هذي الطريقة سهللة حيل ودايمن اسويها وطعمها عجييييب واحلى من الجاهز واهم شي من غير تعب ^^
حتى خواتي اللي ما يحبون السينابون كلوا وخلوني اسويلهم صينية ثانية
منقولة من هند
الطريقة والمقادير مع بعض
ا كيس صمون قطعيه إلى حلقات
الواحدة بسمك 1 سم تقريباً
بعدين راح نصفهم بقالب التشيز كيك
بهالطريقة يعني عقب ما تقصينهم رتبيهم وشوفي لو تحتاجين تقصين صمون زيادة او لا
الحين بخلاط العصير تخلطين
( كوب سكر + نصف كوب ماء + بيالة زيت + بيضة + رشة فانيلا أو قطرات من الخل + ملعقتان متوسطان من القرفة المطحونة البودرة + 2 مكعب كيري )
واخلطي جيداً حتى تحصلين على سائل لزج بني اللون ، وقومي بصبه في إيناء عميق ...
الآن ادهني قالب الشيزكيك بالزيت ، وقومي بغمس شرائح الصمون في الخلطة
وانتبهي ألا تتركيها في الخلطة
فقط اغمسيها حتى تتشرب الخلطة
ثم اخرجيها واضغطي عليها بأصابعك قليلاً إن تشربت الكثير منها
ثم صفيها في القالب بشكل دائري ، وانتبهي لعدم ترك فراغات كبيرة بينها
مثل جذي
الآن
وفي إيناء آخر إخلطي
6 مكعبات أخرى من جبن الكيري + نصف علبة ( أو أكثر قليلاً ) من الحليب المكثف المحلى الحجم الكبير
وقومي بصب نصف مقدار الخليط فقط ، فوق شرائح الصمون بالقالب
ومن ثم أدخلي القالب في فرن حار قليلاً بدرجة ( 165 درجة مئوية ) ولمدة عشرين دقيقة فقط
( الفرن مفتوح من تحت فقط ولا نفتح النار بالأعلى )
وهذا شكلها بعد ما طلعت من الفرن ، وقد جمدت الخلطة بالأعلى
وفوراً بعد إخراجها صبي عليها ما تبقى من خلطة الجبن والحليب المحلى
وزينيها
بسائل هيرشي السائل ( الكاكاو السائل ) بشكل دائري ومتموج
وهذا الشكل النهائي
والله عليها طعم يجننننننننننننن ورائع تماماً كالسينابون الجاهز ، وكل من أكلها عندنا بالبيت طلب مني الطريقة
شوفوا كيف يسيح الصوص فوقها
وبالعااافية والله يسهل عليج حبيبتي
