سينما توعوية اسبوعية اسرية

[OmYousif]

السلام عليكم و رحمة الله و بركاته​

حبيت اشارككم تجربتي اللي طبقتها من يوم امس
وصلني فيديو كرتوني بالواتس اب عن التوعية للاطفال لحماية انفسهم من التحرش و كان الفيديو راق جدا فقررت اني انزله على اللب توب و وصلت اللاب توب على شاشة التلفزيون لازم يكون التلفزيون lcd و الوصلة usp -hdmi , و ممكن كنت تنزله على ديفيدي و اعرضه
المهم جمعت عيالي و سكرن الستاير و قلتلهم الحين عندنا فيلم تعليمي راح نتعلم من امور وايدة الحين بنشوفه مع بعض و راح اسالكم عليه اسئلة بعد ما يخلص و اشوف كل واحد شنو استفاد من الفيلم
طبعا اليهال بالبداية لاهين بالاي باد و الاي بود بس لما قلتلهم اني عندي شغلات حلوة راح اوزعها بعد الانتهاء من النقاش كلهم ركزوا معاي
و حرصت اني اكون معاهم و بعد ابوهم دعينا للفيلم
و قلتلهم مافي اسئلة الا بعد مايخلص الفيلم الفيلم كان من اليوتيوب ممتاز خلصنا الفيلم
و سالتهم و تناقشنا تعلموا امور و خليتهم يقولون رايهم فيها و جذي قضينا مدة ثلث ساعة تقريبا بس احس استفدنا كلنا
و بعد هالتجربة قررت انشالله اني اكررها كل اسبوع و اختار موضوعات مختلفة و ياكثر اليوتيوبات بس الواحد يدور الشي الزين
و الصراحة حسيت ان الفكرة جيدة و حبيت اشاركم الخير عسى الله يتقبل منا و منكم صالح اعمالنا خالصة لوجهه​

 

[OmYousif]

شدعوه ما في تفاعل بالمرة
الشكر لله بس الواحد بغى يعرف اد الناس و لا لا:bbbiu::bbbiu::bbbiu::bbbiu::bbbiu::bbbiu::bbbiu:

 

[دانة الدنيا@]

مشكوره حبيبتي على الفكره الحلوه وان شاءالله بطبقها

 

[anooma_86]

مشكوره حبيبتي.. بليز حطي اللنك مال الفيديو

 

[ريماا]

ماشالله عليج ولله الفكره روووعه
عندج رابط الفيلم حطي لنا اذا ممكن

 

[bedour18]

خوش فكرة و الله ، الله يعطيج العافية

و لا عليج امر بغيت لنك الفيديو او اسمه

 

[OmYousif]

شوفو دخلو موقع اليوتيوب و بحثو عن افلام تعليمية للاطفال راح تحصلون عدد كبير كل اسبوع اختارو فيلم
و راح احاول انشاء الله اني انزلكم كثر ما اقدر روابط لافلام مفيدة

 

[OmYousif]

مثال هذا الفيلم الكرتوني يعلم الاطفال بطريقة جميلة كيف يفرقون بين الناس الزينة و الشينة
http://www.youtube.com/watch?v=wugCv_yI4PY&feature=youtube_gdata_player

 

[OmYousif]

كيف تحب اسنانك
http://www.youtube.com/watch?v=1GDrOqPI3uc&feature=youtube_gdata_player

 

[Q8_QT]

يعطيج العافية

 

[anooma_86]

واايد حلوين ثانكس

 

[كادي_كادي]

يعطيج العافية حلوه وايد الفكرة وطريقة أروع للتربية وتوصيل الأفكار اللي تبينها لعيالج
ان شاء الله بسويها لأنها اعجبتني

بس بسويلهم جو أكثر بحط كاكاو وشبس وماي وعصير وأقولهم ممنوع تتحركون حتى قبل لا ينتهي وعقها نبدي قرقه

بجربها ان شاء الله وبقولج تجربتي ​

 

[OmYousif]

حياكم الله و بانتظار النتايج:eh_s(7):

 

[BaLLoNa]

واووو عجبتني الفكرة والاسلوب عجيب انوصل لهم الي نبيه بطريقة سهلة ومفهومة ، بارك الله فيج اختي