سويت كارثه و مصيبه بحق مستقبلي فيدوني الله يوفقكم

[bal8es]

سلام عليكم

بناااات لحقوني سويت كارثه بحق مستقبلي
انا كنت مقيده بكلية العلوم جامعة الكويت و وقفت قيدي والعذر كان زواج
الموهم عقبها سحبت :eh_s(14): ع اساس ان راح انقبل بعثه داخليه واليوم طلع القبول قابيلن بناااات اقل مني نسبهم :eh_s(11)::eh_s(11): وانا مو قابليني

انا قبل ما اسحب قالت لي الموظفه اقدر ارد عقب لجنه وما ادري شنو :eh_s(10):
انا عندي عذر الزواج و امور صحيه لزوجي مو لي
الحين اذا برد قالت لي بس تيبين شهادتج وجذي في احد عنده فكره وين ارد قيدي يعني اروح كليتي وعقبها شويخ ولا اول شويخ عشان اللويه؟؟:eh_s(10):
انا مو مخلصه شي وعندي انذار معدل بالعلوم صارلي سنه ونص بالجامعه
لاعبه فيها
الحين غير السؤال الي فوق تنصحوني ارد و احول من العلوم لي اجتماعيه ويبيلها السالفه لويه ادري و مجهود خصوصا ان اذا برد ع وضعي القديم برد علوم وعندي انذار معدل عام,,, الحين جامعة الكويت حلوه و قويه ادري ولا اخذها من اصيرها و اروح تربيه اساسيه اشوف لي تخصص سهل انا نسبتي 78 زينه يعني

احس روحي ضاااايعه كنت ابي حقوق وانقطيت علوم و مو قادره امشي فيها ومالي امل بالحقوق بيباي فـ اختي تقولي روحي تربيه اساسيه احسن من لا تنفصلين الدكاتره ما يساعدون بالجامعه(لها تجربه تعيسه مع الزواج والجامعه ادت الى فصلها من الجامعه الموقره) وامي تقولي انتي وين والتدريس وين وريلي يقولي روحي تربيه واخذي تخص تافه مايحتاج تعب ما ادري محتاااااره اقتصاد او تقنيات
ما اشوف روحي بولا شي وعقب هالويه اصلا مفكره اخذ الشهاده اعلقها واشتغل بعدين بهوايتي اواي بطيخ ثاني
:bbbiu:

الي ماعندها حل حق كارثتي ترفع الموضوع بدعوه والله يوفقها انشالله :yaaaaaarb:​

 

[جلكسيه اس 3]

ههههههههه ضحكتني امج
والله مادري شقولج
حاسه انا نفسج احس ماكو تخصص يلوق علي حلوه هذي يلوق هههههه
المهم حرام بعد كل هالتعب يضيع و اتخلين شهادتج بس جذي معلقه
انا مع زوجج عدل كلامه اخذيله تخصص سهل
و عن الاساله الي فوق والله ماعندي علم ان شاء الله البنات يفيدونج

 

[Ray.Bana =$]

الجامعه يبيلها مجابل وتعب ودراسه روحي تربيه اساسيه احسن وصح اخذي تخصص سهل ترتاحين فيه مثل الاقتصاد المنزلي والله يوفقج انشالله ويفرجها عليج وانشالله البنات يفيدونج اكثر

 

[نــوره]

انصحج حبيبتي استخيري بالاول وبعدين اسحبي اوراقج من الجامعه و قدمي ع التربيه الاساسيه احسن لج واريح واخذي لج تخصص سهل احس كليه العلوم يبيلها وحده متفرغه كلياااا للدراسه :/ وعلوم اجتماعيه هم حلوه تخصصاتها بس لازم يكون معدلج3 نقاط ومجتازه مادتين من مقرراها بقريد لايقل عن ( -c) اتوقع

وبالتوووفيق :*

 

[وحَـــــــــش**]

