شاركـوني الرأي جزاكـم الله ألـف خيــر

[إليك المشتكى]

السلام عليكم ورحمة الله وبركاته..


بنات انا عندي في حيره محتاره حيل وظميري مأنبي وبنفس الوقت مضطره , مالكم بالطويله...

انا اعاني من اعاقه لكــــن ماطلعت شهادة اعاقه لاني ما ابي احس اني معاقه ولا احب هالكلمه وما انلام على هالاحساس ولا ابي يأثر علي بحياتي وانتوا تعرفون نظرة الناس اذا الاهل ماترحم وتطنز شلون الناس !!


المهم اني آخذ راتـب من دعم العماله كل شهر 367 بــدوون ما أداوم وفي ناس تقول حرام وانا احس ان مالي حرام بس مضطره وانا اقدر آخذ راتب شهري 448 شئـون لان عندي اعاقه بس ما آخذ هالمبلغ لاني مثل ماشرحت فوق ما ابي احس اني معاقه...

شاركوني الرأي اقعد على دعم العماله والا اقدم على شـئـون وانا مابي كلمة معاقه مع ان راتب الشئون اكثر !!!

 

[مزيونه2008]

والله يا اختي انا مااعرف ان كان حلال او حرام ولكن دامك مو مرتاحه لهالشئ اتركيه
واحمدي ربك على كل حال واعرفي ان فيه ناس حالتهم اردى من حالتج
انا برائي انج اطلعين الشهاده يعني ترضين بكتبت الله وعن قناعه وتحاولين تشغلين وقتج بالدراسه او بالنوادي عشان تنمين المواهب اللي عندج وانا متاكده انج فيج طاقه ابداعيه بس انتي مهملتها وحاكره نفسج بحياة البؤس وندب الحظ
لاتخلين شئ يوقف في طريقج دام ربج معاج
ومن كان مع الله كان الله معه
صدقيني لو علاقتج بربج قويه جان ماحسيتي بهالنقص اللي معيشه نفسج فيه
قولي انا انسانه ولي حق اعيش واضحك وافرح
وياما ناس ارتقوا وكافحوا ونالوا بسبب تحديهم لكلام الناس لهم واحباطهم لهم
وانتي لا تخلين احد يحبطج اثبتي للكل انج تحديتي الاعاقه ووصلتي لاعلى المستويات
خلج مع الله وماراح يخيب ظنج

 

[سكوتي بذوقي]

اختي الغاليه تدرين من المعاق الحقيقي

اللي يبعد عن دينه ويسوي كل المحرمات هذا بنظري المعاق الحقيقي

واللي يتطنز وين بيروح من ربي سبحانه

انتي ماتقدرين تشتغلين وهذا لك حق واكيد محتاجه الأكثر

توكلي على الله وقدمي هناك

وإن شاء الله ربي يوفقك ويسعدك

 

[المرتاحة]

حبيبتي الله يفرج همج

بس لا تحطين في بالج ان الاعاقه نقص

ياما معاقين فادوا الديره احسن من الصاحين

بس انا اشوف انج اطلعين لج شهادة بالاعاقه علشان تاخذين حقوقج لانج انتي لج الاولويه في كل شي

لا تحطين في بالج ان انتي اقل من غيرج

صج بعض الناس المجتمع نظرتهم مو شي بس لازم تتعلمين انج اطنشين

ترى بعض الناس تكون نظرتهم حتى للصاحين نظره مو حلوه سواء اذا كان الشخص فقير "مع ان الفقر مو عيب ولا ينقص من قدره" نظروا له نظره مادري اشلون

اذا كان الشخص لونه "مثلا اسود" وكلنا خلق الله ولونه ما ينقص من قدره نظروله نظره مو حلوه

اذا كان الشخص اشباهه مو نفسهم نظروا له نظره مو حلوه

الخ الخ الخ واللسته ماشيه

يعني ما عليج من نظرة بعض الناس المريضه

اخذي حقج اذا انتي مستحقه وطنشي نظرة الناس اللي ما همهم الا نفسهم و يمكن لو يحصل لهم يتعدون على حقوقج راح يتعدونها بدون مخافه من الله

انا هذا رايي والله يسهل لج يا رب

 

[~✿ ارتـِوآآآء روح !]

