سويت عمليه شفط وشد والحين الف الحمدلله انه حامل

[ام فطوووم]

السلام عليكم بنات حبايبي مثل ما انتوا شافينين الكتاب امبين من عنوانه
انه سويت من شهر 6 اللي طاف عمليه شد وشفط للبطن
والحين انه حللت وطلعت حامل الف الحمدلله ادعولي اييب ولد حق بناتي
المهم بغيت اسال منو اللي سوت نفس عمليتي واحملت
واشلون الجرح معاها والبطن رجع مثل ما اهو؟
وشنو النصايح اللي اتبعتها؟

وسؤال ثاني انه الحين طاف علي فتره ولازم اراجع
فانه باذن الله ان الله تمم حملي ناويه اولد بالمواساه
وااااايد ارتاح لهم
بس بغيت اعرف منو الدكتوره اتكون زينه
وثقه من بعد رب العالمين انها اتولدني ابهالمستشفى؟

 

[طيــــــــــــف]

اب
اب

 

[ام فطوووم]

الله يرفع من شانج وقدرج مشكووره 

 

[ريـــ205ـــم]

والله ما عندي فكره ربي يسهل عليج انشاالله
اب اب​

 

[ام فطوووم]

مشكووووووره حياتي والله ايتمم عليج حملج وتولدين بالسلامه

 

[أنهار الكويت]

والله ماعندي فكره ياقلبي وانشالله تحصلين عاللي تجااوبج وتريحج
بس بغيت اسألج جم سؤال ... عمليه الشفط والشد شلون نتيجتها؟؟؟
حلوووه والااا روووعه !!! يعني شكثر فرقت عليج بطنج!!!
صارت راده داخل والا سمبتييييك على قولتهم ؟؟؟
لاني حيل مفكره اسويها بس احمل واولد باذن الله
وهل اقدر اسويها بوقت الولاده اذا ولدت قيصري ؟؟؟
والشق كبير والا صغير ؟؟
ادري اسألتي وايد بس اكيد مريتي بنفس هالمرحله اول ما نويتي تسوينها
والله يسهل علييييج يارب ويرزقج بالولد الصالح لج ولخواته ولابووه يااااارب*

 

[توحه1]

حبوبه راجعي مع اخصائي تغذيه تبع عمليتج عشان تحافضين على وزنج ووزن البيبي مع عمره موتروحين حيالله دكتور دكتورج الي كنت تراجعين عنده وبلغيه انج حامل يثبتلج وزنج اوا زيد منه بكيلوين والبيبي بعد يتغذى صح

ربي يسعدج ويهنيج ويعطيج الي فيه الخير لج ولعايلتج

 

[أأأميرة الورد]

نفس اسئلة الاخت انهار الكويت

 

[ام فطوووم]

هلا والله انه الحمدلله ابحمالي ما ازيد
يعني التوتل لي التاسع ممكن اصعد ٥ كيلوات
لا الحمدلله انه من هالناحيه موخايفه واكلي بالحمال ايقل مايزيد
ولاني اصلا قبل الشد كنت امسويه تكميم معده
بس انه اللي خايفه منه تمدد الجلد بالحمال هم ممكن ان يتغير والا ايرد عادي
انه حاجيت دكتوري وطمني على كل شي
بس قالي اشتري كريم روك وكل يوم تدهني فيه من الرقبه لي الفخوذ



بالنسبه للي سألوا عن العمليه
شوفي ممكن لاولدتي قيصريه اتسوين الشد
جذي جذي بنج والم وانج قاعده فتره بعيده عن ريلج
بالنسبه لنتيجه الشفط الف الحمدلله عالصحه
بالنسبه لفخوذي النتيجه حلوه مقارنه لقبل والنتيجه مو ١٠٠٪
لان ماسويت شد معاه
اما بطني الحمدلله سويتله شد وان مع لبس البديات والا الشغلات اللازقه
بالبطن عاااادي ولا عندج كرشه ولاشي
بالنسبه للشق اهو من خاصره لي خاصره
ولان انه ماعندي ترهل بالظهر فماحتاجوا ايشقون لي ظهري
والنتيجه الحمدلله مقارنه للاول وااااايد مرتاحه
بس همن مو النتيجه اللي توقعتها 

