سويت شد وشفط وتعبانه حدي

[يجازيك بحبك]

السلام عليكم


بنات أنا سويت عملية شد وشفط لبطني وتصغير بصدري


لي اليوم 3 ايام التعب ذابحني من بطني والبرابيش سويتها بصفاة
لكن جسمي كله وإرم وصعبه الحركة والمشد اذا في وحده عندها معلومه وجربت هالشيء شلون تنظفه
عادي أطلعه والدكتور ماقالي
صراحه وربي تعب ليتني ما سويتها لكن الحمد الله على كل حال

 

[ام حسين 80]

جسمج وارم من الماي و ان شاء الله مع الوقت يخف يبيلج طوله بال و صبر و ان شاء الله النتيجه تبين بعدين لا تتحسفين
سيري و نحن من ورائك

انا بس ناطره اقط 5 كيلوات بعد و اسوي العملية ان شاء الله

 

[يجازيك بحبك]

أمين الله يسمع منج
إن شاء الله يخفف
ومشكورة على الرد

 

[نوور]

الحمدلله على السلامه ميخالف كل شي في بدايته صعب بس نطري وان شاءالله خير انا الاسبوع الجاي ان شاءالله دعواتج

 

[يجازيك بحبك]

أهلين نووور
الله يسلمج .....
الله يوفقج يارب وتبشرينا يا قلبي

 

[مدّهره !]

ووعليكم السلااام والرحمه ...~

الحممدد له ع سلااامتك خيتي ...’

البناات مو مقصرين إن شااء الله يفيدوونك ^^

المهم قوووي نفسك ...~

 

[sweet lady]

الحمدلله على السلامه
مسالة وقت ان شاءالله هاليومين ويتحسن الوضع
بالنسبة للمشد عادي حبيبتي تغسلينه باليد مع شامبو جونسون للاطفال ولا شامبو الأحمر وتشرينه بدون غسالة ولا نشافه
قالتلي ألطريقه لمن شربته

 

[still there]

الحمد لله علي سلامتج اتصلي علي العيادة و قوليلهم عن الاعراض اللى فيج
انتى مسوية ليزر ؟ خوفتيني الله يستر , بس ان شاء الله مثل ما قالوا البنات فترة و تعدي​

 

[يجازيك بحبك]

جزا الله خير كل من رد علي

والله يسلمكم

الحمد الله اليوم أنا أحسن اتصلت على الدكتور ورحت له غير لي الضمادات بس مؤ بالعياده لانها مسكرة الجمعة رحت الزهيًر
وقالي يوم الاثنين يشيل لي البرابيش اللي بصدر اما اللي بطني شكلها مطوله
وسمح لي اطلع المشد بس ساعتين علشان انظفهم ومشكورة سويت ليدي على المعلومه ساعدتيني
وربي

أنا مسويه جراحه مؤ ليزر لا لا تخافين الحركة والألم بس اول يومين والحين أهون بواجد
اي سؤال واستفسار يا بنات أنا حاضرة أجاوب عليه

 

[ريم جده]

مبروك يجأزيك وربي يعجل بشفاك وتفرحيين بالنتيجه وتكون احلى مماتمنيين...بسالك عن الاثر شفتي شكله وايش قالك الدكتور علية وهل بيروح تماما وكيف شكل الجرح عريض ولا نحييف ..ومبروك مره ثانيه

 

[يجازيك بحبك]

تسلمين ريم
الله يسمع منج
أمين
بنسبه للأثر ليل الحين مقدر اعطيج نتيجه جسمي مورم
وكدمات دمويه واكثر شي بصدري
اما عن بطني أنا مستانسه ماشاء الله الشكل فرق واجد
ويمكن اللي ساعدني أني مؤ متينه
لكن الحمد الله يارب
واحب اقول معلومه اللي مفكرة تحقن المؤخرة ( السموحه على الكلمه )
بدهون جسمها وبنفس الوقت مفكره تشد بطنها لا تسويها لانها ماراح تستفيد
غير الألم والعذاب ...

 

[futooosh]

الحمد لله على السلامه
حبيبتي يبيلج اسبوعين عشان العوار يروح

 

[taybaa]

حمدلله على السلامه وماتشوفين شر بس هاليومين التعب وبعدين بتستانسين ان شاء الله

 

[قموووره]

للجمال ضريبه ماعليه تحملي وان شاء الله كل يوم بيخف العوار عن الي قبله انا ماسويت صراحه بس الي اعرفه ان المشد لازم تلبسينه على طول علشان جسمج يشد مايرتخي
عاد لاتخرعيني انا ودي اشد

 

[يجازيك بحبك]

تسلمون جميعا


تصدقون اهم شيء بعد العملية انج تشربين ماي كل ساعه وتمشين وايد
علشان تصرفين السوائل اللي بالجسم لان كل شيء ينتفخ ويتورررم
عاد أنا وحده كسوله زفني الدكتور اليوم وقالي اهم شيء التغذيه وشربي
ينسون وكمون وزنجبيل ولاتسألوني ليش لأني ما ادري
بس ذبحتني الحرارة اول يومين مافيني بس مدري ليش

الله كريم

 

[still there]

تسلمين ريم
الله يسمع منج
أمين
بنسبه للأثر ليل الحين مقدر اعطيج نتيجه جسمي مورم
وكدمات دمويه واكثر شي بصدري
اما عن بطني أنا مستانسه ماشاء الله الشكل فرق واجد
ويمكن اللي ساعدني أني مؤ متينه
لكن الحمد الله يارب
واحب اقول معلومه اللي مفكرة تحقن المؤخرة ( السموحه على الكلمه )
بدهون جسمها وبنفس الوقت مفكره تشد بطنها لا تسويها لانها ماراح تستفيد
غير الألم والعذاب ...

لييييش ؟

 

[يجازيك بحبك]

لان ماراح تقدرين تنامين على ظهرج علشان ما تعطيج
نتيجه عكسيه ماتبين

وانتي بالأساس مسويه البطن شد يعني إلزامي تنامين على ظهرج

واذا قعدتي من النوم بتقومين من السرير يكفي عذاب الظهر وريولج تحسين انج متكسرة
واصلا الدهون تختفي

الا اذا في حال مؤ مسويه بطنج وماخذ الدهون من الظهر أهني أوكي عادي
أتمنى انج فهمتي علي ؟!...

 

[ام خدود ورديه]

الحمدالله على سلامتج حبيبتي. جم كلفتج

 

[يجازيك بحبك]

الله يسلمج
يا قلبي ..... كلفتني للدكتور ٢٢٠٠
أشرف عبد القادر والمستشفى ٩٢٠ دينار الصفاة الأمريكي

 

[رضوى احمد]

الف الحمد لله علي السلامة وربي يتمم شغائك علي خير
لوسمحتى حبيبتى ممكن تبعتيلى على الخاص رقم الدكتور اشرف لانى محتجاة جدا
واسفة على تعبك