وعليكم السلام ورحمه الله وبركااته
لمست فيج صفة جميلة جداً يتصف فيها العظماء ألا وهي الإحساس بالذنب
واصلي ياقلبي على هالصفةة

انا اعاني من اعاقه لكــــن ماطلعت شهادة اعاقه لاني ما ابي احس اني معاقه ولا احب هالكلمه وما انلام على هالاحساس ولا ابي يأثر علي بحياتي وانتوا تعرفون نظرة الناس اذا الاهل ماترحم وتطنز شلون الناس !!

حبيبتي آلنآس ماخلت احد بحالهآآ
ماعليج من آلنآس عيشي حيآآآتج وتقربي من الله والله ثم والله رآحةةة نفسيه ورضى وآمل
ولاتحزنين وتذكريَ هالدنيآآ فانيةة فانيةةة
والله ينصرج ||~~ وتذكريَ الصآآآحي والمعآآآق كلهم مصيرهمَ وآآحد ولا في فرق بينهم عند الله الا بالتقوى
وتذكري الدنيآآآ فانيةةة والاخرةة خير وابقى
لاتهمج نظرج النااس فيج
شوفي نظرةة رب النآآس فيج
اذا انتي رآآضيةة بحالجّ فلج الرضآآآ واذا ساااخطةة ومو راضيه بحالج فلج السخط
ولاتتضايقينّ اقري القرآن وخلي حيأأتج كلهآآآ رضى وسعآآآدةة طبعآآ السعأأدةة تلقينهاا عند اللي يملك السعاادةة
http://www.youtube.com/watch?v=gLnNCMyeWXs ~~~> عجييييييب

المهم اني آخذ راتـب من دعم العماله كل شهر 367 بــدوون ما أداوم وفي ناس تقول حرام وانا احس ان مالي حرام بس مضطره وانا اقدر آخذ راتب شهري 448 شئـون لان عندي اعاقه بس ما آخذ هالمبلغ لاني مثل ماشرحت فوق ما ابي احس اني معاقه...

أيهماا احسن مآآآل حلآآآل وتقديم رضى الله على هوى النفس
ام مآآل حرآآآم مع سخط وعدم البركةةة
لكِ الاختيآآآر يااالغاليييةةة

 

[ياحُبِي لِلكويت]

حبووبه ليس المعاق معاق الجسد والعقل انما المعاق معاق الخلق والفكر .. اختي المعاقوون ناس ابدعو وكافحو رغم كل صعابهم وأعاقاتهم بخلاف الناس الطبيعيين دمتي بحفظ الرحمان لاتيئسين واحمدي الله على ماأنتي عليه اذا اي شخص نظر بنفسه انه في عيووب يرى الناس ترااه نااقص أثبتني نفسج اختي الفاضله وخلي ثقتج بنفسج قوويه وبأذن الله تقضين على مشكلتج .. وبالنسبه لرااتب الدوله موفره لج راتب وهذا حقج وأجر وعاافيه يااارب لج ,,,,

 

[al3sooola]

حبيبتي الله يفرج همج

بس لا تحطين في بالج ان الاعاقه نقص

ياما معاقين فادوا الديره احسن من الصاحين

بس انا اشوف انج اطلعين لج شهادة بالاعاقه علشان تاخذين حقوقج لانج انتي لج الاولويه في كل شي

لا تحطين في بالج ان انتي اقل من غيرج

صج بعض الناس المجتمع نظرتهم مو شي بس لازم تتعلمين انج اطنشين

ترى بعض الناس تكون نظرتهم حتى للصاحين نظره مو حلوه سواء اذا كان الشخص فقير "مع ان الفقر مو عيب ولا ينقص من قدره" نظروا له نظره مادري اشلون