السلام اختي اذا تبين رايي فأقولج قدمي عالتربية الأساسية تخصص مريح بالوظيفة مثل فنية أو اقتصاد أو تقنيات أو مكتبات (بس ترى دراساته صعبه شوي المكتبات)لأن مثل ما تقولين انج مالج بالتدريس وكليتج صعبه حيل دراستها (ورفيجتي تخرجت من الثنوية بتفوق ودخلتها وضيعت فيها سنتين عالفاضي وآخرشي قدمت عندنا علوم واقبلوها وألحين مستقرة ما شاءالله عليها)ولانج بعد ما تقدرين عالتحويل 00والعلوم الاجتماعية هم مستقبله مو هذاك الزود وأغلب اللي تخرجوا منه صاروا مدرسين علم نفس وفلسفه00وبالنسبه للدكاترة عندنا أحسن شوي من دكاترة الجامعة ويراعون وما يعطونا كميات رهيبه للمناهج مثل الجامعة بس بالنهاية لازم تهتمين وتدرسين وما تهملين شي ولا بتتوهقين بانذارات المعدل اللي ملعوزة ثلاث تربع بنات كليتنا00واما تفكيرج بخصوص انج تعلقين شهادتج بالبيت وما تدرسين 00فما أأيدج عليه وخاصة انج توج صغيرة وبأول العمر وصدقيني زمنا هذا ماينفع المره فيه غير شهادتها وزمنا كله صار زمن شهايد يعني وين بتتوظفين على رابعه ثانوي؟؟وبالنهاية القرار لج حبيبيتي واوصيج بالدعاء الليل والنهار ان الله يفرج همج مع الدراسة ويكتبلج اللي فيه الخير وعليج بالاستغفار دايما بنية تفريج همج بالدراسة بعد00ووكلي امرج لرب العالمين وانتي تشوفين الخير ان شاء الله واسفه عالاطالة 00سلام

 

[Nmnoum]

صراحةً مآ عندي فكرة بس موفقة إن شاء الله

 

[أمل بعد ألم]

روحي تربية أساسية الجامعة الحين ضغط علي الدكاترة
روحي مكتبات و لا اقتصاد

 

[قطيووه^_^]

اب اب

 

[فخر البداوه]

الله يعينج اهم شي كملي دراستك

 

[همسات شقاوي]

تربيه الاساسيه اريحلج ..

اب اب

 

[الحورية الصغيرة]

أنا فهمت من الموضوع انج سحبتي أوراقج و أنج دفعة 2010

أول شي إستخيري وين تروحين وين تشوفين نفسج بعد التخرج ؟؟ هل تشوفين روحج مدرسة ؟؟ قانونية ؟ محاسبة و ربعها ؟؟

اذا حييييييل حابة الحقوق دشي على حسابج كلية القانون العالمية و و يبي معدل و حولي بعثه متفوقين

و نفس الكلام ينطبق على المحاسبة و ربعها في باقي الجامعات الخاصة و بعد تدريس أنجليزي في gust

و روحي التعليم العالي شوفي ليش مو قابلينج ؟يمكن ناسين إسمج

اذا حيل حابة التدريس قدمي على التربية الأساسية او ردي قدمي جامعة الكويت

 

[krkooora]

حلوة فكرة انج تروحين تربيه اساسيه
لانه كلش على قولة اختج انا معاها الدكاترة ما يقدرون لا متزوجه ولا مريضه ولا حتى تبين تموتين !
ومدام انتي مو ماشية بكلية العلوم كلش و موحابتها و تبين شي سهل انصحج تروحين تربيه اساسيه ولا معاهد التطبيقيه تكنولوجيا التجاري و غيره مستقبله زين

 

[al-shyo0o5]

الله يووووفقج حبيبتي
آهم شي كثرة الاستغفآر و الصدقهه و الدعآآآآآآآآآآء
و دآيمآ رددي : اللهم اشرح لي صدري و يسر لي آمري


بـ آلتوفييق​

 

[شموخ احساسي]

بصراحه حدج ضيعتي من عمرج بس مو وقته تلومين نفسج
اذا مالج بالدراسه نفسي قدمي ع التربيه الاساسيه بس مو معناته ماكو دراسه امبلا في بس اسهل مقارنتاً بالجامعه والله يكتبلج إلي فيه الخير يارب موفقه

 

[اجياد]

صباح الخير ...برأي التربيه الاساسيه افضل حل، الجامعة راح تكون بالنسبه لج ضغط كبير ، وبالفعل الدكاتره مايساعدون وبالذات في كلية العلوم.

الله يوفقج​

 

[Zen&7ala]

حبيبتي


لا تقصين على نفسج


شوفي انتي وين تقدرين تمشين و روحي

بسرعه قبل لا تكون شهادتج قديمه !!

لان اذا قديمه يودونج التجاري او معاهد و مادري شنو حرام لحقي على نفسج

 

[احلى ميمو]

استخيري قبل كل شي وربي يكتب لج اللي فيه الخير ان شاءالله

موووفقه يارب