سيارة المرسيدس .. منو عندها واشرايها فهالسيارة ..؟؟

[قمرشمر]

بنات كويتيات حبيباتي ,, :balo:
ابي افتحلي سيارة المرسيدس 280E 2009
اشرايكم بوكالة المرسيدس ..
واشرايكم بالسيارة ,,
بليييييييييييييييييز والله احترت .. مادري شنو اشتري سيارة ..
واخر شي قررت بالمرسيدس ..
بس ابي تجاربكم .. مع هالسيارة
سلبياتها ,, وايجابياتها ..
بليييييييييييييييييييييييييييييييييييز فديتكم :lolo:

 

[عاشقة الكاكاو]

هلا غاليتي

انا عندري مرسيدس clk

وايد حلوة واستعمالها حلو وثقيله حيل

بس عيبها التكييف موو حق جو الكويت

تكييفها بارد بس نطرري سنه على ماتبرد السياره

مممممممم مادري انصحج فيها بس في احسن منها

 

[الاسطورة]

ابدا ابدا
ما انصحج فيها
مع اني كانت عندي ام عيون
صج ثقيله وتحسين انها راكده وممشاه حلو
بس عيبها تكيفها حده حده حاااااااااااااااااااااااااااااار
حطيه على اعلى شي يالله اتحسين بالهوا يحوش ويهج

وكنت احبها وايد وايد لان ابوي حبيبي اهو الي شاريها لي


بس لما جربت اللكزس
بصراحه عفت كل السيارات
كافي تكيفها يبرد القلب
وبصراحه هايه وناعمه
ما تحسين انج قاعده بسياره م الهدوء
والمسجل صوتها وايد حلو

هذي تجربتي مع السيارات
خخخخخخخ

 

[Miss.6Mo7]

uuuuuup

 

[قمرشمر]

اللكزس كأنها كامري .. حرام اقط عليها فلوووووووووووووووس ..
مرسيدس ام عيون مالها شبيه الا المرسيدس ..
ابي شي مميز ..
ترا صج قالولي التكييف مشكلة ,, وحار !!

 

[حنان الذكريات]

حبيبتي انصحج فيها...انا الحين شاريه من الوكاله مرسيدس 2010 e 300
والله تهبل ماشالله ومميزاتها تهبل ....
انصحج اذا بتاخذين اخذيها من الوكاله اضمن ولا تاخذين مسنعمل ...
بالتوفيق

 

[قمرشمر]

e 280 >>>اعتقد انها الحجم الاصغر لل e300
صح ..؟؟؟
حبيبي بجم خذيتيها .. انا اللي شفتها 2009 وكانت ب 12 الف ...
ممكن اعرف بجم خذيتيه بدون الفوائد ..

 

[آلسحرآلحلال]

ما على المرسيدس كلااام ..~
اخذيهاا وانتي مغمضة ... هاذي شيخة السيارات

 

[حورية الكويت]

حبيبتي

المردسيدس ملكة الطريق

الجراج اقتصادي .... سياقتها راكدة ... و اذا كان عندج عايلة تنفعج الاربع بيبان

انا طول عمري مرسيدس

بس الحين غيرت لاني ابي اغير و اجدد بس صراحة لا يعلى على المرسيدس من ناحية الكد

 

[قمرشمر]

والتكيف ,, بلييييييييييييييييييييز تكيفها صج حار وما ينفع لجو الكويت ..
ولا هذا اول والحين 2009-2010 تطوروا ,,,,,,,,,,؟؟؟

 

[Marka Store]

المرسيدس .. في احد يتردد بالمرسيدس !!!!!
اذا قادرة على سعرها وعلى سيرفسها وعلى قطع غيارها

اخذيها وانتي مغمضة

التكيف الحار اظن اغلب شي من المرسيدسات التجارية اللي من المكاتب لأنهم اييبونهم من برة وماتكون لمواصفات الخليج
والله ااعلم

 

[حنان الذكريات]

حبيبتي انا خذيتها من الوكاله ب 17 ونص الف دينار تقريبا بدون فوايد ....
وصدقيني راح تستانسين عليها وايد ..وتكييفها انا اشوفه بااارد.... بس طبعا انا ماخذه موديل 2010
ما ادري يمكن الموديل اللي قبله كان التكييف حار شوي ...
عموما توكلي على الله لان ماكو عالمرسيدس ....اهلي يلفون يلفون واخر شي هم ياخذون مرسيدس لانها قمة في الفخامه ..

 

[قمرشمر]

حنان واشلون على قطع الغيار صج نار .. ولا مناسبة والخرابات ,,
ادري ما مداج تستعملين السيارة وربي يحفظج من الحوادث والخرابات ..
بس لان انتي عندج خلفية عن المرسيدسات ..
اشلونها مع الخرابات وقطع الغيار الغالية.....؟؟؟

 

[حنان الذكريات]

والله قطع الغيار اي تكلف ...بس لما تاخذينها من الوكاله سويلها تامين شامل ب 800 دينار تقريبا .حق سنه صح شوي غالي بس واايد احسن
والله يوفقج ان شالله

 

[كريستال ليدي]

انا من مرسيدس لي مرسيدس و الحين عندي الثالثة و بصراحة سيارة ممتازة ماكو مثلها

قوة و متانة و كشخة بعد شتبين

صج قطع غيارها غالية بس خرباتها قليلة مو مثل هالسيارات اللي كل منسدحة بالكراج

اخذيها و انتي مغمضة و عليج بالعافية مقدما

 

[lolowawa1234]

قمر شصار على الهمر لووووووووووول

شوفي قمر اخذيها مني ماكو على المرسيدس

لو شنو ايكوون حتى السيارات الافخم ترى المرسيدس مالها مثيل
ومثل ماقلتي لكزس صج فخمه صج مريحه صج سريعه صج اتقطين دم قلبج عليهاا
بس فكريهاا فيهاا اترد يابانيه جودتها مستحييل نفس الالماني
واترد تويوتا هههههههه سوري بس هذا الصج
وجنهاا كامري وحتى نهييبه شوفي موديلات دبي 2010 فيها 8 كاميرات ونفس سعر اللي هني
واللي هني يحطون لج كاميرا وحده بس
تدرين ليش؟؟
عشان يستوردونهاا ارخص ويبيعونهاا اغلى من الخليج
واصلا شكلج رزه اكثر بالمرسيدس لوووووووووول مادري احس شكلج جذي رزه بالمرسيدس
وبشريني

 

[خاتم ذهب]

توني ماخذه c200
تهبل ماشاء الله بس نطرتها تقريبا شهرين علشان لونها مافي بالوكاله
والصراحه تستاهل نطرتها ربي يحفظهااا

 

[jazooia]

انصحج فيها لانها سعرها فيها انا موقصدي عشان تكيف و لا هالسوالف مثال( لاسمح الله ) صار حادث و بالسياره و لا قررتي انج تبيعينها سعرها فيها ماراح تخسرين واايد مثل البي ام او الباسات مثلا هذي ميزتها المرسيدس
و انشالله اذا شريتي سياره>> يعطيج خيرها و يكافيج شرهاا

 

[حنان الذكريات]

صح انا بعد نطرت ثلاث شهور يالله وصلت السياره لاني كنت ابي مواصفات مو موجوده بالوكاله ....
بس صج النطره تستاهل

 

[روقاء]

هلا حبوبه رفيجتي عندها مرسيدس وتمدحها حيل وبالنسبه للتكيف غيروه وركبوا ياباني يصلح لحر الكويت وتوكلي ع الله