سين سؤال : لو تقدم لك شخص قصير القامة توافقين ؟؟

[كنت هناك]

السلام عليكم

سؤالي باين من العنوان والشي الثاني أبسأل المتزوجات اللي متزوجين شخص قصير القامة كيف قدرتو تتأقلمون مع الوضع وكان مسبب لكم ازمة ولا لأ

 

[مجنونه خالد]

انا زوجي موقصير طوله متوسط
بس لومكانك اهم شيء الاخلاق اول وثاني ماتكونين انتي اطول منه احسها فشله لايكون اطول منك بشوي اهم شيء اطول منك لوبشيء بسيط والله يوفقك

 

[روحي زوجي]

رد : سين سؤال : لو تقدم لك شخص قصير القامة توافقين ؟؟

عادي

لايكلف الله نفسا الا وسعها واذا الله كتب لج نصيب معاه اعرفي ان نفسج تقدر تتعايش مع قصره

ـــــــــــــــــــــــــــــــــــــــــــــ

اهتمي بنفسج وقت الدوره مع افضل عصيده <<< بالصور

http://www.q8yat.net/showthread.php?t=754155


.

 

[~جودي~]

رد : سين سؤال : لو تقدم لك شخص قصير القامة توافقين ؟؟

اي اوااافق ليه الرجال مايعيبه قصره لكن تعيبه اخلاقه

 

[فـرفـر]

اذا هو اقصر منج ماادري هالشي راجع لج
مع انه جدي الله يرحمه يوم تزوج علي جدتي اخذ وحده اطول منه وتموووت فيييه
المسأله توافيق ياما ريااجيل طولهم طول النخله بس ماكو اسلوب ولا احساس ولا عقل
ورياجيل ربي مو معطيهم الجمال والطول والجسم بس عقلهم تباارك الرحمن
استخيري والله يوفقج

 

[G!RLooNa]

اذا اقصر مني ما اوافق

 

[زوجة عزيز]

انا اشوف اهم شي اخلاق الريال وواستخيري ربج اول والصراحه انا عن نفسي زوجي اطول مني بشوي بس كنت اتمنى اتزوج واحد طويل وهذا اللي الله كتبه لي وموفقه ان شاء الله

 

[قلبي سلومي]

رد : سين سؤال : لو تقدم لك شخص قصير القامة توافقين ؟؟

اوافق اهم شي الاخلاق ولا الطول والشكل شيبي ينفعني

 

[ام الورد83]

انا الحمدالله متزوجه وزوجي اطول مني بس نصيحتي اهم شي الاخلاق ويكون انسان يخاف الله فيج صدقوني يابنات الجمال او الطول او المال ماينفع اهم شي تكونين سعيده معاه ادري طولت:hjy5jewf:

 

[kookiz]

انا زوجي اطول مني بشوي فديته احب طوله احسه عنونو وهالشي كلش ما اثر علي بشكل سلبي

 

[KOKO_284I]

رد : سين سؤال : لو تقدم لك شخص قصير القامة توافقين ؟؟

الريال ما يعيبه شي . واذا وسيم ليش لا . وليش اواجه صعوبه معاه شنو اهو معوق قصير المسكين

بعدين القصير مايبن فيه الكبر

 

[@ام ضاري@]

رد : سين سؤال : لو تقدم لك شخص قصير القامة توافقين ؟؟


ماشوف فيها شي الزواج قسمه ونصيب
اهي جت يعني على القصر
مو في ارجال قصر وفيه لفه رجل وفيه عرج ومشاء الله مو مومأثر عليهم ومتزوجين حريم منيكان
كلها توافيق من الله
ܓܛܟ ♥

 

[السهل الممتنع]

والله اعرف وحده طولها 177 وزوجها طووله 159 وماشاء الله عليييهم ومرتااحه معااه وزينين حق بعض وعندهم حاليا اعيال ..

 

[frawlah_83]

رد : سين سؤال : لو تقدم لك شخص قصير القامة توافقين ؟؟

الحمدلله اناا قصيييره وماتوقع في ريال اقصر من :d

بس عن نفسي احب اكون الريال اطول مني بس عاااد مو وااايد يعني اذا لبست كعب هم اظل اطول مني

بالنهايه كلشي قسمه ونصيب واهم شي الاخلااااق والرجوله

 

[pyaar]

انا مااوافق لاني طويله اشلون اخذ اقصر مني احسها موحلوه

 

[معزوفة عشق&]

رد : سين سؤال : لو تقدم لك شخص قصير القامة توافقين ؟؟

من اتاكم دينه وخلقه ...
مافيها شي القصر وانا بعد اعرف وحده من صديقاتي متزوجه واحد اقصر منها وعايشين احلى حياه ماشاء الله عليهم

 

[greeneyes212]

كل وحده وتقبلها للموضوع

اذا نفسيا متقبلته توكلي على الله

 

[[[ عيون جابر ]]]

اذا اقصر مني ما اوافق

 

[صمت المرافئ]

رد : سين سؤال : لو تقدم لك شخص قصير القامة توافقين ؟؟

ريلي أطول مني شوي
يعني ما ألبس كعب إذا كنت معاه
بس صدقيني مو المهم الطول
المهم الاخلاق :denya:
وقديما قالوا :
كل طويل هبيل وكل قصير فتنه :dddds:
هههههههههههه ههههههههههه
هههههههههه ​

 

[LoLaTi]

لا بصراحه ماحب القصير