سويت ليزر Full Bodyحيآكم ..

[Gorgeous ~]

السلام عليكم والرحمه

كيفكووون صبآيا ؟
طبعا هاذي اول مشآركه لي بالمنتدى الجميل :eh_s(17):
احم احم انا عرووس وقلت راح اسدح لكم تجربتي لليزر full body
المناطق ( الويه - الاندر آرم - اليد- والريول - البكيني )

طبعا انا وايد احترت اذا اني اسوي ليزر او استسلم للحلاآوه والالم والموووس ولوعه الجبد
بعد تفكير طويل وعزيمه واصرآر قررت اني اسوي وبدون اي ترآجع :eh_s(15):

يلآ تعالو معاي اقولكم طبعا كل اللي سويته جلسسه وحده توي بآديه . .
اول شي رحت العياده وقابلت الدكتووره حدها انووثه ونعوومه واسلوب شي وآآآو
وشافت شعر جسمي وقررت نوع الليزر والمناطق اللي راح تسويهاآ ,,
وعطتني موعد بعد اسبوع

ومر الاسبوع بسرعه وقبل الموعد ب 3 ساعات شليت شعر جسمي كامل بالمووس تعبت :eh_s(1):
الا الويه طبعا لان الدكتوره قالت لي اكبر غلط اللي يسون ليزر للويه يشلون بالموس
لان الموس يطلع حبوب ويسوي خشوونه فالبشره .. المهم خلصت وحطيت المخدر على منطقه
البكيني وعلى ويهي والاندر ارم قبل نص ساعه بالضبط .. ( المخدر هاذا شي عجييب الصراحه افضل
من املا بمليييون مره املا نسبه تخديره 8% وهاذا نسبته 20% اتخيلو خدرر المنطقه بشكل عجيب وتمت المنطقه مخدره تقريبا لمدة 3 ساعات !
بس مايتحصل بأي مكان الا بالعياده لان يطلبونه من برآ ومكتوب عليه انه لاستخدام الليزر
ف ما اتوقع انه يضضر ومرات يخخلص من عندهم وهاذا اسسمه inka 20%:eh_s(11): ))

وصلت الموعد والدكتوره عطتني لبس نفس مال المستشفى اللي لايستر ولا يفضضح ههههه
ومسحت المخدر عن المناطق اللي ذكرتها وبدت اول شي بويهي طبعا هم عندهم جهاز حراري يشل
شعر الويه بدل الموس .. وعقبها سوتلي ليزر والالم كان محتمل جداا وخفييييييف

بعدين سويت ريولي واهنيه بدت المعاناه هههه الم فضييع لاني ماحطيت مخدر اممم الالم نفس الم
الحلاوه بس اخف بشوي وحآآر والايدين نفسس الالم ,,

طبعا كلما قربنا للعظم يزيد الالم وايد والاعضاء اليسار دايما تعور اكثر عن اعضاء اليمين لان القلب
صوب اليسار هاذي السستر قالتلي ,, :eh_s(17):

الاندر ارم ابد ماحسييت بولا شي تخيلو هي خلصت وكل شي قلتلها : معقووله خلصصتي ؟ :eh_s(9):
يعني الحمدالله ابد ابد ماحسيت بـ ولآ شي ..

واخر شي منطقه البكيني .. بنات بليز ماابا وحده تقولي حرام ومادري شو لان .. الحلاوه مؤلمه وانا
ماقدر اتحمل المها ولا الحبوب اللي تطلع ولا اقدر اسوي لنفسي بهالمنطقه خصوصا لان الشي يبيله
خبره ومعرفه ومب معقوله اني اسوي حق عمري بدون اي خبره ما اتجرأ المهم اول شي كنت مستحيه
بس قلت يوم يقرب عرسي راح اتمنى لو اني سويت ليزر وماراح يفيدني الندمم كلشش !

~


أنصح كل عروس انها تبدي تسسوي ليزر ياهي نعومه وياهي نظافه وياهو بياض ,,
هاذا كله من اول جلسه ., ماِآشاء الله وعندي جلسه ريتوش بعد 9 ايام :eh_s(17):

استقبل استفساآآراتكم واسألتكم .. ~

 

[** رش رش **]

أحسن شي سويتيه و أشجعج بقوة

 

[أسرار الجمال]

كم خذا منج وقت الجلسة وجم فلوس اختي وكم جلسة وتتهنين انشالله

 

[alnoori]

نفس سؤالها بجم و الوقت و اي عياده و شنوو اسم الدكتووره ..

وموفقه ي قلبي

 

[Gorgeous ~]

انا من الامارات ><
وخذت باكج العرايس بـ 17 ألف
وبديت من الساعه 6 ونص خلصت 8 بالضبط
العياده اسمها سيلكور واتوقع موجوده بالكويت

وهاذا السايت مالهم
Silkor - Laser Medical Center

يعطييكم العافيه على احلى مرور

 

[أسرار الجمال]

مشكورة اختي

 

[مذهلة2013]

احسن شيء حبيبتي الليزر يبيله واااااايد جلسات

 

[Pinky -cat]

فعلا انا بعد انصح بالليزر نتيجته حلوة

 

[M!SS.LOBY]

مشكوورة أختي

 

[إيمــآن الكويت]

.
.

زين سويتي الليزر وايد مريح


بس البكيني جد حرام ولا تزعلين لانه في شغلات بديله
مثل اللة نزع من فيلبس البكيني روعه


والله يوفق الجميع

 

[al_sheikha]

احسننن شي سويتيه راحه الليزر

 

[أميـــرته]

والله انا اشجع العرايس عالليزر
حيااااه
انا ان شالله ناويه عليه

 

[Gorgeous ~]

يعطييكم العافيه حبيباتي =)

 

[LoLaTi]

احلى شي الليزر
بس الدكتوره جم جلسه قالت لج تسوين؟؟؟
انا الدكتورة قالت لي 6 جلسات بس عديت ال 6 جلسات ومافي نتيجه مادري شسالفه اكمل ولا اوقف ولا العياده ليزرهم خرطي
اسوي بياكو ابولو ورويال حياه

 

[Gorgeous ~]

قالتلي الجسم تقريبا 6 - 7 جلسات
اما الويه يمكن 8 جلسات ..

 

[Ēŋѕαnħ ツ]

ما شاء الله تبارك الله
تتهنين اختي
مبرررروك الله يتمم لك على خير

 

[TnaHed_2]

وانا سسويت مثل فول بدي وهذي ثاني جلسه والحمدلله خف تمام وبكيني بيبي نعوووووووومه نظاااااااااافه يعني ثقي هع هع
موووفقه حبيبتي

 

[Gorgeous ~]

الله يبارك فحياتكم
مشكورين حبيباتي على التوآجد ..

 

[@ DLOO3TAH@]

أحلى شي سويتيه

 

[Mrs_Efron]

wain sweteh?