سيـــلا بــــس بالنسخـــة الكويتيــــــة !!!

[BoxCouture]

السلام عليكم .. شخباركم .. :eh_s(7):

للي ما تعرف سيلا هذا مسلسل تركي يتكلم عن الاعراف والتقاليد الداثره بالمجتمع التركي .. وطبعا اغلب عاداتهم وتقاليدهم نفس عاداتنا من ناحية العيب وهالامور هذي ..

فشنو صاير عندهم انه اذا الوحده مات ريلها ياخذها حماها وغصبا عليه وعليها .. علشان اليهال ما يتشتتون

فانا اليوم سمعت سالفة صايرة عندنا بالكويت .. الاخو خذا مرت اخوه بعد ما مات .. كله علشان اليهال ما يكون عندهم ريل ام ويربون تحت عينهم .. وعلى فكرة ترا اهي اكبر منه اقل شي اقل شي 10 سنين وعندها من المرحوم 5 يهال .. المهم تم الزواج و يابت منه 5 يهال ثانيين .. حلو ؟؟ الظاهر عبالها ثبتت الوتد وخلاص ماراح يشوف غيرها ( عاشت الدور ياحليلها ) المهم بعد مده اتزوج عليها وحده صغيرة ( وانا اشوف من حقه .. الريال مو مجبور يعيش طول عمره مع وحده مو من جيله .. !) واصلا تدرون بدون شي انه اغلب الرياييل انفوسهم رديه ودايما يفكرون بالزوجه الثانيه فما بالكم مع واحد متزوج وحده اكبر منه بعشر سنين !! .. المهم اللي صاير انه تزوج الثانيه ويابها عند الاولى بنفس البيت .. المشكله انه مرته الاولى تغار من الثانيه و على طول متمشكله معاها بالبيت فالريال اضطر انه يخلي كل وحده ببيت بروحها علشان يفتك من المشاكل ..

سؤالـــــــــي

برايكم يحق للاولى اتغار و تسويله مشاكل .. ؟ :bbbiu:

 

[Tulips]

والله بالنسبه لي ،، اشوف انه الزوجه الاولى مفروض ماتنسى انه خذها علشان اليهال
واهو بعد مو مقصر معاها ياب منها 5 ماشالله ،،
بس مثل ماقلتي هذولا اهمه الرياييل دايما يطالعون غير حريمهم فمابالج مع وضع معقد نفس هذا

 

[نونو العصله]

طبعا من حقها مو بشر
ومن حقها تطالب بحقوقها الشرعيه
والذنب ذنب اهلها واهله

 

[aem...]

انا من رايي من حقها تغار لان ابو عيالها الخمس واكيد بينهم عشرة طويله مو يوم ولا يومين صح انها اكبر منه بعشر سنين بس اهوا ظلمها وظلم روحة
المفروض يتفق معاها من البداية ان يربي عيال اخوه بسس وان يتزوج غيرها مووو يربطها فيه واخر شي يتزوج:/

تقبلي مروري:**

 

[ليـن الـِورد]

اكيييد من حقها تغاار مهما كان عندها احسساس المره وبينهم عششره بس المفرووووض ما تسويله مششاكل لانه ماخذها عشان عيال اخوووه واهي اكبر منه بعشر سنين يعني من حقه يتزووج
والله السسالفه ماادري ششلوون صايرره 

تقبلي مروووري

 

[snowfoshya]

واللله انا اعررف وحده مثل سالفتج
بس كانت الاولى متشببه وصاارت من جيله مع انها اكبر منه ب12 تقريبا

وجسسمها وشكلها احلى ومصغرها حيييل وياحليله تولعع فيها وحبها لوووول مع انه ماكانوا راضين ومايبون بعض


جواابي لسؤالج : والله المفروض لومايبيها بس اضطر ياخذها يتفق معاها ويقولها انا متزوجج عشان عيال اخوي بس ويتزوج الثانيه

 

[يارب محتاجك انا]

من رايي لا والله مو من حقها
خل تستحي ع وجهآ و تحشم
زوجها الميت بقبره الله يرحمه
لهاا حييل بسوالف الحريم الظاهر
عموماً ما انا محايده بسالفه زواجه
من الثانيه لاااااان من حقه بس الغريب
جا متأأأخر بعد ٥ عيال من الاولى و اما
الاولى الافضل لها تقضب ارضها و بسس

 

[خلطات المذهله]

الله لايحطنا في مكانهابس ج ماقصر كافي جاب منها خمس ههههههههههههههه
يعني لو واحد غيره كان خلي الزواج شكلي وتزوج غيرها

 

[ماردك لي]

من حقها تغار ويحمد ربه خلته اب وعنده عيال رجال مايمي عينهم غير التراب

 

[A L F A J R E Y]

لو اهوا ماخذها بس علشان اليهال جان ماياب منها 5 !!!!!!!!
جان ماعاملها معامله الازواج !!!!

