سويسرا و هولندا يا كويتيات بعرف عن فنادقها ؟؟

[84 Miss Chocolate]

قوه بنـــــــــــات اشلونكم ؟؟

مثل ما انتوا عارفين كنت مخططه و مجهزه حق سفره شهر 2 بس الله ما اقسم صارت ظروف و ما وافقو على اجازة ريلي المهم ألحين بأذن الله بنسافر شهر 6 و كنت محتارع بين استراليا و أوربا و رسيــــت آخر شي على أوربا لأن بخاطري بسويسرا المهم يا خبيرات يا حلوين ابي مساعدتكم بالفنااااااااادق ..
باريس ( اعرف فنادقها و بحجز امبجر عشان احصل الارخص )
امستردام (( ما اعرف عن فنادقها )) ابي شي يكون بمكان حيوي و حق زوجين بس و يكون نظيق بحدود 100 او 120 دينا لليله مو اكثر ؟؟
(( سويسرا )) بخاطري بجنيف و انترلاكن اشرايكم و ين اسكن ؟؟؟؟؟؟

الخطه بتكون :
الكويت ( الخطوط الجويه الكويتيه ) سويسرا ( الوصول بمطار جنيف ) جم ليله تكفي ؟؟ السكن ؟؟ انترلاكن ؟؟
من سويسرا ( بروح امستردام ) 3 ليالي بس و ين السكن ؟؟



المطلوب سكن بسويسرا و هولندا ( امستردام ) ناطرتكم ؟
حجزي كله من النت بيكون على موقع بوكينج .

 

[84 Miss Chocolate]

اشدعوه بنات ابي بس اسامي فنادق بجنيف و انترلاكن و امستردام بس بس والله

 

[omjasim]

حبوبه شيكى عالخاص ؟بس ما قاتى امستردام ترى ماامدحوها وايييد خلاعه ووصاخه فاحسن روحى لاهاى ويسمونها دن هاق ووايد مرتبه ونظيفه واحسن من امستردام بكثير وجنيف ما تستاهل هالايام حدها يومين ونسيت فندق اسمه sweet hotel هو داخل مجمع كبير وحلو ما ينطلع منه ؟بعد شنو ياربي اذا تبين رحلات طبيعيه وزحلاقيه طلعي حق لوزان وفيفى ومونتروا وهناك كل ما رحتو مكان وضيعتى تنسين المكان اللى تبينه من روعه المناظر والقري والاكواخ وغير لون البحيرات العجيب

 

[omjasim]

اي صح شوفي شربوته ومنتدى ابو نواف واحد اسمه المايستروا كل شى موضحه عن انترلاكن وغير تعليقاته العجيبه في عبله اخت عنتر كاتبه الرابط ماله هنى بالمنتدى دخليه وما راح تخسرين شى واييييييييييييييييييد حلو

 

[d-k_group]

فندق ماريوت في امستردام



http://www.marriott.com/hotels/travel/amsnt-amsterdam-marriott-hotel/




موقع ممتاز تحت الفندق علي طول كل محلات الفاست فوود

ومحل فلافل كان عجيب اسمه Maoz


http://www.maozveg.com/pages/show/46


وجمع المحلات تكون تحت الفندق


وتروحين حق الدام سكوير مشي اقل من عشر دقائق

 

[غيـ الناس ـر]

بهولندا اذكر الفندق اسمه nh

وايد كان موقعه حلو بالسنتر عند الساحه مالتهم اللي فيها شوز وهالسوالف ..


وايد ناسها حليوين امستردام بس لا تطلعين بالليل كله محششين لوول ووصخه المدينه يعني وصخ مكانها ووايد عندهم ال.... شوب حق السوالف القذره . .

مو مالت اكثر من 3 ايام وايد عليها

 

[3e6er alwrd]

فندق فيكتوريا وكروان بلازا و nh كلهم سطرة وحده عند المحطة, بس نصيحة اذا بتروحين هولندا روحي منطقة اسمها شغيفننغ بلاهاي وايد عجيبة

 

[نوراامينا]

ما أنصح كلش بهولندا رحت ماعجبتني وما ارتحت لين طلعت منها........ بالنسبة لسويسرا ماشفت ديره احلى منها ومن الفنادق الزينة فندق بريستول على بعد خطوات من البحيرة وأيضا فندق وارويك مقابل محطة القطار و5 دقايق مشي الى البحيرة وسعره معقول واذا تبين تروحين لوزان وتقعدين فيها عندج الموفنبيك مقابل البحيرة ولازم تروحين مونترو بس موشرط تنامين فيها روحي وردي , استقري بمكان واحد وتنقلي وبدال هولندا روحي ايطاليا ميلانو كلها 3 ساعات بالقطار ولما تخلصين ردي جنيف ومنها اخذي طيارتج لي الكويت .

 

[*ام ديم*]

هلا حبيبتي
ترا السفر بشهر 6 وايد احلى وشهر 2 مارح تشوفين جمال سويسرا من الثلج
وفنادق شوفي هالرابط ان شالله يفيدج
شقق وفنادق في انترلاكن
http://travel.maktoob.com/vb/travel216569/
شقق فندقيه في جنيف (يمدحونها)
http://travel.maktoob.com/vb/travel51042/
ودعواتج لي بتسهيل الحمل والولاده