سويت عمليتي الشفط والشد

[امراة الاسد]

بسم الله الرحمن الرحيم

بقولكم تجربتي مع الشفط والشد
انا سويت عمليتي يوم الاربعاء 15-9-2010 بس علبالي انه يوم الخميس سوري اهو كان يوم الاربعاء
بمركز الزهير عند دكتور احمد المسلم بسم الله مشاء الله عليه خوووش دكتور

الصبح الساعه 8 انا كنت عندهم بالمركز وبعدي مو مستوعبه اني بسوي عمليه وعادي وموخايفه كلش جني حلمانه
اول مادشيت عطوني اللبس واندر وير وكبوسهم دشيت تكرمون الحمام ولبست وعقبها قعدوني علي الفراش وكنت متربعه وامي كانت قاعده يمي ويمي سسترتين وحده تقيس حرارتي والثانيه تقيس الضغط وتحط الدرب وانا عادي ولا خايفه مو مستوعبه بعدي خخخخخخ​

 

[امراة الاسد]

رد : سويت عمليتي الشفط والشد

بحط لكم جم صورة بس مو عارفه اشلون ؟؟؟
قولولي اشلون الطريقه ؟؟؟؟

 

[أوكسجين]

الحمدله على سلامتج

 

[ام عمر ومريم]

حمد الله على سلامتك حبيبتى

يا ريت تحكى لنا عن عوار البطن بعد العملية شلون

 

[خباري مطر]

رد : رد: سويت عمليتي الشفط والشد

كلللوش الحمدلله علي السلامه تصدقين ماعرفج ولا تعرفيني بس ياربي من تكلم وحده بطه حميسه عن تجربتها وتنقلها بصدق وصراحه احس حيل بمعاناتها وحيل افرح لما تكون فرحانه تدرون ليش للان حتي انا بطه حميسة وعيت رجيمات العالم توالمني وتضعفني بس عشان جذي انا بسوي نفسج وعسي ربي يناولج اللي بالج وتهنيتي وعلي الغالي ماونيتي

 

[خباري مطر]

رد : رد: سويت عمليتي الشفط والشد

موتزعلين يوم قلت بطه حميسه هاااااااااااااااااه

 

[ام عيالها الغاليين]

لاتحطين صور

بس نبي بالتفصيل الملل

تكلمي عن العوار وشكل البطن بعد العملية مباشرة

يعني سوي لنا مثل اليوميات

 

[LaLi chocolate]

حمدالله على السلامه وانا بعد اقول نبي نعرف بالتفصيل الممل عن العمليه وبجم واشلون العوار ناطرينج :eh_s(20):

 

[الغنج والدلال]

حمد الله على السلامة

 

[LaLi chocolate]

حمدالله على السلامه وانا بعد اقول نبي نعرف بالتفصيل الممل عن العمليه وبجم واشلون العوار ناطرينج :eh_s(20):

 

[عطر البوادي]

رد : سويت عمليتي الشفط والشد

ألف الحمدلله على سلامتج حبيبتي ويااارب تتهنين باللوك اليديد
ناطرين ذكر تجربتج

 

[امراة الاسد]

رد : سويت عمليتي الشفط والشد

باك رجعت لكم
المهم وين وصلنا

وصل الدكتور الساعه 9 الا ربع وقالي قومي اوقفي وطبعا امي طلعت من الغرفه وقعد يشخط علي الجسم من تحت الصدر والبطن والظهر والخواصر كله ورسم علي كيف كيفكم وقالي انسدحي وهم شخط وضبط المهم كنت حدي مستحيه اووووووووف حدي حدي


عقبه ما حطولي الدرب شوي ولا تحط داخل الدرب محلول ثلاث مرات وانا اقولها تري انا مو دايخه واخاااف حدي اتقولي بتدوخين قلت لها انشوف اشلون بدوخ ما مداهم طلعوني من الغرفه ولا انا نااااااايمه بسااابع نوووومه وبطلت عيوني