 

[أنهار الكويت]

انشالله ما تتمدد بطنج ولا يخرب كل اللي سويتيه يارب وتولدين وتقومين بالسلامع ياااارب

حبيبتي بس بغيت اعرف اذا ممكن انتي بطنج قبل الشد والشفط كبير والا كرشه صغيره ؟؟

انا الصراااحه متأمله ان بطني عقب العمليه تضير مثل بنات البكيني عرفتييييهم اللي سيييييده ومشدوووده
لووووووول احلاااام ورديه
شفط الفخوذ جم يكلف؟؟؟ ويرووح السليووليت مع الشفط او يظل؟؟

 

[" ام حمود "]

الله يسهل عليج .. بس ماعندي فكره وحده سوت عمليه
شفط وحملت بعدين .. ان شاءالله البنات يفيدونج

 

[ام فطوووم]

هلا حياتي البطن سيييده بس اهو في تف اخر البطن
عشتوووو الدكتور ايقول هذا شي جمالي
بس انه ماحبيته
بطني لاكان عادي بطن صغير كريشه
بس اهو ماله شغل اذا الجلد عندج ايشيله لج
وفخوذي السليوليت واااايد خف
بس يبيله شد مالج شغل فيهم ايقولولج مايحتاج وايشد بروحه
لا مايشد
وانه انصحكم فيها 

 

[ام فطوووم]

ام حمود مشكوووره حياتي عالمرور 

 

[أنهار الكويت]

الله يهنيج حياتي
وفي سؤال اخير وادري بتذبحيني
ماعليه تحمليني شوي
جم كلف عليج شفط وشد البطن + شفط الفخوذ
وعند منو سويتها؟؟
ومشكوووووره وااايد

 

[ام فطوووم]

ههههههه
لاحياتي اشدعوه اخت عزيزه وغاليه
اخذي راحتج حبيبتي
سويتها مع صدري سليكون ٣٩٠٠ تقريبا
بالسيف
اهو الدكتور من بره المستشفى
اشرف عبد القادر اللي بعياده بوشهري كلينيك

 

[ام فطوووم]

اب اب 

 

[ام حمد 85]

عسى الله يتمم عليج ويرزقج بالولد الصالح وسالفه الجرح مال العمليه افضل لج تسالين دكتور الولاده واتبلغينهم انج سويتي عمليه واشكثر طاف عليج عشان احتمال كبير يولدونج قيصري عشان مايتبطل خياطج وعسى الله يسهل عليج

 

[ام فطوووم]

لا انشالله ما اولد قيصري الله لايقوله
وانه صارلي 4 شهور واشوي من سويته
والدكتور طمني عالجرح بس كنت ابي تجارب بنات
واشوف بعد العمليه شنو صار معاهم

 

[حبيبة عز]

ماشاء الله لا قوة إلا بالله ..​

الحمد لله الذي بنعمته تتم الصالحات ..​

ألف مبروك إن شاء الله ..​

والله يتمم عليج ويرزقج .. ويهون عليج يارب ..​

بس حبيت أدعيلج وأباركلج ..

واللي أعرفه أنه أخت رفيجتي مسوية عملية تحويل مسار ولما حملت

طلبوها منها ملف العملية كامل ..

علشان يعرفون يتعاملون مع حالتها ..

​

 

[ام فطوووم]

لا انه كنت امسويه تكميم من سنتين واشوي
وحملت ابنتي عااااادي وولا احد طلب مني شي وقالولي الامر طبيعي
ونفس الشي الحين قالولي عادي
بس اللي ابي اعرفه من تجارب البنات وانهم شافوا بعيونهم
هل العمليه تتاثر والا عادي ايرد كل شي مثل ماكان ��