خلللق ويالله يجابل عياله وامه وابوه ونفسه عشان يجابل جيرانه
بس صج ليتني من زماان أول اللي الحياه صج تحسين لها طعم مو الحين مصاخه
يعطيج العااافيه شدون

 

[بنت النوخذا]

هلا وغلااااا
هلا بالشار وهلا بالمنشار هههههههههههههه

غبااار وياحلوهه من غبار اي والله
ييران قبل كلهم ناس عقل و ثقل
و الحريم كبار بالسن فيتزاورون الضـحي
اما الموظفات فلاهين ما بين عيال و ريل و بيت ... الخ
لكن وايد من اليران تكون بينهم زوارت شهريه
يعني كل يتيمعون اهل فريج مثلا
وكل شهر بيت وحده
ههههههههههههه وخاصه اهل جنوب السره و القرين هذي سوالفهم الحاصله

الحمد الله عاده عساها ما تنقطع يارب



مشكوووره شدونه

 

[روحين في رـوح]

الحمدؤؤللهـ بعض الجيران العلاقهـ كويسه والبعض لأ مو كتير العلاقه

مممم بعض الجيران زنخين بتعاملهم معنا ف اقطع الحبل من آولهـ آحسن ازا اعطيناهم وجهـ كتير بتزانخؤؤ كتير ف خليك رسمي ومحبؤب شؤي احسن من ماتكؤؤن زنخ


هع
يسمنؤؤؤؤؤؤؤؤ شدؤؤن

 

[miss $_$ semsem]

انا كوني سكنت بمنطقتين حسيت صج بفرق بين الأولى والثانية
شوفي اذا ييران من عمر تختلف العلاقة مع الييران بالمناطق اليديدة مع ان في بعضهم والنعم فيهم بس تحسين العلاقة رسمية

بس احس ان الزمن اهوه اللي تغير
ولا قبل اليهال والشباب والكبار بالسن كلهم مع هالييران
بس اللحين احس بس اقتصرت الرياييل سلام بالمسيد ولا دوانية مره بالإسبوع والحريم نفس الموضوع
اما اللي اصغر ماادري مااحس نفس قبل يهتمون وايد بموضوع الييران
يعني ييرانا قبل للحين مو ناسيتهم بس اللي اللحين مع ان مو حيل يدد بهالمنطقة بس زين اعرف منو اللي ساكن جدامنا
النفوس مو نفس أول للأسف

 

[حديث الروح]

الأن علاقات الجوار متقطعة الأواصر حتى وان ربط بين الجيران حسن الجوار بعدم التعرض لهم ورد السلام والتهنئة بالهاتف في المناسبات والتعزية ..
فيماعدا ذلك كل واحد اغلق الباب عليه .
اذا كنا في البيت الواحد لانرى بعضنا بعضاً إلا قليلاً فكيف بالجيران ً؟!
هذه ضريبة الحياة الحديثة الألكترونية ... المتسارعة .. ماأن يبدأ الصباح حتى يسابقه المساء
وهكذا لا يكاد المرء يتفرغ لنفسه الا قليلا .. طول الوقت نحن في سباق مع الزمن ..
لذا علينا ان نتقبل نوعية العلاقة التي تفرضها علينا حياتنا الآن مع الجيران ونطوعها بما نستطيع معه أن نواصل جيراننا ولو في اطار محدود حتى لانضيع معنى جارك ثم جارك ثم جارك ... ثم أخاك! ... سلمت شادن صاحبة الافكار المبدعة والمواضيع الشيقة .. وتقبلي اعجابي !

 

[سحابة امل]

احس الحين الجيران مالهم خلق بعض واعوذ بالله الدنيا تلهي تطلعلج الف شغله وشغله ،، صار التزاور بس بالمناسبات .. بس الحمدلله علاقتنا مع جيرانا جدا جدا طيبه ولانشتكي منهم ولا يشتكون منا ... ومن عمر معانا .. يسلموووو على الموضوع حده نايس

 

[تحت ظلك]

جيران هالكلمة صارت غريبة!

أغراب صح!

القلوب الطيبه رآحت خلاص !

 

[أنفاسي دخون]

الاسباب اللي ذكرتيها كلها
والوحدة لي حصلت فراغ تروح تزور اهلها احسن
وغير هذا مافي سوالف مشتركة
كلها ملاقة عن عيالنا والخدم والجو كأنه جديد علينا
واحس ماكو وقت يعني لي نومت العيال وارتحت
ودي اسوي لي قلاص جاي معتبر واطقطق عالنت
خاصة ماتدرين شنو ظروفها بتطلع ماتطلع وبنهاية الاسبوع كل واحد لاهله

نفس اللي بقوله بس ما يمنع تواصلنا معاهم بالواتس اب من خلال قروب وكل شهر تقريبا او اسبوعين نجتمع هذا بالنسبه لي اما جيران اهلي ما شاء الله تبارك الرحمن تقولين بيت واحد ودايما يتجمعون وتزاورون ويطبون باي حزه بدون رسميات ومواعيد الله لا يغير عليهم


واهم شي القلوب صافيه ومتوالفه

 

[PuPa^^SWeeT]

تواا منتقلين عايلة صغييرة بالشقة اللي تحتنا



ياليت والله لو يصير في تواصل



بس انطر رمضان ان شا الله

اندزز بهالاطباق

 

[جلكسيه اس 3]

احنا قبل في بيتنا القديم كان البيت الي لازق فينا بدو و النعم فيهم والله
حيل حيل كانو طيبين معانا و دائماً باي وقت يسألون و ويعزموونا
اذكر كنت كله العب سيقااا معاهم و أنطالع بباي آلة الزمن ( عنابه لووول
الحين مادري الزمن الي تغير ولا احنا. ؟ و فريجنا هذا محد يدري عن احد
*

 

[شادن33]

ياحلو ذكريات الجيراااان احسها لازقه بمخي

شاكره مرووور الكل حبايبي

 

[شادن33]

ياحلو ذكريات الجيراااان احسها لازقه بمخي

شاكره مرووور الكل حبايبي

اهم شي قولوا حق خالتي قماشه ياخالتي لاتصيفييين :eh_s(9):

 

[الزورق222]

الله على شاركم شمشاركم مقصكم مقراضكم ذكرتينا باحلى الكلمات ..
الله يرحم الفنان خالد النفيسى ..
اسأل عن الجار قبل الدار ممكن نستغنى عن الاهل لكن الجار مستحيل اقرب الناس لنا ..
الله يرحم جارتنا ام سليمان مستحيل ننساها ..

 

[شادن33]

^^^^^^شاكره مرورج