سويت عملية تجميل لانفي ... والنتيجه للاسف

[rola]

السلام عليكم .... أنا سويت عملية تجميل لانفي قبل شهر تقريبا عند دكتور إيراني ....المهم اول ما نزلت الجبس..... حسيت أني مشوهة وقمت أصيح شكل خشمي تغير تغيير كبير ....حسيت انه ما في خشم ...للاسف الدكتور ما فهم شو كنت ابي..... أنا كان خشمي طويل وفيه انحراف وكسره بسيطه وفيه فتحه اللي صوب الانحراف اتنفس اقل من الفتحه الثانيه بس والله يوم كنت اتصور قبل احس انه سبحان الله متناسق مع ويهي..... المهم يوم نزلت الجبس وشفت خشمي ما شفت عظام الدكتور شل خشمي شل للاسف سواه علا ألطريقه الايرانيه اللي ما تناسب ملامحي العربيه..... والله احس انه ويهي مركب الخشم علا صوب والعين علا صوب. وملامحي اتخسفت...يعني بالعربي مب متناسق ...والله فكرت انتحر بالبدايه وصحت لامي وخليتها تصيح مسكينه عذبتها ويايه.... والصراحه الحين متردده ارد البلاد ماقدر أشوف اهلي وربيعاتي ولا اقدر أسير الدوام والحين أنا مستقره ويا اخوي برع البلاد في اجازتي السنويه هو اللي واقف ويايه... وبرد عقب اسبوع..... والله يا بنات انتظرت شهر علا اساس الورام يخف خف شويه والعظام بينت شويه بس مع ذلك خشمي صار افطس و ويهي مركب احس انه مش قادره أتقبل شكلي قاعده أشوف صوري قبل وأبكي ..... الله كريم يارب والله اييسرها لنا يارب ------ يابنات اللي ملامحها عربيه وخشمها طويل في الأساس وحلو بس فيه كسره او منحرف ما تقصها قص يعني الدكتور الايراني يسويه صغير ومرفوع.... و بيصير مب متناسق مع ويهج ...يعني شكلج بيتغير بالكامل للأسوأ لانه ما يناسب ويهج..... ادعولي انه اهلي وربيعاتي يتقبلون خشمي اليديد.... والله كريم يارب.... والله لو الزمن يرد شويه كنت برضا باللي عندي..... الحين خشمي افطس من فوق يعني ماشي عظم والارنبه كبيره شويه ومن علا الجوانب يمشي الحل والفتحات احسهم مرات عاديه ومرات كبيره .... استغفر الله العظيم... اللهم أني ظلمت نفسي ظلما كثيرا وانه لا يغفر الذنوب اللا انت فاغفر لي مغفره من عندك وارحمني انك انت الغفور الرحيم.... استغفر الله ... استغفر الله ... بنات بليز أوقفو معايه محتاجه لوقفتكم وشويه حنان... والله تعبانه نفسيا ...*

 

[alhelwa777]

الله يعينج اختي.. بس ترا شعور عادي يبيلج وقت لين تتقبلين ملامحج الجديده اصبري شوي
بس ممكن سؤال؟ شسم الدكتور الي سويتي عمليتج عنده؟

 

[جوري الجبيل]

حبيبتي كل شي يههههههههههههههههههووون وخشمك بالوسط ولا طويل مثل حالتي ومااااايل كبنا فلوس بالفاضي حسبي الله ونعم الوووكيل
بالنسبة لي اعششق الخشم الصغير المرفوع والدكتور اللي سوا لي رفض يصغرة ولا يرفعه

مع الايام والله تنبسطين بخشمك

 

[granted]

انا اكتشفت ان خشمي فيه ميلان من صورة البطاقة الشخصية اول مرة اكتشف هالشي
بس مو مفكره اسوي ولاشي فيه
انتي حبيبتي يمكن مو متقبله شكلج اليديد حاولي تنسينه شويه لاتمين تطالعين روحج بالمنظرة ترى بتعقدين ازود
وماعليه انتي بعدج مسوية العملية فمو متقبلهالتغيير اليديد
لاتضايقين حبي

 

[rola]

الله يعينج اختي.. بس ترا شعور عادي يبيلج وقت لين تتقبلين ملامحج الجديده اصبري شوي
بس ممكن سؤال؟ شسم الدكتور الي سويتي عمليتج عنده؟

هلا اختي.... ماقدر أقولج لأني ماقدر اقطع رزق الدكتور هو سؤالي شرات خشوم الايرانيين وهذي طريقتهم ..... مشكوره علا مرورج ودعواتج لي...