اذا كان الشخص لونه "مثلا اسود" وكلنا خلق الله ولونه ما ينقص من قدره نظروله نظره مو حلوه

اذا كان الشخص اشباهه مو نفسهم نظروا له نظره مو حلوه

الخ الخ الخ واللسته ماشيه

يعني ما عليج من نظرة بعض الناس المريضه

اخذي حقج اذا انتي مستحقه وطنشي نظرة الناس اللي ما همهم الا نفسهم و يمكن لو يحصل لهم يتعدون على حقوقج راح يتعدونها بدون مخافه من الله

انا هذا رايي والله يسهل لج يا رب

صح كلامج كله درر.......

 

[ޢޢޢإيمانޢޢޢะۣۨ>]

يا حبيبتي لما تاخذين راتب من الشؤون فهذا حق من حقوقج
مافيها شي شهادة الإعاقة
والناس صار عندهم وعي كبير بوضع المعاقين وعارفين ومتأكدين إن عندهم طاقات وإبداعات مو موجودة عند غيرهم من الناس العاديين
والله في ناس صاحيين ومافيهم ولا شي وقاعدين يزورون ويطلعونها ! ما فكروا بالحلال والحرام
وبالنسبة حق موضوع راتب دعم العمالة بدون دوام أكيد حرام
يعني شخص ياخذ راتب على أساس إنه موظف وهو مو قاعد يداوم !
توكلي على الله واخذي راتب الشؤون
هذا حقج وحلال عليج ​

 

[عبير العنزي]

اول شي حبيبتي موضوع الراتب اللي قاعد تاخذينه من ناحية الحلال والحرام افضل لو تسئلين عنه شيخ

وتقدرين تراسلين مواقع شيوخ كثيره ويردون عليج ان شاء الله..لأني لاعلم لي بهذا الامر..ومن قال لااعلم فقد أفتى

ثاني شي حبيبتي الظاهر ان الاعاقه اللي عندج بسيطه يمكن بالسمـع او ماشابه..او غير مرئيه عشان جذي ماتحبين تلفتين احد لهالشي

حبيبتي انا سبق ونزلت موضوع عن المعاق الحقيقي واللي تنطبق عليهم هالكلمه معاق العقل والدين..

والدوله تعطي كل ذي حق حقه.. فـ ليش قاعده تتنازلين عن حقج بسهوله..بينما غيرج مافيه شي ويزور تقارير عشان ياخذ راتب مو مستحقه..وهذا اللي انسميه معاق العقل

عمـــــــــــر الاعاقه ماكانت شي محرج..عشان تستحين من هالكلمه..

في ناس فيها امراض خبيثه والدوله قاعد تتكفل بعلاجهم؟؟ ليش مايخجلون من هالشي؟

وفي ناس فيها امراض مزمنه وقاعدين يعالجون..ليش مايخجلون من هالشي

وفي مطلقات قاعدين ياخذون رواتبهم من الدوله..ليش مايخجلون

وفي فقراء ومستحقين ياخذون من بيت الزكاة..ليش مايخجلون

راجعي نفسج حبيبتي ولا تتنازلين عن حقج..لمجرد كلام النـــــــــــــاس


ضحكت فقــــالو الا تحتشم
بـكـيـــت فقــــــالو الاتبتـسم
بسمت فقـــــــالو يرائي بها
عبست فقــــــالو بدا ما كتم
صمت فقــــالو كليل اللسان
نطقت فقـــــــالو كثير الكلم
حلمت فقــالو صنيع الجبان
ولــــو كـــــان مقتدرا لنتقم
بسلت فقــــــــالو لطيش به
وماكان مجتراء لو حـكـــم
يقــــولون شــذ اذا قـلت لا
وإمـعــة حـيـن وافــقتــهـم
فــأيقـنت اني مــهمــا اردت
رضاالناس لابد من ان اذم

رضا الناس غايه لاتدرك..

بالتوفيق حبيبتي

 

[ام زهقانه]

قدمي علي الشئون افضل وفلوسهم حلال