سويت عملية انفي .. احتاج استشارتكم

[ندىـا]

السلام علييكم .. وشخباركم ؟!
بدخل بالمووضوع على طول :eh_s(11):
انا سويت عمليتي امسس
بس خشمي احسه كبير !!! هو تغير بس كبير !
هل هو من الانتفاخ بعد العمليه
ولا هاذا شكله ! ولا كيييف :eh_s(16):بليييز جاوبوني
وايش لازم اسوي عشان الازرق اللي حول عيوني
وكيف اتعامل مع خشمي !
ونفسيتي احسها مررررره تعبانه معصبه ومالي خلللق احد !

 

[طيـــف2]

ناجحه بإذن الله

 

[آياته]

حبيبتي كيف تشوفينه وانتي امس سويتها ماحط لك جبس على خشمك ؟؟
المهم حبيبتي لاتخاافين عاادي الحين هو واارم ويبين لك كبير بعد شهر شهرين يخف الورم ويصغرر ويتغير يصير احلى وبالنسبه للزراق تسوين كمادات ساخنه وتحطينها على كيفك مرتين باليوم او ثلاث وفي ناس يمدحوون المٌره تحطينها ويخف الورم
وانتبـــــــــهي عليه زيــــــــن ماتجيسه اي ضربه ولاشي ولاشي انتبهي انتبهي ولا حتى تمسكينه وايد الحين اهوو لسى وارام وريحي نفسك ولاتعصبي ولاتخافي خشمك بعد مده راح يتغير ويصير احلى واصغر بس انتي اصبري عليه وانتبهي له

 

[ريونه المزيونه]

وييي وينج ووين .. عنبو توج مسويتها.. كلنا مخنفر اول ماسوينها.. يبيله فتره حبيبتي ... والنتيجه النهائيه عقب سنه بس طبعا كل كم شهر تشوفيه احسن
عند من سويتيها؟؟؟

 

[uae_asma_uae]

حمدالله على السلامة الورم شئ طبيعي بعد أي عملية حتى لوما كانت بالخشم داومي على كمادات الثلج واشتري مرهم يشيل ألوان الكدمات يبالج على الأقل ٢٠ يوم وعقب الشهر يوضح الشكل الأولي وعقب ٦ شهور تبان النتيجة وان شاء الله تحصلين على النتيجة اللي تتمنيها *

 

[ندىـا]

يعطيكم العااافيه حبااااايبي ..
طيب بالنسبه للطلعه !!
بعد خمسه ايام حفلة صديقتي الملكه
وودي اكون حاضره
يعني توتل بيكون لي 7 ايام ع العمليه والحفله اليوم الثامن !!
تتوقعون ينفع ؟؟ ولا بيكون فيه تورم وخطر علي !

 

[ندىـا]

ريونه المزيونه سويته بمستشفى المغربي عند الدكتور علاء النجار
والحمدلله احس شغله حلوو !! بس لسه مافكيت الجبس يعني مدري

 

[ندىـا]

طيف2 يييييييييارب يسمع منك

 

[ام غمازهـ]

لسا حبيبتي انفك الان فريش يبي له وقت
انا صار لي شهرين من سويتها وانفي لحد الان منتفخ....... بس انا مو تجميل بس شال الكسر الي سببها حاادث

 

[ام غمازهـ]

مكياج عاادي انا حطيته بعد 10 ايام من سويت العمليه بس لاتضغطي ع انف حطي زي طبطه....بس انتبهي من ضرباات لان يتااثر باي ضربه

 

[ندىـا]

هلا والله حبيبتي ام غمازه ..
اممممم انا احسه منتفخ اكثر من قبل يعني قبل من تحت كان اصغر !
مع الوقت يرووح !
والله مرررره متأزمه ونفسيتي دمار

 

[MISS_LIZLIZ]

طيب ليش انتي ما شرح لك الدكتور التغير و الاشياء اللي تصير لك بعد العملية
لان اتوقع المفروض الدكتور يهيء المريض و يفهمه كل شي بعد العملية حتى يكون الواحد فاهم كل التغيير اللي يصير له

و اذا كان شرح لك كل شي خلاص لا تبالغين في ردة فعلك كثير
و حاولي ما تركزين على انفك و بعد فترة تلاقين كل شي خف اكثر من قبل و يصير افضل ان شاء الله ​

 

[ندىـا]

مس , انا سألك الدكتور وكل شي اسأله يقول اي اي انتفاخ ويروح
بس انا ابي من تجارب اللي سوو العمليه
وشكرن اختي

 

[صبر العمر]

توك فريش اصبري حبيبتي
بعد الاسبوع الاول يخف الورم واذا ضل ازرقاق حطي كونسيلر

لاتحطي نظارات اول شهرين حتى ما تاثر عالنتيجة

 

[ندىـا]

تسلمين حبيبتي
وبالنسبه للسباااحه !!! كيف
متى اتروش ؟!

 

[صبر العمر]

بعد الاسبوع تقدري تتروشي بعد ما يشيل الجبيرة ، او دقي عدكتورك وأساليه

 

[eLzain]

حالي من حالج انا احس غضروف طالع لووول

طيب والاكل شلون تاكلين ؟؟

اانا قاعده اكل كرواسون و اتريق بماكدونالز لووووول راهيه حدي الدكتور شكله بيطقني لا رحتله

اليوم لي ثالث والله يعدي هالاسبوعين على خير

 

[ندىـا]

الزييين .. انا الدكتور قال لي كلي اي شي اللي تبيينه عادي جدن
بس انا ماقدر افتح فمي احس خشمي يعورني !!!!
اكل شوربه واشياء خفييفه مو كبيره !

صبر العمر / الدكتور قال لي اسبحي قبل لا افك لك الجبيره !!!!

 

[ندىـا]

بنات ليش كذااا !!! مافيه حياه ؟!

 

[بنت سمي السيف]

طمنينا عنك كيف خشمك الان
وهل طلع مثل ما تبين !!