ولا




ولا



ولا ريلي وامي وخالتي جدامي
وقعدت اخربط بالحجي واقول وين كرشتي وين حبيبتي اللي طول عمرها مرافجتني ابييييها مشتاقتلها واااايد
واهما ماصدقوا علي الله قاعدين يسجلون صوتي وانا مخدره بعدي من البنج

المهم بليل شوي حسيت ان البنج خف مني بس ماقدرت اقوم لان حدي دايخه وقاعدين يحطون لي مسكنات ومهدئات بس انا كنت مخلصه العمليه وملبسيني الكورسيه بعد ومو مصدقه والله عبالي بعدي حلمانه
المهم شفط لي بطني وظهري وطلعوا 8 ونص لتر ومن الشد البطن 5 كيلو قبل العمليه كان وزني 113 وعقب العمليه وجسمي كله منفخ وماي وطلع وزني 117 وحاطين لي بربيشين مكان جرح العمليه


صار بليل حطولي منوم عشان اقدر انام
طبعا ما نمت الا بالغصب عواااار بس تري مو وااايد لان المهدئات تسوي شغل
طبعا كل شوي يغيرون لي الدرب
صار الصبح ولا تقول لي لازم تقومين تمشين شوي علي الاقل تدشين الحمام وساعدوني وقمت بس كنت حدي متكسره وبالغصب اتحرك وخاااايفه
عقب شافني الدكتور قال احنا جذي انتهت مدتنا وانتي اللي عليج تمشين عشان مايصير تجلط بالدم وماتسوين جهد وعليج بالسوائل واكلي عادي ومراجعتج يوم الاحد اللي اهو باجر 19-9-2010
وقال الكورسيه ما تفصخينه كلش مسحي جسمج بفوطه بدون سباحه ادري مو شي بس شسوي عشان الجرح
وشنو بعد شنو بعد وقالي يبي الادويه من الصيدليه شريتهم ب30 دينار
وسعر العمليه 2000 بس انا دفعت 2150 مادري ليش ومع الكورسيه مع انه ما يستاهل يلوع الجبد وغالي علي الفاضي بس شسوي ميخالف
والحمدلله رجعت البيت وقاعده اتحرك شوي شوي وانا اليوم احسن من امس
واللي حابه تسال عن شي انا حاضر
انا ماشفت جسمي عدل بس من بره النتيجه روووووووعه وحدي مستانسه مع اني منتفخه من البنج والشفط بس الكل يقول جسمج صاير غييير والحمدلله وايد مرتاحه

 

[امراة الاسد]

رد : سويت عمليتي الشفط والشد

بناااااات نسيت اقولكم
امس يت لي الدوره ويييييييه ودي اقول حياج الله بس مو وقتج والله
علي فكره الكورسيه في فتحه من تحت وييييييع ادري بس شسوي لازم اتحمل

 

[صبر العمر]

الحمد لله على سلامتك

 

[خباري مطر]

رد : رد: سويت عمليتي الشفط والشد

الف الف الحمدلله علي السلامه ويارب تهنين بالنتيجه وتعجبج ويستر عليج من العين

 

[ام عيالها الغاليين]

الف الحمدلله على سلامتج حبوبة

انتي شديتي بطنج صح؟ شلون العوار بالبطن ؟

 

[امراة الاسد]

رد : سويت عمليتي الشفط والشد

اي شديت بطني بس والبطن والظهر شفط والخواصر بعد
يعني مافي بطن خلاص افتكيييت وارتحت
اي اكيد في عوار بس مع الادويه سهاله انشالله
بس امس وانا اقوم اخ شديت علي نفسي وعورني بالنص اخر البطن صوب الخياط والصبح بعد وحدي خايفه واليوم موعدي المغرب واشوف شيقول لي الدكتور

 

[*الغالية*]

انشالله تتهنين بجسمج يارب

 

[خباري مطر]

رد : رد: سويت عمليتي الشفط والشد

ناطرينج ياحلوه

 

[امراة الاسد]

رد : سويت عمليتي الشفط والشد

هااااي بناات