 

[rola]

حبيبتي كل شي يههههههههههههههههههووون وخشمك بالوسط ولا طويل مثل حالتي ومااااايل كبنا فلوس بالفاضي حسبي الله ونعم الوووكيل
بالنسبة لي اعششق الخشم الصغير المرفوع والدكتور اللي سوا لي رفض يصغرة ولا يرفعه

مع الايام والله تنبسطين بخشمك

لا خلاه سيده..... الحمد الله جت سليمه في هذي وعسا الله يجملنا يارب

 

[rola]

انا اكتشفت ان خشمي فيه ميلان من صورة البطاقة الشخصية اول مرة اكتشف هالشي
بس مو مفكره اسوي ولاشي فيه
انتي حبيبتي يمكن مو متقبله شكلج اليديد حاولي تنسينه شويه لاتمين تطالعين روحج بالمنظرة ترى بتعقدين ازود
وماعليه انتي بعدج مسوية العملية فمو متقبلهالتغيير اليديد
لاتضايقين حبي

الله بخليج بس هالخشم واساس ألويه..... الله كريم

 

[rola]

بنات ابي وقفتكم ودعواتكم.... قولولي شو اسوي ....

 

[lady قاقا]

حبيبتي سلمي امرج لله وحاولي تتقبلينه وحبيه.. بالبدايه يبين مرفوع عطيه بس كم شهر ترد الدهون بالخشم وبيعتدل صدقيني هذي مب النتيجه النهائيه لان يحتاج وقت يرد الماي والدم والدهن وتتجدد الخلايا بيمتن وبيكبر عن احين صدقيني وانتي حاولي تلعبين فيه بالميك آب اذا ماتبين حد يلاحظ تغير كبير فيه لين مايرد ينتفخ وترجع الدهون تتجمع فيه

 

[$نرجس$]

الحمدالله على سلاامتج ولاا اتخاافيين رااح يفش ويطوول ان شاءالله الحيين واارم وحطي اللزقاات ظرووري طول الشهر لا اتخليينها اهي الي اتخفف الورم بسرعه

 

[laymona]

نصحينا عشان لا نسوي عنده

 

[keka89]

نطري شوي عليه راح يتغير شكله انشالله للاحسن
بعدين شفيج ماتبين تقولين اسم الدكتور مارح تقطعين رزقه بس حذري البنات الي مايحبون الخشم الصغير شهنحاسه الي فيكم يا البنات واي

 

[Ruby~]

الله يهون عليج حبيبتي بس معليه يمكن يبي لج وقت على ماياخذ النتيجه وانتي شوي يمكن مبالغه فالتدقيق والتبحلق عند المنظره :/

انسيه كم يوم وردي شوفيه عقب يتغير ولا يتم على حاله

وانا افكر اروح ايران بس مابي اطيح بدكتور يسوي الخشم مبالغ فيه ويصغره ويشيل العظم! كلنا نبي نتفادا هالنتيجه

رايي من راي كيكه قولي لنا اسم الدكتور وشدخل الرزق فالموضوع الرزق بيد الله مب بيدج عشان تقولين ماتبين تقطعين رزقه لانج فالنهايه تنقلين تجربتج اللي المفروض تكون صحيحه وصادقه

 

[جواهر 1]

بنات الموضوع قبل سنتين والبنت شكلها مسويه زراعه من زمان

 

[قلبي_طفل]

ان شاء الله يصير احلى صبري كل يوم بتشوفين له شكل.