طبعا تغار لازم تغار صارت زوجه واخوه مات الله يرحمه برحمته واهيا صارت على ذمه الاخو الصغير ويابت منه 5 اكيد صار بينهم ذكريات وعشره مو يوم والا يومين ولا هي مكينه تفريخ يابت خمسه بس بدون مشاعر

بس الرياييل مايترس عينهم الا التراب الموضوع مو موضوع ان اهيا اكبر منه


الله يعينها على هالبلا

 

[رورو 88]

طبعا من حقها اتغار من لحظه ما تزوجوا خلاص صارت زوجته ماكو شي اسمه شكلي

صار بينهم عيال وعشره

لو بالبدايه ماحبته اكيد حبته مع العشره اهيا بشر

مستغربه انج قعد اتقولين مو من حقها اتغار ليش مو ريلها ويابت منه عيال

واهم شي تحشم ريلها الميت لووول ليش الارمله خلاص تندفن مع ريلها يعني

اهيا تزوجت يعني بدت حياه يديده

وبعدين سوري ريلها مو ريال اللي يزوجونه غصبن عليه ماكو رجوله

اقلها ما يرضى عشان ما يظلمها معاه

 

[تُخْفِي غَلَاها]

,’

لا اله الا الله​

 

[سفيره الكويت]

احنا اللي خلينا العادات والتقاليد تتحكم فيها متى ماتخلصنا منها سنصبح احرار عن نفسي انا حره ومتخلصه من قيود العادات والتقاليد

فهي عار على من يمتلك عقل ويفكر واعتز بهويتي الاسلاميه

وهناك الكثير من العادات السيئه مثل هذه العاده الا ان البعض يتخوف ان يفتح فمه حتى لا يقال له عيييب..!

 

[بنت الأجوااد]

مشاعر الغيره شي طبيعي موجود بكل انسان

وهذى زوجه ولها عيال منه شي طبيعي بتغار وحق من حقوقها

هم كله يحطون اللوم على الزوجه الاولى

الزوجه الثانيه هى اللى اعتدت على بيت يعنى المفروض ماتسوى مشاكل ولا تحتك بالزوجه الاولى لو في بيت واحد وتحط في بالها انه من الاول بيت الاولى وهى جت وشاركتها فيه

انتى ياصاحبة الموضوع متحيزه حيل للزوجه الثانيه شكلج لج معرفة فيها

 

[q8yah]

الله يعينها على تربية ال 10

 

[بقلبي انت]

طبعا من حقها اتغار من لحظه ما تزوجوا خلاص صارت زوجته ماكو شي اسمه شكلي

صار بينهم عيال وعشره

لو بالبدايه ماحبته اكيد حبته مع العشره اهيا بشر

مستغربه انج قعد اتقولين مو من حقها اتغار ليش مو ريلها ويابت منه عيال

واهم شي تحشم ريلها الميت لووول ليش الارمله خلاص تندفن مع ريلها يعني

اهيا تزوجت يعني بدت حياه يديده

وبعدين سوري ريلها مو ريال اللي يزوجونه غصبن عليه ماكو رجوله

اقلها ما يرضى عشان ما يظلمها معاه

:rerrerek:معاها

 

[طنيانه]

هذا شسمه

اللي تقوول مو من حقها تغار وانه متزوجها عشان عيال اخووه بس
شنوو اللي متزوجها حيوانه الله يكرمكم ماعندها احساس
ولا نفس الكفار خلاص مات زوجها تندفن معاه وهي حيه


انا مع انهااا تغار خلاص اخذتني تحملني ماحد يجبرك علي
خصوصا هالزمن مافي اجبار خير شر

 

[s a b b o o s h]

دامه تزوج الثانيه

واجب عليه انه يعادل بينهم

واذا عادل بينهم لا مو من حقها تغار

 

[Vdieta]

اب اب

 

[LuLiTa]

طبعا من حقها اتغار .. هالعيال الخمس اللي يابتهم منه يابتهم بالمراسلة ؟ و اهي يابت عيال من الاول كثر عيال الثاني يعني خلاص صار بينهم عشرة كثر الزواج الأولي و مو بكيفه يتحجج انه ماخذها عشان يربي عيال اخوه و ما يتشتتون .. اهو مو ريال و شوره بإيده ليش ما تحجى و نطق قبل ما يتزوج أرملة أخوه ؟ توه بين يوم و ليلة استوعب إنها أكبر منه بعشر سنين و عقب ما ياب منها نص درزن عيال ؟


حدث العاقل بما يعقل! الريال نفسه مو مضبوط .. بس حلوة سالفة اتحشم زوجها المتوفي و اهي على ذمة واحد ثاني !!!